Menntavísindasvið HÍ

🌱Nýjasta grein á vef Netlu fjallar um kvikmyndina Me Before You í ljósi listævintýrsins um „Fríðu og Dýrið“ og greinir hvernig kvikmyndin endurskapar hefðbundið ævintýramynstur í samtímalegum búningi. Titill greinar er „En ég get gert þig hamingjusaman“: Raunir kvenhetja í Me Before You og Fríðu og Dýrinu. Höfundar eru Kristín Stella L’orange, Eiríksína Eyja Ásgrímsdóttir og Kristín Björnsdóttir

Lesa grein hér: https://netla.hi.is/en-eg-get-gert-thig-hamingjusaman-raunir-kvenhetja-i-me-before-you-og-fridu-og-dyrinu/?fbclid=IwY2xjawThNpdwZG9mAWV4dG4DYWVtAjExAGJyaWQRMDBwODhZS2VWVXJUQXJVbE9zcnRjBmFwcF9pZBAyMjIwMzkxNzg4MjAwODkyAAEeVQtRyj9IC9vMMiXPMBJKRfxh2zZtofrjp2rLV3K-B02Y5wvzadNJCvarXnA_aem_MWaF_ZF-NU5aixPYGna0tg

„En ég get gert þig hamingjusaman“: Raunir kvenhetja í Me Before You og Fríðu og Dýrinu - Netla - veftímarit um uppeldi og menntun Greinin fjallar um kvikmyndina Me Before You(2016) í ljósi listævintýrsins um „Fríðu og Dýrið“ og greinir hvernig kvikmyndin endurskapar hefðbundið ævintýramynstur í samtímalegum búningi.

Stór hluti framhaldsskólanema spilar fjárhættuspil – kallað eftir auknum forvörnum

Rúmlega helmingur stráka í framhaldsskóla hefur spilað fjárhættuspil síðastliðið ár. Einmanaleiki ungmenna eykst og fjórðungur segist eiga í erfiðleikum með samskipti við jafnaldra. En um 40% nemenda í framhaldsskóla hafa spilað fjárhættuspil síðastliðið ár samkvæmt nýrri könnun Íslensku æskulýðsrannsóknarinnar. Ragný Þóra Guðjohnsen, dósent við Menntavísindasvið Háskóla Íslands kallar eftir auknum forvörnum fyrir þennan hóp.

Háskóli Íslands leggur Íslensku æskulýðsrannsóknina fyrir annað hvert ár í framhaldsskólum til að kortleggja líðan og viðhorf ungs fólks. Í fyrsta sinn voru þau spurð hvort þau hefðu spilað fjárhættuspil síðustu tólf mánuði.

Stór hluti framhaldsskólanema spilar fjárhættuspil – kallað eftir auknum forvörnum - RÚV.is Rúmlega helmingur stráka í framhaldsskóla hefur spilað fjárhættuspil síðastliðið ár. Þetta kemur fram í nýrri könnun. Einmanaleiki ungmenna eykst og fjórðungur segist eiga í erfiðleikum með samskipti við jafnaldra.

Freyja Hreinsdóttir hefur tekið við sem forseti Menntavísindasviðs Háskóla Íslands.

Freyja er prófessor í stærðfræði og stærðfræðimenntun við Deild faggreinakennslu og hefur á undanförnum árum gegnt fjölbreyttum stjórnunar- og trúnaðarstörfum innan Háskóla Íslands.

„Menntavísindasvið gegnir mikilvægu hlutverki í íslensku samfélagi, í menntun kennara og annarra fagstétta, öflugu rannsókna- og þróunarstarfi og samstarfi við skóla, kennara, samfélag og menntamálayfirvöld. Ég hlakka til að vinna með starfsfólki, nemendum, fræðasamfélaginu og samstarfsaðilum víða um menntakerfið að því að efla þetta þýðingarmikla starf enn frekar,“ segir Freyja Hreinsdóttir.

Um leið þökkum við Kolbrúnu Þ. Pálsdóttur fyrir hennar mikilvæga framlag og óeigingjarna starf í þágu Menntavísindasviðs.

Freyja Hreinsdóttir ráðin forseti Menntavísindasviðs HÍ Háskóli Íslands býður upp á fjölbreytt nám á grunn og framhaldsstigi. Lögð er áhersla á fræðilega nálgun og rannsóknatengt nám með góð tengsl við atvinnulíf og nýsköpun

Fyrra hefti Tímarits um uppeldi og menntun árið 2026 er nú komið út.
Í ritinu eru 7 ritrýndar greinar. Hægt er að nálgast vefútgáfu ritsins og allar greinarnar í opnum aðgangi hér á vefnum: https://tum.hi.is/

📍Aðgengi, sköpun og þátttaka barna: listahillan sem opnaði möguleika - Þóra Lilja Kristjánsdóttir, Anna Magnea Hreinsdóttir

📍Frásagnir leikskólakennaranema af þróun inngildandi starfshátta í fjölmenningarlegu leikskólastarfi - Hrönn Pálmadóttir, Kristín Karlsdóttir, Renata Emilsson Pesková, Arna H. Jónsdóttir

📍„Ætli þetta sé ekki örugglega prentvilla?“: orðræða leikskólafólks á samfélagsmiðlum á tímum Covid - Anna Elísa Hreiðarsdóttir

📍Gamlir draumar eða umbreytandi menntun - Ólafur Páll Jónsson

📍„Það er bara fjallað um hið neikvæða, ekki allt það frábæra starf sem unnið er“: viðhorf leikskólakennaranema til fjölmiðlaumfjöllunar um leikskólastarf - Ingibjörg Ósk Sigurðardóttir, Svava Björg Mörk, Samuli Ranta

📍Jákvæð vinnustaðamenning í leikskóla: forysta, samskipti, samstarf og skipulag - Inga Birna Sigurðardóttir, Anna Magnea Hreinsdóttir

📍Sýn leikskólabarna á þátttöku í ærslaleik - Atli Sævar Ágústsson, Sara Margrét Ólafsdóttir

Prentuð útgáfa mun berast áskrifendum í júlímánuði.
Hlekkur á tímaritið í athugasemd ⤵

Kolbrún Þ. Pálsdóttir á tímamótum 🎧

Kolbrún Þ. Pálsdóttir, prófessor og forseti Menntavísindasviðs stendur á tímamótum. Á dögunum hlaut hún framgang í starf prófessors og hélt kynningarfyrirlestur af því tilefni en nánast á sama tíma eða þann 1. júlí næstkomandi lætur hún af störfum forseta Menntavísindasviðs eftir átta ár. Kolbrún mætti í Menntavísindavarpið og ræddi hvað stendur upp úr síðastliðinn átta ár, sýn hennar og gildi í störfum sínum sem og hvað framtíðin beri í skauti sér.

Hægt er að lesa meira um rannsóknir og verkefni Kolbrúnar á https://kolbrunpals.hi.is/ og á rannsóknavef Menntavísindasviðs www.mvsrannsoknir.hi.is

🎧Sjá hlekk í athugasemd

--

Umsjón Menntavísindavarpsins: Marta Goðadóttir, Áslaug Björk Eggertsdóttir og Íris Sigurðardóttir hjá Menntavísindasviði Háskóla Íslands

Upphafsstef: Adam Switala, aðjúnkt við Menntavísindasvið

Methafi í 50 ár🎖️

Þórdís Lilja Gísladóttir, prófessor við Deild heilsueflingar, íþrótta og tómstunda fagnaði merkum áfanga þann 13. júní síðastliðinn. Þá hafði hún átt Íslandsmetið í hástökki kvenna í hálfa öld en núgildandi Íslandsmet hennar er 1,88 metrar.

„Í íþróttaheiminum eru framfarir í aðstöðu, búnaði og tækni sem hafa að mikil áhrif á framþróun árangurs. Það að hafa verið íslandsmethafi í 50 ár og með því að ná að jafna eða bæta metið 13 sinnum á ferlinum ber vott um að metið sé gott og sýnir líka mikinn stöðuleika í keppni. Síðasta metið 1.88 er sett 1990 og er það árangur sem myndi nægja inn á mörg stórmót í dag. Persónulega eru þetta bara skemmtileg tímamót og leyfir manni að staldra við og rifja upp afrek og góðar minningar frá íþróttaferlinum.“

📸Kristinn Ingvarsson

Lesa má frétt í athugasemd⬇