Erasmus+ Ísland

Við köllum eftir þinni þátttöku! 📋
Landskrifstofa Erasmus+ hvetur styrkhafa til að taka þátt í nýrri notendakönnun sem miðar að því að bæta upplifun notenda af kerfum og ferlum áætlunarinnar.

Sjá nánar í fyrstu athugasemd ⬇️

Fulltrúar Rannís, Eydís Inga Valsdóttir og Jón Svanur Jóhannson, tóku þátt í vel lukku Menntaþingi Vestfjarða í gær. Kynntu þar hinar ýmsu áætlanir og tækifæri, m.a. Erasmus+, eTwinning, Nordplus o.fl.

Takk fyrir flott þing Vestfjarðastofa!

Vallaskóli á Selfossi blómstrar í evrópsku samstarfi: Erasmus+ opnar nýja heima

🌍Alþjóðlegt samstarf er orðið einn af hornsteinum starfseminnar í Vallaskóla. Með virkri þátttöku í Erasmus+ verkefnum hafa tækifæri nemenda og starfsfólks til að sækja innblástur út fyrir landsteinana, efla tengslanet sitt og dýpka skilning á ólíkum menningarheimum aukist umtalsert. Vallaskóli er stoltur Erasmus+ skóli þar sem horft er til framtíðar með víðsýni og metnað að leiðarljósi.

📷 Nokkrir nemendur Vallaskóla í Helsinki með Alexander Stubb, forseta Finnlands.

Lesið endilega frásögn frá Má Ingólfi Mássyni, verkefnastjóra - sjá í fyrstu athugasemd ⬇️

Smá fréttir og innblástur og tengsl á eTwinning-ráðstefnu í Óðinsvéum 🌿

Diljá Helgadóttir og Inga Þórunn Waage, kennarar við Menntaskólann á Tröllaskaga, ásamt Margréti Hrefnu Ríkarðsdóttur frá Langholtsskóla, sóttu norræna eTwinning-ráðstefnu dagana 15.–17. apríl þar sem áhersla var lögð á alþjóðlegt skólasamstarf, verkefnavinnu og gervigreind í kennslu.

Diljá segir upplifun sína af ráðstefnunni hafa verið mjög jákvæða: „Ég fór út með litla vitneskju um út í hvað ég var að fara. Ráðstefnan, skipulag hennar og innihald var til fyrirmyndar og gaf mér meira en ég átti von á. Ég kynntist fullt af frábærum einstaklingum og gerði verkefni með kennurum nokkurra skóla sem á að hrinda í framkvæmd næsta vor.“

Lesið nánar um þetta eTwinning verkefni í fyrstu athugasemd ⬇️

Vekjum athygli á tengslaráðstefnu fyrir starfsmenntastofnanir um notkun gervigreindar.

Fyrir: Starfsfólk í starfsmenntastofnunum sem hefur áhuga á gervigreind og stafrænum nýjungum.

Tengslaráðstefnan er bæði fyrir nýliða í Erasmus+samstarfsverkefnum sem og reyndari aðila.

Nánar í fyrstu athugasemd ⬇️

Hvernig lítur inngilding út í skólastarfi og hvernig getum við gert hana sýnilega í Erasmus+ verkefnum?

Þessum spurningum var varpað fram á líflegri vinnustofu sem haldin var á dögunum, þar sem kennarar og verkefnastjórar komu saman til að skoða inngildingu frá nýjum og fjölbreyttum sjónarhornum.

Lesið nánar um vinnustofuna í fyrstu athugasemd ⬇️

Vekjum athygli á tengslaráðstefnu fyrir fullorðinsfræðslustofnanir í lok september í Reykjavík.

Fyrir: Fullorðinsfræðslustofnanir sem eru að skipuleggja Erasmus+ verkefni.

Þema og markmið: Markmiðið er að efla fræðslustofnanir til að skipuleggja einstaklings- og/eða hópferðir fyrir ýmsa í samfélaginu eins og til að mynda innflytjendur, atvinnulaust fólk, fólk með fötlun, eldra fólk. Búist er við um 50 þátttakendum frá 22 löndum.

Nánar í fyrstu athugasemd ⬇️