Blómstraðu

Blómstraðu https://namstaekni.is

Sígrænt námskeið? Hvað táknar það?Að undanförnu hef ég verið að undirbúa að setja á netið svokölluð sígræn námskeið sem ...
27/08/2026

Sígrænt námskeið? Hvað táknar það?
Að undanförnu hef ég verið að undirbúa að setja á netið svokölluð sígræn námskeið sem eiga öll grunn í efninu mínu "Blómstraðu í einkalífi og starfi! Njóttu þess að vera þú!
Þetta eru allt námskeið sem eru ætluð konum í mismunandi aðstæðum, konum sem vilja ná að breyta því hvernig daglegt líf er orðið í dag, konur sem vilja leyfa sér að blómstra og njóta sín betur.
Við getum sagt að meginþráðurinn sé mikilvægi þess að við eflum sjálfstraust okkar, sjálfsímynd og sjálfsvirðingu, að við setjum okkur í fyrsta sætið og hugum að vellíðan, eldmóði, hugrekki og gleði okkar sjálfra áður en við getum með réttu unnið að aukinni vellíðan, velgengni og gleði fólksins okkar.
Þú þarft að geta blómstrað til að hjálpa fólkinu þínu til að blómstra.
Þessi námskeið sem ég kalla sígræn verða aðgengileg á netinu og eru mislöng, 4 - 6 - 8 - 10 vikur, hverju námskeiði er skipt niður í 4 - 6 - 8 eða 10 viur og í flestum tilvikum eru 10 verkefni fyrir hverja vikur. myndbönd fylgja þar sem ég fjalla um efni námskeiðanna og efni hvers þáttar eða viku.
Ég hlakka til að opna nýja vefsvæðið í næsta mánuði. Við munum bjóða upp á áskrift að vefsvæðinuþar sem hægt er að nýta ýmis stafræn verkfæri auk pistla og örnámskeiða.

Við styrkjum meðvitund okkar varðandi það sem okkur er mikilvægast - og hvað í daglegu lífi við getum svo hæglega verið án. Við þurfum ekki að bera bakpoka fulla af einhverju sem hindrar för okkar að markmiðum okkar. Við getum fundið fleiri leiðir en við sáum áður.

Á nýja vefsvæðinu býðst þér að nota ýmis stafræn verkfæri sem geta gert alla aðra námskeiðsvinnu enn dýpri og öflfugri.

Næstu daga ætla ég að ljúka við myndbandsupptökurnar til að við getum "dregið tjöldin frá" núna í næsta mánuði. Það verður virkilega spennandi.
Já þetta verður spennandi þegar við getum opnað nýja vefsvæðið því þá geta fleiri náð að fara í gegnum efnið mitt og valið sér hvaða þætti þær hafi mesta þörf fyrir þessa stundina.
Þessi sígrænu námskeið getur þú farið í gegnum á þínum hraða og þó svo að ég komi ekki beint nærri þá fylgi ég þér í raun í gegnum hvert og eitt námskeið.
Meira um það síðar.

Þangað til skaltu skoða hvaða möguleikar bjóðast þér á vefnum okkar namstaekni.is
Bestu kveðjur
Jóna Björg.

Þá er lengstu ferðahelginni á Íslandi þetta árið lokið og margt hefur líklega gerst hjá mörgum þessa síðustu daga. Nú er...
04/08/2026

Þá er lengstu ferðahelginni á Íslandi þetta árið lokið og margt hefur líklega gerst hjá mörgum þessa síðustu daga. Nú er allt í einu langt liðið á sumarið - þó margir séu etv rétt að byrja í sumarfríi en aðrir að verða búnir með þá dýrindis daga sem eru jú alltof fáir hjá flestum. Hvernig ert þú búin undir álagið sem bíður þín nú þegar styttist ótrúlega hratt í haustið? Það er byrjað að skyggja á kvöldin sem minnir okkur óneitanlega á að daginn er tekið að stytta.
Já, hver er staðan hjá þér núna? Ertu hlaðin orku og eldmóði eftir síðustu vikur - eða ættir þú að staldra aðeins við og taka stöðuna? Hvers þarfnast þú helst nú til að takast á við næstu verkefni? Hvað getur þú gert fyrir sjálfa þig í dag? Hvað getur þú jafnframt gert fyrir fólkið sem þér er kærast?
Ákveddu eitthvað eitt sem þú ætlar að gera fyrir sjálfa þig daglega það sem eftir er vikunnar, og eitthvað eitt sem þú vilt ná að gera fyrir einhvern í annaðhvort fjölskyldu þinni eða vinahópnum.

Gangi þér vel
bestu kveðjur
Jóna Björg.

Sjálfsvirðingin þín um helgina og í síðustu viku.Hvernig sýndir þú sjálfri þér hvers þú ert megnuð?Hvernig komst þú fram...
28/07/2026

Sjálfsvirðingin þín um helgina og í síðustu viku.
Hvernig sýndir þú sjálfri þér hvers þú ert megnuð?
Hvernig komst þú fram við aðra?
Hvernig var framkoma annarra í þinn garð? Var hún upp á það besta - eða sættir þú þig við óæskilega / neikvæða / slæma framkomu í þinn garð og lést eins og ekkert væri?
Hvað gerðir þú til að vanda þig við að koma fram við sjálfa þig?

Síðastliðin vika er liðin og hvað svo sem gerðist þá - þá vitum við að því verður ekki breytt EN nú erum við komnar yfir í nýja viku og þú getur undirbúið þig í huganum fyrir það hvernig þú vilt koma betur fram við sjálfa þig í dag - á morgun - út vikuna (og vonandi svo áfram).
Hvað ætlar þú að gera til þess?
Hvað viltu td. segja uppörvandi við sjálfa þig þegar þú lítur nývöknuð og óförðuð í spegilinn?
Hvað viltu muna að segja við sjálfa þig í kvöld rétt áður en þú ferð að sofa? Viltu þakka sjálfri þér? Viltu hrósa sjálfri þér? Viltu segja sjálfri þér hvað þú sért frábær?
Hvað svo sem það er og verður, gefðu þér nú smá stund til að hugsa um það.

Hvað þarf til svo að sjálfsvirðingin þín hjálpi til með að efla sjálfstraust þitt svo um munar? Skrifaðu það niður og sjáðu sjálfa þig svo fyrir þér í huganum þar sem þér líður mjög vel með sjálfa þig. Hvernig er tilfinningin? Hvernig lýsir þú tilfinningunni?

Ég hlakka til að geta sagt þér á næstunni frá nýja vefsvæðinu hjá Blómstraðu sem verður opnað innan nokkurra vikna þar sem þú getur mælt styrklega sjálfstrausts þíns á spennandi formi,

Bestu kveðjur
Jóna Björg Sætran.
[email protected]

namstaekni.is

Hvaða hindranir hafa tafið för þína? Hvers vegna upplifir þú að þú sért á hrinsóli á hringtorgi og sjáir engar vísbendin...
20/07/2026

Hvaða hindranir hafa tafið för þína? Hvers vegna upplifir þú að þú sért á hrinsóli á hringtorgi og sjáir engar vísbendingar um hvaða frárein myndi henta þér best að taka?
Þetta þarf ekki að vera svona. Það er örugglega fullt af vísbendingum þarna í vegakantinum, þú þarft bara að hugsa aðeins dýpra til að sjá möguleikana og hvernig þú getir nýtt þá.
Það eru nefnilega alltaf einhverjar jákvæðar leiðir til að komast nær því sem þú vilt að verði.
Ef þú segir mér hvar þú ert föst, þá get ég mögulega sagt þér dæmi um hvað þú getir gert til að halda för þinni áfram.
Sendu mér línu .... þú sérð netfangið mitt hér fyrir neðan.
Þú skalt aldrei gefast upp, þú ert miklu sterkari en þig grunar. Leyfðu þér að halda áfram.

Bestu kveðjur
Jóna Björg.
[email protected]

Smá innsýn í nýja Blómstraðu námskeiðið mitt "Frá frestun til blómstrunar" sem ég minntist lítillega á í skrifum mínum h...
19/07/2026

Smá innsýn í nýja Blómstraðu námskeiðið mitt "Frá frestun til blómstrunar" sem ég minntist lítillega á í skrifum mínum hér 11. júlí sl. og lofaði að segja meira frá í vikunni.
Nýi vefurinn verður opnaður um næstu mánaðarmót og við opnum þá líka fyrir skráningu á fyrsta námskeiðið sem verður haldið á netinu í september. Aðeins 8 konur pr. námskeið til að efla markvissa vinnu, nánd og traust.
Í tengslum við Blómstraðu námskeiðin mín, markþjálfun, HAM og lífsstílsleiðsögn, opnum við þá líka fljótlega í kjölfarið inn á spennandi vettvang á netinu þar sem þú getur sjálf skoðað og metið stöðu þína á ýmsum sviðum sjálfsræktar, sjálfstrausts, sjálfsvirðingar o.fl.
Já, ég veit að þú vilt vita meira núna strax, en ég kýs að leyfa þér að velta því fyrir þér hvað er hér um að ræða, þú bíður þá bara spennt og þá verður gaman fyrir þig að sjá og prófa það sem þér býðst. Ég er viss um að þú vilt ekki missa af þessum möguleika.
Ég mun kynna þetta hér áður en við auglýsum opnunina, þannig að þú og þær hinar sem hér skoða efnið mitt, hafið smá forskot á skráningu á námskeiðið.

Ég hlakka til að sýna þér möguleikana sem verða í boði,
Bestu kveðjur
Jóna Björg Sætran.
[email protected]
namstaekni.is

Hvaða tækifærum ert þú að leita að?Skrifaðu lýsingu á því / þeim niður. Hvernig mun þér líða tilfinningalega við að finn...
18/07/2026

Hvaða tækifærum ert þú að leita að?
Skrifaðu lýsingu á því / þeim niður.
Hvernig mun þér líða tilfinningalega við að finna þau og nýta þér og öðrum til gleði og ánægju?

Gangi þér vel að finna það sem þú leitar eftir,
Bestu kveðjur
Jóna Björg Sætran.
[email protected]
namstaekni.is

Áttu traustan vin / vinkonu?Lífið er langt frá því að vera alltaf auðvelt og það sem er erfitt styrkir okkur oft en stun...
18/07/2026

Áttu traustan vin / vinkonu?
Lífið er langt frá því að vera alltaf auðvelt og það sem er erfitt styrkir okkur oft en stundum getum við líka smá bognað. Það er ómetanlegt að eiga góða vini til að geta leitað til þegar þreytan, uppgjöfin og vonleysið segja til sín ef þú rekst á helst til marga veggi og vegartálma, en ekki síður til að deila gleðistundunum með þegar vel gengur.

Traustir vinir hlusta á áform þín og þú getur treyst því að þeir segi álit sitt af hreinskilni en segi ekki aðeins það sem þeir telja að þú viljir heyra. Allar góðar hugmyndi hafa marga fleti og betur sjá mörg augu en bara þín tvö.

Þegar þú ræðir nýjar hugmyndir við trausta vini þína, væri snjallt hjá þér að biðja þá að spyrja þig um áform þín og spytja þá spurninga sem byrja á;
**Hvers vegna...? Hvað ...? Hvernig ...? og Hvenær...? **

Vonandi getur þú líka hvatt vinkonur þínar og vini til að leyfa sér að blómstra og gera það sem hugur þeirra stendur til.
Spurðu þau hvað þau dreymir um að gera. Sýndu áhuga á því sem þau eru að fást við.

p.s. Af því að þú átt nú svo annríkt þá ættir þú kannski að skrifa þér til minnis í dagbókina þína að heyra í vinum þínum fljótlega, heyra hvernig gengur hjá þeim.

Leyfið ykkur að blómstra og njóta lífsins út frá eigin forsendum!

Bestu kveðjur
Jóna Björg Sætran.
[email protected]
namstaekni.is

Óttast þú mistök? Heldur það aftur af þér?Hvernig upplifir þú sjálfstraustið þitt þegar þú hugsar til þess að þér verði ...
16/07/2026

Óttast þú mistök? Heldur það aftur af þér?
Hvernig upplifir þú sjálfstraustið þitt þegar þú hugsar til þess að þér verði á mistök varðandi eitthvað sem þú þarft að gera eða vilt gera?
• Prófaðu að hugsa til einhvers í einkalífinu sem þig langar mikið til að gera, einhvers sem þú telur vandasamt og hefur ekki prófað áður en þú vilt geta gert framúrskarandi vel – hvaða tilfinningar fara um líkama þinn við tilhugsunina um að það myndi misakast?
• Hvað með ef þú hugsar út í eitthvað sem þú þarft að gera tengt vinnunni og vilt gera mjög vel – en hvað ef það tekst ekki? Hvaða hugsanir fara þá í gegnum huga þinn, hvers konar tilfinningar færðu innanbrjósts?

Hver urðu viðbrögð þín, hvaða breytingar urðu á tilfinningum og líðan?
Var einhver munur á viðbrögðum huga þíns, andlegrar og líkamlegrar upplifunar, við að hugsa til þess að gera mistök eftir því hvort það væri í einkalífinu eða í því sem er tengt vinnunni?

Er óttinn það mikill við hugsanlega mögulega mistök að þú sleppir því að prófa? - Er eitthvað vit í því?

Skoðaðu málin betur. Undirbúðu þig. Hvað þarf til að þetta takist vel? Ekki missa kjarkinn, óttinn við mistök er aðeins neikvæð hugsun og tilfinning - ekki nein vísbending um staðreynd.

Hertu upp hugann, leyfðu þér að blómstra!
Bestu kveðjur
Jóna Björg Sætran.
[email protected]
namstaekni.is

Address

Reykjavík

Website

Alerts

Be the first to know and let us send you an email when Blómstraðu posts news and promotions. Your email address will not be used for any other purpose, and you can unsubscribe at any time.

Contact The School

Send a message to Blómstraðu:

Shortcuts

Share

Category