Hringsjá endurhæfing

29/09/2026

Á mánudögum í Víðsjá er saumanámskeið hjá Ásdísi. Námskeiðið er alltaf jafn vinsælt!
Þátttakendur eru meðal annars að breyta og gera við fatnað, taka upp snið og sauma alls konar fatnað með aðstoð Ásdísar. Hér má t.d. sjá bútasaumsjakka, stuttbuxur, buxur, topp og gallabuxur í bígerð 🩳👚🪡

25/09/2026

Það er nóg um að vera á matsbrautinni núna, innan skamms fara tveir hópar af stað og aðsóknin hefur verið frábær. Við erum spennt að hefja samstarf með einstaklingum sem eru tilbúnir að auka daglega virkni með ýmiskonar verkefnavinnu. Meðal annars í íslensku, sjálfsstyrkingu, stærðfræði, upplýsingatækni og vettvangsheimsóknum. Matsbrautin er í tvær kennslustundir í senn, mánudaga - fimmtudaga í 8 vikur í senn.

24/09/2026

"Að sjá og skapa" er nýtt og spennandi námskeið sem hefst þriðjudaginn 29. sept. Þetta er grunnnámskeið í teikningu, litum og myndlist fyrir þau sem vilja læra að horfa, skapa og þróa eigin myndverk. Nemendur kynnast grunnatriðum teikningar og málunar, litum, formum, birtu og skugga ásamt ólíkum efnum og aðferðum.
Þetta er skemmtilegt námskeið fyrir þá sem hafa áhuga og löngun til að prófa eitthvað nýtt. Kennari er Svana Björk Jónsdóttir myndmenntakennari. Kennt er þri. og fim. (einn mið) kl. 14:10 til 15:40 í alls 6 skipti. Verð kr. 25.000. Nánari upplýsingar eru á https://hringsja.is/namskeid/

24/09/2026

Jóhanna Birna Bjartmarsdóttir menntatæknisérfræðingur kom í Víðsjá í gær og hélt áhugaverðan fyrirlestur um hvernig hönnun og umhverfi geta haft áhrif á lestur, einbeitingu og vellíðan. Hún fjallaði meðal annars um hvernig hægt er að koma til móts við ólíkar þarfir fólks og skapa aðstæður sem styðja betur við lestur og einbeitingu. Þetta er mikilvægt umræðuefni fyrir okkur í Víðsjá, þar sem við viljum stuðla að umhverfi sem tekur mið af ólíkum þörfum og gerir sem flestum kleift að taka þátt og dafna. 💚

23/09/2026

Nokkur pláss eru laus á námskeiðið "Sjálfstyrking" sem hefst mánudaginn 5. október. Verð kr. 25.000. Kennt er mán., mið. og fim. kl. 14:10 til 15:40 í alls 8 skipti. Nánari upplýsingar er hægt að fá í síma 5109380 og á https://hringsja.is/namskeid/

22/09/2026

Athugið! Lokað verður í Hringsjá eftir hádegi í dag. Ástæða lokunar er sú að kaldavatnslaust er við Hátún frá klukkan 10:30 til klukkan 16:00.

22/09/2026

Matsbrautarhópurinn fór í dag í vettvangsferð í RÚV ásamt Þórhildi félagsráðgjafa. Sigrún Hermannsdóttir viðburða og þjónustustjóri hjá RÚV tók á móti hópnum og sýndi þennan skemmtilega og fölbreytta vinnustað.
Takk kærlega fyrir frábærar móttökur.

16/09/2026

Dagur íslenskrar náttúru er haldinn hátíðlegur ár hvert þann 16. september. Frá árinu 2010 hefur dagurinn verið tileinkaður íslenskri náttúru til að undirstrika mikilvægi hennar. Dagurinn er fæðingardagur Ómars Ragnarssonar en sem frétta- og þáttagerðarmaður hefur hann lengi verið ötull talsmaður náttúruverndar og stuðlað að aukinni vitund um náttúru Íslands og mikilvægi þess að vernda hana og varðveita.https://www.stjornarradid.is/.../dagur-islenskrar-natturu/

11/09/2026

11/09/2026

Guli dagurinn í Víðsjá. Matreiðsla með Eygló þar sem hópurinn græjaði pylsur með heimagerðu kartöflusalati úr kartöflum sem þátttakendur ræktuðu, gular möffins og pönnsur 💛