eTwinning Ísland

Ný ferðafrásögn á eTwinning.is! 🇬🇷

María Helen Eiðsdóttir, skólastjórnandi við Fossvogsskóla, tók þátt í eTwinning-vinnustofu fyrir stjórnendur í Thessaloniki í Grikklandi þar sem inngilding, stafræn þróun og alþjóðlegt samstarf voru í brennidepli.

Á vinnustofunni fékk hún tækifæri til að kynnast reynslu skóla víðs vegar um Evrópu, taka þátt í áhugaverðum málstofum og mynda tengsl sem geta leitt til nýrra samstarfsverkefna í framtíðinni.

📖 Hlekkur á fréttina í fyrstu athugasemd 👇

📢 Óskað eftir þátttakendum á hina árlegu eTwinning ráðstefnu í Brussel!

Dagana 1.–3. október 2026 fer fram árleg eTwinning ráðstefna í Brussel undir yfirskriftinni Future-ready schools: Empowering Teachers and Learners.

Á ráðstefnunni verður fjallað um hvernig skólar geta undirbúið nemendur fyrir framtíðina með áherslu á stafræna hæfni, gervigreind, nýsköpun, þátttöku nemenda, vellíðan og inngildandi skólastarf.

🇮🇸 Tvö sæti eru í boði fyrir íslenskt skólafólk og eTwinning landskrifstofan greiðir flug, gistingu og fæði á ráðstefnudögum.

🗓️ Umsóknarfrestur er til 20. júní 2026.

Nánari upplýsingar og hvernig sótt er um í fyrstu athugasemd 👇

Ragnhildur Sigríður Birgisdóttir, kennari við Fossvogsskóla, tók þátt í alþjóðlegri eTwinning-vinnustofu í Prag dagana 25.–28. mars 🇨🇿

Vinnustofan Future-ready basic skills in early years and primary education fjallaði um hvernig leik- og grunnskólar geti betur undirbúið börn fyrir framtíðina með áherslu á grunnfærni, lýðræðismenntun og þátttöku barna í síbreytilegu samfélagi.

Á dagskránni voru fyrirlestrar, vinnustofur, skólaheimsóknir og tengslamyndun með kennurum víðs vegar að úr Evrópu. Sérstaklega ánægjulegt var að efla tengsl við þátttakendur frá Norðurlöndunum og ræða möguleg framtíðarverkefni í gegnum eTwinning ✨

Sjá ferðafrásögnina í fyrstu athugasemd 👇

🌍✨ Framhaldsskólakennari í STEAM-greinum?
Nú er óskað eftir þátttakendum á alþjóðlega eTwinning-vinnustofu í Reykjavík dagana 9.–11. september 2026!

Þar færðu tækifæri til að:
🔹 þróa alþjóðleg samstarfsverkefni
🔹 efla tengslanetið þitt
🔹 sækja innblástur til nýsköpunar í kennslu
🔹 kynnast eTwinning nánar

Boðið verður upp á fyrirlestra, vinnustofur, tengslamyndun og menningardagskrá með þátttakendum frá Norðurlöndunum og Benelux-löndunum. ✨

📍 Berjaya Reykjavík Natura
✈️ Ferðastyrkur og gisting í boði fyrir þátttakendur utan höfuðborgarsvæðisins.

📅 Skráðu þig og taktu þátt í spennandi alþjóðlegu samstarfi á sviði menntunar!

👉 Sjá nánari upplýsingar og skráningu í athugasemd;

Við kynnum nýjan eTwinning sendiherra á Íslandi 👏

Íris Hrönn Kristinsdóttir hefur tekið til starfa sem eTwinning sendiherra og færir með sér víðtæka reynslu úr skólaþróun, leik- og sérkennslu og samstarfi við skóla um allt land.

Hlutverk eTwinning sendiherra er að styðja kennara í að taka fyrstu skrefin í alþjóðlegu samstarfi, deila reynslu og hvetja til nýsköpunar í kennslu ✨

Kynntu þér Írisi og hennar bakgrunn, sjá frétt í fyrstu athugasemd 👇

🌍 Viltu styrkja inngildingu og skilning í kennslustofunni?

Í tilefni af evrópsku ungmennavikunni býður Eurodesk á Íslandi upp á vefstofu um „þvertrúarlegt samtal“ (interfaith dialogue) – gagnlega nálgun fyrir alla sem vilja vinna markvisst með fjölbreytileika og virðingu í skólastarfi.

Á vefstofunni verður fjallað um:
✨ Hvernig hægt er að ræða ólík trúarbrögð á uppbyggilegan hátt
✨ Hvernig slíkt samtal styður við inngildingu ungs fólks
✨ Hvernig nýta má Erasmus+ og eTwinning til að efla skilning og samvinnu

Vefstofan byggir á reynslu frá Erasmus+ námskeiði í Sarajevo og hentar vel kennurum sem vilja efla alþjóðlega vídd í kennslu sinni 💡

📅 28. apríl
🕑 14:00–15:00
💻 Á Teams

Nánari upplýsingar og skráning í fyrstu athugasemd 👇

Fáðu innblástur frá kennurum víðs vegar um Evrópu! ✨

Í nýrri greinaröð á European School Education Platform segja kennarar víðs vegar um Evrópu frá því hvernig þeir vinna með borgaravitund í kennslu.

Kynntu þér hagnýt ráð til að virkja nemendur í gegnum sjálfboðastarf, verkefnavinnu og fjölbreytt verkefni, auk hugmynda um hvernig hægt er að samþætta lýðræði og borgaralega færni í tungumálakennslu, önnur námsgreinar og starfsmenntun (VET).

Þessi dæmi sýna hvernig kennarar styðja nemendur við að þróa færni sem nýtist þeim í námi og samfélagi og hvetja þá til að verða virkir og ábyrgir borgarar.

Skoðaðu greinarnar og fáðu innblástur fyrir næstu kennslustund 👉 https://school-education.ec.europa.eu/en/discover?pk_campaign=Esep_etwinning_awareness_sprg_26&pk_source=NSO

📣 Ársfundur Erasmus+ – í næstu viku!

Ársfundur Erasmus+ fer fram í næstu viku og nú er rétti tíminn til að tryggja sér sæti 🌍✨

Fundurinn er mikilvægur vettvangur fyrir alla sem starfa innan menntakerfisins og hafa áhuga á Erasmus+, eTwinning og stoðverkefnum áætlunarinnar. Þar verður farið yfir stöðu og framtíð Erasmus+, áherslur fram undan og þátttakendur fá tækifæri til að hittast og miðla reynslu.

Fyrir eTwinning-kennara er þetta sérstaklega gott tækifæri til að:
🔹 Fá innblástur fyrir ný verkefni
🔹 Sjá hvernig eTwinning og Erasmus+ styðja hvort annað
🔹 Stækka tengslanetið sitt

📅 Ekki missa af – hlekkur á dagskrá og skráningu í fyrstu athugasemd 👇