Fjármálavit

19/08/2026

Fjármálavit gefur grunnskólum landsins eintak af glænýja borðspilinu Aur og Áhætta.
Spilið er afurð nýsköpunaráfanga nemenda í Verzlunarskóla Íslands og er hugsað sem skemmtilegt uppbrot í skólastarfi en einnig að það nái til sem flestra og þjóni þannig sínum tilgangi að efla almennt fjármálalæsi.
Þetta er skemmtilegt spil þar sem leikmenn kaupa fjárfestingar og taka áhættur, en notast er við svokölluð markaðs- og óvissuspil sem hafa áhrif á það hvernig leikurinn spilast. Allt getur gerst á ófyrirséðum markaði.
Aðrir áhugasamir geta keypt spilið af höfundunum með því að senda á netfangið [email protected].

10/06/2026

Bergþóra Emma og Alexander Kiljan úr Garðaskóla voru fulltrúar Íslands í Evrópukeppni í fjármálalæsi og eru hér ásamt Rósönnu Andrésdóttur kennara að ræða við Björn Malmquist fréttamann RUV í Brussel beint eftir keppnina.

19/05/2026

Frá Garðaskola til Brussel👏👍✈️ Bergþóra Emma og Alexander Kiljan voru fulltrúar Íslands og samnemenda sinna í 10. bekk Garðaskóla í Evrópukeppninni í fjármálalæsi sem lauk í dag. Það voru 60 spenntir unglingar frá 30 löndum sem mættu til leiks ásamt kennurum sínum og hafnaði íslenska liðið í 12.sæti og var efst meðal norðurlandanna - sannkallaðir norðurlandameistarar👏👍

18/05/2026

Garðaskóli er sigurvegari Fjármálaleiknna 2026. 2000 nemendur í 50 grunnskólum tóku þátt í spennandi keppni um fjármál. Tveir fulltrúar sigurvegaranna í Garðaskóla eru fulltrúar Íslands í Evrópukeppninni í fjármálalæsi í Brussel 19. maí 2026.

07/05/2026

Þessi flotti hópur nemenda er í nýsköpunaráfanga í HR og vinnur nú að gerð fræðsluspils í fjármálalæsi fyrir grunnskólanema. Þau komu við hjá Fjármálaviti og fengu nokkur góð ráð👏👍

05/05/2026

Niðurstöður úr nýrri könnun Gallup um fjármálalæsi sýna m.a. að yfir 90% aðspurðra telja að fjármálalæsi eigi að vera skylda í grunnskólum.

Rúmlega 9 af hverjum 10 telja skipta miklu máli að fjármálalæsi verði gert að skyldufagi í grunnskólum landsins. Þetta kemur í ljós í niðurstöðum könnunar sem Gallup gerði fyrir SFF.

17/04/2026

Krakkarnir í 10. bekk Garðaskóla eru sigurvegarar Fjármálaleikanna 2026 og fá titilinn Íslandsmeistarar grunnskóla í fjármálalæsi. Grunnskóli Fjallabyggðar hafnaði í öðru sæti og Vogaskóli í því þriðja.
Um 2000 nemendur í 50 grunnskólum landsins tóku þátt í keppninni, en Garðaskóli verður fulltrúi Íslands í Evrópukeppni í fjármálalæsi sem fram fer í Brussel 18. - 19. maí næstkomandi.
Um er að ræða spennandi vefleik þar sem krakkarnir svara 48 fjölbreyttum spurningum um fjármál sem snúast m.a. um að geta reiknað vexti á lán og sparnað, að vita um hvað tryggingar snúast, þekkja réttindi og skyldur á vinnumarkaði, átta sig á lífeyrissparnaði og kunna ýmislegt um t.d. gengissveiflur og verðlagsþróun.
https://fjarmalavit.is/3161-2/