Færni til framtíðar

Gleðilegan föstudag 🌿

Ég elska að lesa rannsóknir og lít eiginlega á það sem mína endurmenntun – að fylgjast með, læra eitthvað nýtt og tengja það við það sem ég er sjálf að vinna með.

Nýlega datt ég niður á glænýja kanadíska rannsókn Ramsden og félaga (2026) sem vakti strax áhuga minn. Hún náði til tæplega 5.000 barna og skoðaði tengsl útileiks, áhættuleiks og skjátíma við þroska barna við upphaf skólagöngu.

Niðurstöðurnar tala svolítið inn í það sem ég hef lengi verið að tala fyrir. Meiri áhættuleikur tengdist betri stöðu á nokkrum þroskaþáttum (EDI matstæki), útileikur tengdist meðal annars betri líkamlegri heilsu og vellíðan og meiri skjátími tengdist lakari stöðu á öllum þroskaþáttum.

Rannsóknin sýnir því tengsl en ekki orsök og afleiðingu – sem sagt enn ein áminning um að gefa börnum tíma, tækifæri og fjölbreytt umhverfi til að leika, ögra sér og prófa sig áfram.

Meiri leikur - feiri tækifæri og meiri og betri... Færni til framtíðar. 🌿

Góða helgi flotta fyrirmynd

Gleðilegan miðvikudag 🌿

Tæknin er ekkert að fara -
hún er hluti af lífinu og getur verið frábært verkfæri þegar hún á við. 🌿

Á sama tíma er gott að muna að bernskan á sinn tíma. Hún blómstrar í leik, hreyfingu, forvitni, samveru og ótal litlum augnablikum úti í náttúrunni.
Þar fær líkaminn að hreyfast, skynfærin að vinna og hugurinn að hvílast.

Snjallsíminn getur beðið - bernskan bíður ekki. 💚

Njótið dagsins 🌿

Úti eru tækifærin 🌿

Ekki bara til að leika heldur líka til að hreyfa sig, uppgötva, skapa og þroskast.

Það sem virðist vera venjuleg útivera er oft ein besta fjárfestingin í líðan og þroska barna.

Njótið dagsins 🌿

Gleðilegan sunnudag 🌿

Stundum felast stærstu tækifærin í einföldustu hlutunum – eins og að leita að hjartalaga steini ♡.

Það sem virðist vera einfaldur leikur er svo miklu meira. Barnið hreyfir sig, virkjar skynfærin, þjálfar athygli og forvitni, leysir verkefni, á samtöl og skapar minningar.

Það er einmitt það sem heillar mig við útiveruna. Náttúran býður upp á ótal tækifæri til þroska án þess að börn upplifi að þau séu að „æfa“ eitthvað.

Úti eru tækifæri - alltaf 🌿

Njótið dagsins.

Átt þú barn sem er að hefja skólagöngu? 💦

Það styttist í skólabyrjun og hjá mörgum börnum eru fyrstu sundtímarnir fram undan.
Það er eðlilegt að margir forráðamenn finni fyrir smá spennu. Besti undirbúningurinn fyrir skólasundið er einfaldur.

Æfið sjálfstæði í baðklefanum!

Ef barnið getur klætt sig úr og í, farið í sturtu, þurrkað sér og gengið frá dótinu sínu verður upphaf skólasundsins yfirleitt bæði auðveldara og ánægjulegra – fyrir barnið, kennarann og forráðamenn.

Farið saman í sund og gefið barninu tíma til að æfa sig.
Leyfið því að gera sem mest sjálft því þannig byggir það upp sjálfstraust, öryggi og færni
sem nýtist strax þegar skólasundið hefst.

Í ljósi þess að umræðan kemur gjarnan upp á hverju hausti langar mig, sem sundkennara, að nefna eitt, börn læra yfirleitt best að synda í sundskýlu eða sundbol.

Nú er tilvalið að skella sér í sund, hoppa, sprikla, synda, kafa, fljóta og njóta samverunnar.

Góða skemmtun í sundlauginni um helgina 💦

Gleðilegan miðvikudag 🌿

Á meðan vatn, mold og sull heilla meira en skjáir ætla ég ekki að flýta barninu inn.

Þarna á sér stað meira nám en margir gera sér grein fyrir.

Skynfærin, hreyfingin, lausnaleitin og gleðin fá allt sitt pláss – án þess að það kosti neitt.
Úti eru tækifærin - alltaf.

Njótið dagsins

Auka frídagur 🌿

Hvað ætlar þú að gera nærandi og uppbyggilegt með barninu þínu í dag?

Náttúran er alltaf opin og gerir ekki mannamun. Þar geta allir fengið ráðlagðan dagskammt af hreyfingu, notið samverunnar og slegið margar flugur í einu höggi.

Stundum þarf ekki meira en að fara út – því úti eru tækifærin alls staðar.

Njóta ekki þjóta

Gleðilegan föstudag 🌿

Rúmskyn þróast best þegar börn fá að hreyfa sig í fjölbreyttu umhverfi. Náttúran býður upp á endalaus tækifæri til að klifra, hoppa og kanna – ein besta fjárfestingin í þroska barna. 💚

Góða útiveru helgi flotta fyrirmynd - gangið hægt um gleðinnar dyr 🌸

Gleðilegan miðvikudag 🌿

Náttúran gefur börnum fjölbreytt áreiti sem ekkert app eða leikfang getur endurskapað.

Fjölbreytt hreyfing og fjölbreytt umhverfi eru ein besta fjárfestingin í þroska barna. 💚

Njótið dagsins