Ökukennari - Kristján Jóhann - Driving Instructor

Jóladagatal Samgöngustofu Jóladagatal Samgöngustofu í ár eru 24 smásögur um jólasveinana 13 og aðra minna þekkta íslenska jólasveina. Í hverri sögu er lærdómur um umferðina. Fylgstu með dagatalinu og lærðu um umferðina á skemmtilegan hátt. Á hverjum degi er möguleiki á að vinna glaðning og svo er e...

Það var einungis fyrir 120 árum að bílaöld á Íslandi hófst. Það var sumarið 1904 sem fyrst bifreiðin kom til Íslands. Var bifreiðin kölluð Thomsenbíllinn en hann var í eigu kaupmannsins Ditlevs Thomsen. Hann var af gerðinni Cudell, líklega um árgerð 1901. Hafði kaupmaðurinn fengið styrk frá Alþingi svo hann gæti keypt bílinn í Kaupmannahöfn. Sjá þrjár meðfylgjandi myndir af honum.

Hin raunverulega samfellda bílaöld á Íslandi hófst þó ekki fyrr en 1913, því að síðan þá hefur alltaf verið til einhver gangfær bíll í umferð á Íslandi. Thomsenbíllinn var notaður í 1 ár, stóð svo ónotaður í 3 ár og svo seldur aftur úr landi.

Ditlev réð Þorkel Clementz sem bílstjóra sem sótti átta daga námskeið í Danmörku fyrir komu Thomsensbílsins hingað til lands. Þess má geta að í dag þarf af fara í a.m.k. 15 ökutíma hjá ökukennara, fara í gegnum þrjá ökuskóla og standast lokapróf til að hafa tilskilin leyfi til að stjórna bifreið og tekur það ferli vanalega um 2-6 mánuði í það minnsta.

Í blaðinu Ingólfur, árið 1904, var komu Thomsenbílsins lýst á nokkuð skemmtilegan hátt.

„Mikil níung þótt það á þriðjudag var þegar Thomsen kaupmaður tók að aka um götur bæarins á bifreið sinni. Þirptist að múgur og margmenni til þess að sjá þetta furðurverk og þreittu götusveinar kappskeið við reiðina. Fór hún með braki og brestum og þótt mörgum sem Ásaþór mundi þar fara í kerru sinni og ætla í austurveg að berja tröll. En varla mundi jötnum hafa mikil ógn staðið af þessari kerru, því að henni gekk allskrikkjótt og varð seinast ekki sjálfbjarga, svo draga varð hana heim með handafli. Síðan hefir gert við vél kerrunnar, svo að nú gengur allt greiðara og mega Árnesingar og vátriggingarfélögin fara að vara sig.“

Til­gang­ur­inn með þessu öllu var að reyna hve vel bíl­ar, sem þá voru kallaðir mótor­vagn­ar, hentuðu við ís­lensk­ar aðstæður. Sann­ast sagna reynd­ist Thom­sens-bíll­inn ekki sem skyldi, enda var ein­takið tæp­ast nógu gott og hér eng­ir veg­ir sem heitið gátu.

BE réttindi (Kerrupróf)

https://youtu.be/3FFYDZ2KAOU?si=maOuEbAHOQxvgOYp

4 ökutímar
Verklegt ökupróf + Munnlegar spurningar

Ekkert bóklegt nám

Ef þig hefur lengi dreymt um að skella þér í þetta þá er tíminn NÚNA!

Vertu endilega í bandi og fáðu meiri upplýsingar hjá mér

Ný reglugerð um umferðarmerki

https://www.facebook.com/share/p/9VPhifUoxA4JNHCy/

Umferðarmerki | Samgöngustofa Ísland.is er upplýsinga- og þjónustuveita opinberra aðila á Íslandi. Þar getur fólk og fyrirtæki fengið upplýsingar og notið margvíslegrar þjónustu hjá opinberum aðilum á einum stað í gegnum eina gátt.

Munum að kveikja ljósin

https://www.facebook.com/share/6ETg7DuPfUEjPzX9/

Samgöngustofa Samgöngustofa stuðlar að öruggum, sjálfbærum, greiðum og hagkvæmum samgöngum.

Í öllum íbúðarhverfum er nú orðinn 30 km hámarkshraði. Nálægt íbúðarhverfum er svo gjarnan 40km hámarkshraði. Skiltin segja okkur hver hámarkshraðinn er miðað við bestu aðstæður og í sumum tilfellum þarf að aka hægar. Sumar götur eru líka vistgötur með 15km hámarkshraða. Oft eru notaðar þrengingar, hægri reglan eða hraðahindranir til að hægja niður umferð í íbúðarhverfum og nálægt skólum til að auka öryggi gangandi vegfarenda. Stundum er fólk ekki alveg vakandi þegar það ekur um og er það óvirðing við aðra vegfarendur og við lögin en hér má sjá dæmi um þá í umferðinni sem virðast ákveða sinn hámarkshraða sjálf og huga ekki að hættum í umhverfinu.

Sýnum hvort öðru virðingu í umferðinni og skimum ávallt eftir hættulegum aðstæðum.

https://www.facebook.com/share/v/Qy34CiECGoc132YX/

Samgöngustofa vill vekja athygli á að ný reglugerð um umferðarmerki tekur gildi 1. mars 2024 og hefur hún nú verið birt á vef Stjórnartíðinda:
https://www.stjornartidindi.is/Advert.aspx?RecordID=cb1108c2-5b24-4d8f-9a16-b5bf88727922

Á vef Samgöngustofu er einnig búið að taka saman helstu breytingar frá fyrri reglugerð:

https://island.is/s/samgongustofa/umferdarmerki

Ný umferðarmerki verða ekki tekin inn í bókleg ökupróf fyrr en að s*x mánuðum liðnum hið minnsta.

Gömul en góð áminning um hægri rétt

Nokkrir punktar sem ég vil bæta við þetta og það sem ég kenni mínum nemum

- Hægri réttur gildir þegar engin skilti, ljós eða lögreglu er að sjá sem stjóra umferð
- Algengast er að finna hægri rétt í íbúðarhverfi með 30km hámarkshraða, en þó ekki alltaf. Þá er gott að leita vel að því hver á forgang þegar ekið er inná 30km svæði
- Bílar inná bílastæði gefa hægri rétt til annara inná bílastæði
- Bílastæði bíða alltaf eftir umferð á götunni
- Stundum er að finna hægri rétt í iðnaðarhverfum, ss Dugguvog, Desjarmýri og Gylfaflöt
- Svona merkingar eins og sjást á myndinni er einungis að finna á þrem stöðum í Reykjavík. Það er í Langarima, Eirhöfða og á Selásbraut/Brekknaás og mættu vera algengari að mínu mati

Gleðileg jól 🎄🎅

Hægri réttur.

Hér er sérstakt merki.

Það er blanda af viðvörunarmerki A99.11 önnur hætta og J. undirmerki.

Í raun ætti þetta merki að vera óþarft enda er hægriréttur meginregla umferðarlaga á Íslandi sbr. 4. mgr. 25. umferðarlaga 50/1987 sem segir:

Þegar ökumenn stefna svo, að leiðir þeirra skerast á vegamótum, opnum svæðum eða svipuðum stöðum, skal sá þeirra, sem hefur hinn sér á hægri hönd, veita honum forgang.

Hætta til hægri, var oft sagt í umferðarfræðslu fyrr á árum, en setningin vísar til þess sem við köllum oft hægri rétt. Sumir virðast telja að þar fari samheiti yfir að „hafa rétt fyrir sér“, eða „eiga rétt á“, en svo er ekki. Hægri réttur er að sá á að víkja sem hefur annað ökutæki sér á hægri hönd. Þannig er oft sagt til skýringar að sá sem er á hægri hönd, eigi réttinn.

Í íbúahverfum er margar götur þar sem hægri réttur reglan gildir og því er gott að ökumenn muni eftir að aðgæta hvort að umferðarmerki gildi eða hægri reglan. Þannig krefst aksturinn fullrar einbeitingar. Í umferðarsáttmálanum segir að ég sem vegfarandi taki mið af aðstæðum og á það vel við í þessu tilliti.

Hinsvegar er það svo í dag að mörg gatnamót í íbúðabyggð eru með öðrum umferðamerkjum eða ljósastýringu og meginreglan vill gleymast. Af þeirri ástæðu kemur fyrir að slíkar merkingar eru settar upp til að minna á meginregluna. Í almennum umferðarreglum þá gildir hægri réttur nema þegar umferðarmerki eru til staðar.

Sektin myndi vera að “virða ekki almennan forgang á vegamótum“ og er hún 10.000 kr. og 2 punktar.

Lögreglan á höfuðborgarsvæðinu mun taka fyrir umferðaskylti hér á næstu vikum og hvetjum við áhugasama til að fylgjast með. Endillega deilið líka á nýja ökumenn sem þið þekkið.

Ég kenni þér að nota ljósabúnaðinn á bílnum rétt