Veritas - fulltrúaráð stúdenta á Hugvísindasviði við Háskóla Íslands

Fulltrúi Veritas sat fund með stjórn hugvísindasviðs í síðustu viku þar sem viðbrögð vegna útbreiðslu kórónuveirunnar voru rædd og viðbrögð sviðsins við samkomubanninu. Stjórn sviðsins er núþegar byrjað að bregðast við og viljum við ítreka að eins og stendur þurfa nemendur ekki að hafa áhyggjur af því að nám þeirra skerðist eða útskrift frestist vegna útbreiðslu veirunnar. Stjórn sviðsins, kennarar og nemendafulltrúar munu gera allt sem í þeirra valdi stendur til að veiran hafi sem allra minnst áhrif á gæði kennslu. ✌️

Ábyrgð hvers einasta einstaklings í íslensku samfélagi er mikil og þurfa öll að leggja sitt af mörkum til að hindra útbreiðslu veirunnar svo þau sem eru veikust fyrir sleppi algjörlega við hana. ❤️ Við bendum á mikilvægi handþvottar í því samhengi og á önnur tilmæli sem yfirvöld hafa sent frá sér. 💦

Það er þó engin ástæða til að örvænta og við biðjum nemendur um að halda ró sinni. Saman getum við tekist á við þessa áskorun. 💪

Við leggjum sérstaka áherslu á að allir nemendur fylgist sérstaklega vel með tölvupósti sínum og tilkynningum frá skólayfirvöldum vegna veirunnar. 🙌

Sífellt fleiri ákveða að taka framtíðina föstum tökum með því að gerast frumkvöðlar 🌎

Startup Reykjavík verður með kynningu á viðskiptahraðlinum í stofu 103 í hádeginu á morgun kl. 12:00 - og eru öll velkomin!

Við hvetjum stúdenta til að fjölmenna og kynna sér þá nýsköpunarstarfsemi sem er að eiga sér stað á Íslandi í dag - heitt á könnunni að venju ☕

Umsóknarfrestur er til 27. mars - sótt er um á www.startupreykjavik.is 🚀

https://www.facebook.com/events/293593987986739

Startup Reykjavik A 10 week long mentorship driven seed stage accelerator program that runs from June to August each year from Reykjavík, Iceland.Applications are open for the 2019 program

Við í stjórn Veritas höfum verið að leggja ansi mikla áherslu á mikilvægi hagsmunafulltrúa í ár og að kosið sé um þá fulltrúa innan nemendafélaga. Þess vegna hvetjum við öll nemendafélög til þess að fara yfir lög félaga sinna og athuga hvort þar vanti inn ákvæði um kosningu hagsmunafulltrúa. Kosning hagsmunafulltrúa er nefnilega alveg jafn mikilvæg og kosning nýrrar stjórnar.

Ef það vantar í lögin hjá ykkur ákvæði um hagsmunafulltrúa gætum við í stjórninni hjálpað ykkur við að semja lagabreytingartillögur. Við mælum svo líka með að kíkja á hagsmunaskjalið sem við sendum út í byrjun þessa skólaárs, en þar eru tillögur um það hversu marga hagsmunafulltrúa þyrfti að kjósa. Nemendafélög innan deildanna þyrftu svo að tala saman varðandi það hverjir senda fulltrúa á deildarfundi.

Ykkur er velkomið að hafa samband við okkur ef ykkur vantar einhverja hjálp við lagabreytingar. Við erum alveg mikið meira en til í að aðstoða við þetta og svara öllum spurningum sem kunna að koma upp!

Hér er hagsmunaskjalið góða:

Hagsmunafulltrúar á hugvísindasviði HÍ.pdf

Langar þig að verða leiðtogi? Þá er mjög sterkt að fara í nám á hugvísindasviði í HÍ!
Háskóli Íslands er eini háskólinn á landinu sem býður upp á nám á hugvísindasviði, umsóknarfrestur er til 5. júní https://www.hi.is/umsokn_um_nam

*Bendum samt á að Sveinn Björnsson var ekki þjóðkjörinn en var samt sem áður forseti Íslands og stundaði nám í hugvísindum.

Veritas tók þátt í að kynna nám, nemendafélög og hagsmunastarf á Hugvísindasviði á háskóladeginum í gær 👏🏼

Við elskum öll Baðstofuna 😍

Athugið kæru nemendur á Hugvísindasviði!

Stjórn Hugvísindasviðs óskar eftir fulltrúa nemenda í nefnd er varðar rannsóknarinnviði Hugvísindasviðs!

HÍ og rektor stefnir í átak í innviðauppbyggingu en rannsóknarinnviðir eru m.a. tæki og tól sem notuð eru til rannsókna. Hugvísindasvið hefur hingað til ekki verið mikið með í umræðunni um rannsóknarinnviði vegna þess að það er ekki það mikil þörf á tækjum við rannsóknir á sviðinu. Hins vegar hefur nú verið vakin athygli á því að rannsóknarinnviðir fyrir hugvísindasvið séu t.d. bækur og betri aðgangur að rafrænum gagnagrunnum af útgefnu efni. Hugvísindasvið þarf því nú að láta í sér heyra varðandi þetta og því hefur verið skipuð nefnd þar sem eru fulltrúar úr öllum deildum sviðsins ásamt fulltrúum nemenda.

Nefndin kemur til með að funda 1-2 sinnum á næstu vikum og markmið hennar er að kortleggja þarfir sviðsins og útskýra og rökstyðja hverju við þurfum á að halda og hvers vegna.
Svavar Hrafn forseti sagnfræði- og heimspekideildar verður formaður nefndarinnar. Nefndin mun koma saman sem fyrst og því óskum við eftir fulltrúum nemenda sem hafa áhuga á að taka þátt í þessari vinnu.

Áhugasamir sendi póst á formann Veritas á [email protected] varðandi frekari upplýsingar. Við minnum á að frestur til þess að „skrá” sig er stuttur og því best að hafa hraðar hendur ef þið viljið taka þátt í nefndinni! Verkefni nefndarinnar verða væntanlega ekki fleiri en þetta eina verkefni svo þetta er ekki mikil skuldbinding.

Vissir þú að stúdentar geta notað snara.is utan Háskóla Íslands? Sérstaklega hentugt þegar nördið er ræktað í jólafríinu úti á landi 💭💻📚

VPN fyrir Windows 10 | Reiknistofnun Háskóla Íslands Hér má finna leiðbeiningar hvernig þú setur upp VPN tengingu í Windows 10. ATH að ekki er hægt að tengjast með VPN-i ef þú ert nú þegar tengd(ur) neti HÍ. 1) Opnaðu "Network and Sharing Center". Það getur þú t.d. gert með því að hægrismella á net-íkonið neðst til hægri ...

Veritas fjárfesti í dag í ísskáp, nýrri kaffikönnu og teppum fyrir Baðstofuna! Við vonum að þið takið vel í þessa viðbót í rýmið og hjálpið okkur að ganga vel um og halda Baðstofunni fínni og hreinni. Það er þó okkar helsta von að þið munið njóta vel í Baðstofunni með góða bók, heitt kaffi, kælt nesti og hafið það jafnvel líka notalegt undir teppi 📚☕️🥙🛋

Við viljum einnig nýta tækifærið og minna á mikilvægan fund á morgun: Hvert er hlutverk hagsmunafulltrúa á Hugvísindasviði? í Baðstofunni kl 18! Hlökkum til að sjá ykkur þar 😋

Við tókum okkur til og þrifum og endurskipulögðum Baðstofuna til þess að koma nýju hillunum fyrir. Við erum bara nokkuð ánægð með útkomuna 👌🏻