Herborg Árna - Markþjálfun

Fyrsta skrefið til að takast á við fíkn sína er að átta sig á að maður hafi misst stjórnina á henni. Það getur verið mjög erfitt að stíga það skref og mín reynsla er sú að það er alltaf erfitt. Að sjá vandamálið í réttu ljósi og viðurkenna það fyrir sjálfum sér og hvað þá öðrum að staðan sé sú sem hún er. Það sem mér sýnist oft reynast einstaklingum erfiðast við að opna á þetta er óttinn við að mistakast við að takast á við stöðuna og gera þær breytingar sem þarf að gera til að ná tökum á fíkninni og lífi sínu, ef manni mistekst þá vita það fleiri en maður sjálfur. Mikilvægt er að átta sig á að mistök eru yfirleitt til góðs því lærdómurinn liggur í mistökunum, ef maður nær að nýta mistökin sín þá er maður enn nær markmiði sínu.

Orðið mistök er neikvætt, en einhvern vegin notar maður það alltaf og í raun væri fallegra að nota orðið lærdómur.

Um leið og vissan fyrir vanmættinum gagnvart fíkninni sinni, hver sem fíknin er s.s. áfengi, vímuefni, matur og fram eftir götunum, þá er fyrst hægt að gera breytingar og þær eru alltaf til góðs og bæta lífsgæði lygilega fljótt. Mun fljótar en maður trúir á þessum tímapunkti.

Fyrsta skrefið eftir þessa opinberun gagnvart sjálfum sér er að leita sér aðstoðar, þegar maður fer af stað í þetta verkefni þá eru óteljandi hendur á lofti sem geta og eru tilbúnar að hjálpa.

Næsta skref er að þiggja hjálpina sem í boði er, hvort sem maður velur að ræða við prest eða trúnaðarvin, fara í 12 spora samtök, eða hitta annan óháðan aðila s.s. ráðgjafa.

Það er alltaf einhver leið, brekkan getur verið brött í fyrstu en hún jafnast þegar fram í sækir.

Ef þessi skrif snerta við þér á einhvern hátt þá hvet ég þig til að horfa á stöðu þína á heiðarlegan hátt. Allt hefst þetta á einu skrefi, breytingar og betra líf eru handan við hornið.

Ef það er eitthvað sem þú telur að ég geti aðstoðað þig við, hvort sem það er að átta þig á hvort vandamál sé til staðar, skoða leiðir sem eru í boði og hvernig best sé að ná árangri þá tek ég við tímapöntunum í gegnum skilaboð hér á síðunni. Ég hef aðstöðu á Bíldshöfða og einnig er mögulegt að nýta zoom til samtala.

Gleðilega páska

Umsögn frá marksækjanda hjá mér.

"Það er góð tilfinning að setjast niður með einhverjum sem er ekki að segja manni hvað er rétt eða rangt. Að fá að koma frá sér öllu ruglinu og raða því niður í mín eigin réttu hólf og finna svör sem búa í og hjá mér sjálfri. Að svissa yfir í að hugsa til vaxtar frekar en stöðnunar. Það er það sem markþjálfun hjá Herborgu gerir fyrir mig".
Lára

Það er svo magnað að sjá hvernig markþjálfunin eykur vöxt og einfaldar leiðina í ýmsum verkefnum hversdagsins og varðar leiðina að markmiðunum.

Orð að sönnu.

Valið og framkvæmdin er alltaf í okkar eigin höndum. Við sjálf erum okkar stærsta hindrun.

Ertu að lifa það sem þig langar mest? Hverju langar þig að breyta og bæta? Hvaða leið er best að ná fram þeim breytingum?

Markþjálfun hjálpar þér að svara þessum spurningum ... sendu á mig línu ef ég get hjálpað þér með fyrstu skrefin og aðstoðað þig til að varða leiðina að markmiðum þínum

Á tvo lausa tíma á morgun, miðvikudag(10.03), sem gætu mögulega verið eitthvað fyrir þig. Tímarnir eru kl 14.15 og kl 15.30.

Minni þig einnig á mars/apríl tilboðið mitt. Allir tímar sem bókaðir í mars og apríl falla umdir það tilboð.

Stakur tími 6.000 kr og 3 tímar 15.000 kr

Haustið 2006 fór ég í hjáveituaðgerð vegna ofþyngdar, þyngdin var farin að há mér verulega í lífi og starfi ásamt því að vera komin í áhættuhóp vegna ýmissa lífsstílssjúkdóma.

Einhvern vegin hélt ég að líf mitt myndi á allan hátt breytast til batnaðar við þessa aðgerð. Hélt að allt yrði dásamlegt ef ég kæmist aftur í rétta kjörþyngd, gæti verslað mér föt hvar sem ég vildi hverju sinni, leikið við börnin mín og orðið aftur þátttakandi í lífinu án þess að hafa áhyggjur af því hvort ég hefði getu eða þróttþ

Að upplifa þetta var dásamlegt en það var annað sem var mun meira og stærra sem skipti máli, andlega líðanin. Það tók nefnilega hugann mun lengur að aðlagast breyttum aðstæðum, Sjálfið og allt sem tengist því var mjög brotið og ég vissi ekki hvernig ég ætti að byggja upp heilbrigt sjálfsvirði, ég gekk einhvern vegin útfrá því að allt yrði gott með “réttri” tölu á vigtinni en það var ekki raunin.

Vinnan í að byggja upp sjálfið mitt hefur tekið langan tíma og raunin mín er sú að hún verður aldrei fullkláruð. Ég hef á tímabilum átt mjög óheilbrigt samband við mat, vigtina og líkamsímynd mína. Ég þarf að vera meðvituð um sjálfa mig alla daga og ég gæti það ekki ef ég hefði ekki farið í markvissa vinnu með sjálfsvirðið mitt, fíknihegðunina og uppbyggjandi markmiðasetningu.

Lærdómurinn minn er sá að þrátt fyrir að líkamleg og andleg heilsa hafi svo sannarlega gríðarlega mikil áhrif á hvort annað þá eru þær ekki eitt. Það er margsannað að matarræði hefur spilar stærra hlutverk en hreyfing þegar kemur að líkamsþyngd þá tel ég andlega þáttinn ekki síður mikilvægan. Heilbrigð sál í hraustum líkama eru orð að sönnu, óháð því hvaða kílóafjölda vigtin sýnir.

Í tilefni þess að ég er að byrja að starfa að nýju býð ég uppá góð tilboð á samtölum sem bókuð eru í mars og apríl.

Samtalið er á 6.000 krónur og ef bókuð eru þrjú samtöl hljóðar tilboðið uppá 15.000 krónur. Tilboðið gildir þó samtölin dreifist á lengri tíma en mars og apríl.

Mín reynsla er sú að meiri árangur næst með nokkrum samtölum uppá eftirfylgni.

Endilega sendið mér skilaboð með frekari upplýsingar og til að bóka samtal.

Ég er Herborg, á miðjum fimmtugsaldri og telst því að öllum líkindum miðaldra. Ég er fædd og uppalin á Akureyri, er elst í stórum systkinahópi sem skiptist niður á tvö foreldrasett. Ég stofnaði fjölskyldu ung, á þrjú uppkomin börn og eitt barnabarn ásamt því að maðurinn minn á einnig þrjú uppkomin börn, eitt á grunnskólaaldri og eitt barnabarn. Við tókum saman þegar börnin eru flest komin í fullorðinna manna tölu svo ég næ að taka meiri þátt í lífi yngsta barnsins hans og við deilum barnabörnunum með hvort öðru.

Ég lærði ung að leita mér aðstoðar þegar eitthvað bjátar á í lífinu og verkefnin þess eðlis að ég ein með sjálfri mér næ ekki að hugsa mig útúr þeim. Ég er ofboðslega þakklát fyrir þann lærdóm því hann hefur virkilega komið sér vel í lífinu. Ég, eins og líklega flestir aðrir, hef átt allskonar tímabil í lífinu með allskonar áskorunum og verkefnum.

Þegar ég var að ala upp börnin mín fór ég á alla fyrirlestra og námskeið sem mér stóðu til boða, bæði til að fræðast, læra og eflast í móðurhlutverkinu sem hefur alls ekki alltaf verið auðvelt en alltaf gefandi og þroskandi.

Frá unga aldri man ég eftir mér ætla að verða annað hvort félagsráðgjafi eða sálfræðingur. Ég hóf því nám á Félagsfræðibraut eftir grunnskóla en kláraði það ekki þar sem mér lá óskaplega mikið á að fullorðnast og stofna fjölskyldu. Áratug síðar lauk ég stúdentdensnámið við hönnunar- og textílsviði Listnámsbrautar VMA. Ég hef alla tíð verið mikið í öllu handverki og er það eitt mitt stærsta áhugamál.

Nokkrum árum eftir stúdent settist ég aftur á skólabekk við HA, ég nam til BA prófs í Sálfræði en vegna persónulegra aðstæðna tók ég mér námsfrí eftir tæplega 2ja ára nám, það hefur aðeins dregist úr því námshléi og er stefnan sett skólabekk að nýju á komandi hausti (2021). Ég hef nýtt mér hléið til annarrar menntunar og lauk fíkniráðgjöf við Ráðgjafaskóla Íslands í lok árs 2013 og námi í Markþjálfun hjá Evolvia sumarið 2019. Ég hef í tvígang tímabundið (2014-15 og 2019-2020) starfað á Meðferðarheimilinu Krýsuvík sem fíkniráðgjafi og markþjálfi ásamt því að sjá um Áfangaheimili á þeirra vegum (2019-2020).

Ástæða þess að ég valdi mér þetta starfssvið er brennandi áhugi fyrir fólki, reynsla mín í lífinu hefur gefið mér mikið, þorstinn eftir stöðugt bættri andlegri og líkamlegri líðan og auknum þroska er eitthvað sem ég vil aðstoða aðra til að ná. Það er mér mikil gjöf að úrvinnsla mín í verkefnum lífsins sé ekki tilgangslaus og ég geti miðlað af henni til annarra. Í dag hlúi ég að minni andlegu- og líkamlegri heilsu alla daga, ég stunda joga nidra undir handleiðslu ásamt því að hafa minn persónulega fagaðlia sem handleiðir mig í lífi og starfi. Ég hef þá reynslu að það sé stöðugt hægt að bæta sín eigin lífsgæði og á tímum sem þessum er mér mikilvægt að halda minni rútínu því lífið hefur uppá svo endalausa möguleika og ég vil svo sannarlega ekki missa af þeim tækifærum sem mér bjóðast til þroska.

Í dag starfa ég sem Markþjálfi og nýti hvert tækifæri sem mér býðst til að gefa af mér, vera til staðar og stuðningur við aðra. Það er fátt dásamlegra en að sjá ljós og líf kvikna í augum einstaklinga.

Starfsaðsta mín er að Bíldshöfða 14, Reykjavík ásamt því að nýta mér netið til samtala.