SAFT netöryggi

Erum ekkert smá stolt af þessu verkefni sem nú hefur verið í þróun í Grunnskóla Seltjarnarness í þrjú ár. Virkilega flott vinna þar sem þátttaka nemenda í netöryggisfræðslu skilar sér sem vitundarvakning inn í yngri bekki skólans. Yngri nemendur bíða svo spenntir eftir að komast sjálfir í hóp fræðara.💙

Ný herferð gegn hatursorðræðu á Íslandi. Hvernig notar þú orðin þín?

Forsíða | ordinokkar.is Orðin okkar - Hvernig notar þú orðin þín?

Vekjum athygli á málþingi í Upplýsinga- og miðlalæsisviku sem fjallar um velferð barna í stafrænum heimi. Málþingið verður haldið í Grósku þann 15. febrúar næstkomandi.

Skráning fer fram hér: https://docs.google.com/forms/d/e/1FAIpQLScxK8Safi1LZ6qakMt2vjD_EFyX-ppex76_eQPgJZXTTE7-ng/viewform

Jólafríið nálgast og öðruvísi dagar. Hér eru nokkur góð ráð til að viðhalda jafnvægi í stafrænu lífi barnanna um jólin. 🌟🎄🎅🏼 Megið gjarnan deila færslunni. 🫶🏻

Í síðustu viku fóru fulltrúar SAFT og Ungsaft á Safer Internet Forum í Brussel. Rétt eins og í fyrra var skipulagning og framkvæmd ráðstefnunar í höndum ungmenna víðsvegar frá Evrópu. Meðal umræðuefna var hvernig fræðslu börn þurfa í netöryggismálum, miðlalæsi og unga fólkið sagði fá upplifun sinni að alast upp í stafrænum heimi.

Hann Hlynur okkar var fulltrúi UngSAFT á ráðstefnunni og stóð sig mjög vel. Unga fólkið stjórnaði umræðum á borðum þar sem rætt var um hvernig foreldrar geti hjálpað börnum að fóta sig á netinu, um áhrif netsins á geðheilbrigði og hvort fræðsla um netöryggi eigi að fara fram með formlegum eða óformlegum hætti, svo eitthvað sé nefnt.

Við lærðum mjög margt á þessari ráðstefnu sem við hjá SAFT munum nýta í fræðslu og efnisgerð í framtíðinni.

Ráðstefnan "Vellíðan barna í rafrænum heimi" verður haldin í Háskólanum í Reykjavík á fimmtudag, 28. september, milli 17:00 - 19:00.

SAFT mun halda erindi á ráðstefnunni.

Við hvetjum ykkur til að skrá ykkur á þennan viðburð

KIDS & WELLNESS SEMINAR (in Icelandic) | Ai2Ai Verið velkomin á málþing þar sem við munum fræðast um þær áskoranir sem við stöndum frammi fyrir á Íslandi í dag með börnum og notkun stafrænna miðla í samhengi við líkamlega og andlega vellíðan. Nokkrir sérfræðingar munu miðla nýrri þekkingu og sérfræðiþekkingu á...

Á morgun, laugardaginn 16. september, verða Heimili og skóli - Landssamtök foreldra og SAFT netöryggi með sófaspjall um símanotkun í skólum á Fundi fólksins.

Við verðum staðsett í Gróðurhúsinu við Norræna húsið milli kl. 11:00 - 11:40.

Hlökkum til að sjá ykkur!

Mennta- og barnamálaráðherra, Ásmundur Einar Daðason, hefur kynnt í ríkisstjórn þá ákvörðun að setja af stað vinnu sem miðar að því að gefa út reglur um farsímanotkun í grunnskólum landsins.

"Markmiðið með þeirri vinnu sem nú fer af stað er að skilgreina viðmið fyrir grunnskóla og auka fræðslu í þessum efnum til að bregðast við þessari þróun með farsæld barna að leiðarljósi, og hjálpa þeim þannig að bregðast við og umgangast þessa tækni af ábyrgð og þekkingu."

Tökum saman á nei­kvæðum á­hrifum snjall­síma! - Vísir Flest þekkjum við þau áhrif og tæknibreytingar sem þróun snjallsíma hefur haft á líf okkar, við erum orðin vön því að hafa allar upplýsingar, bæði gagnlegar og ógagnlegar við höndina. Við þekkjum líka flest hversu auðvelt það er að ánetjast símanum og eyða miklu meira...

"Málið snýst ekki um að vera með eða á móti heldur finna leiðir þar sem við sem best tryggjum heilbrigða og ábyrga notkun snjalltækja meðal barna og ungmenna. Það er kominn tími til að ná sátt í málið og geta þá frekar beint kröftum okkar í sníða þann ramma sem þarf til þess að börnin okkar nái að blómsta og líða vel."

Sátt um síma­málin - Vísir Umræðan um síma í skólastarfi er ekki ný af nálinni og blossar gjarnan upp í upphafi skólaárs þegar að skólastjórnendur, kennarar og starfsmenn skóla velta vöngum yfir því hvað sé best að gera með þessa símaeign íslenskra barna sem nálgast það að vera orðin algjör.

Unnur hjá Fjölmiðlanefnd með góðar pælingar varðandi sjálfsmynd okkar á samfélagsmiðlum og endalausan eltingaleik við fullkomnun.

"Til að undirbúa okkur fyrir framtíð þar sem tæknin verður allsráðandi verðum við að finna betra jafnvægi á milli stafrænnar persónu okkar og hins raunverulega sjálfs. Aðeins með því að fjarlægja síurnar getum við fyrst tekið mennskum breyskleika okkar í sátt, skapað raunveruleg tengsl við annað fólk og séð fegurðina sem fólgin er í því að koma til dyranna eins og maður er klæddur - já eða fæddur."

Fellum niður grímuna - Vísir Tilkoma samfélagsmiðla og allra þeirra myndvinnslumöguleika sem þeir hafa upp á að bjóða hefur gjörbreytt því hvernig við veljum að sýna okkur sjálf á netinu. Það er sama á hvaða samfélagsmiðil er litið, svokallaðar síur (e. filters) eru allstaðar og þær nánast orðnar ...

„Í þessari nýju reglugerð er í raun lagt blátt bann við því að nota persónusnið til að beina auglýsingum að ólögráða einstaklingum, það er að segja börnum,“ segir Valborg.

Markmið nýju reglnanna er að vernda persónuupplýsingar evrópskra notenda, auka gegnsæi og fjarlægja skaðlegt og ólöglegt efni.

Nýjar reglur leyfa samfélagsmiðlanotendum að losna undan algríminu - Vísir Notendur samfélagsmiðla fá aukið val um hvaða efni þeim er sýnt á miðlunum með nýjum evrópskum reglum sem tóku gildi fyrir umsvifamestu tæknifyrirtækin í dag. Reglurnar leggja meðal annars blátt bann við því að beina auglýsingum að börnum sem byggja á sjálfvirkri vinnslu p...

Á undanförnum dögum höfum við hjá Heimili og skóla og SAFT verið að undirbúa önnina sem hefst von bráðar og eins og venjulega verður nóg um að vera.

Við erum að hanna nýjar vinnustofur um netöryggi og stillingar á tækjum fyrir foreldra, börn og skólafólk. Vinnustofunnar munu fara fram á skrifstofu Heimilis og skóla eða sem fjarfundir. Við erum mjög spennt fyrir þessu nýja námskeiðsformi og vonumst eftir að það muni gagnast sem flestum.

Fulltrúi UngSAFT mun fara fyrir hönd Íslands á BIK youth ráðstefnuna í Brussel í nóvember þar sem rætt er um hvað börn og ungmenni vilja sé gert til að gera netið að frábærum stað fyrir alla. Í fyrra var ályktun ráðstefnunnar að ungt fólk ætlaði sér að ná markmiðunum hvort sem við fullorðna fólkið ætlum að vera með eða ekki og því verður spennandi að sjá hvort eitthvað hefur breyst á einu ári.

Heimili og skóli og SAFT mun vera með viðveru á Fundi fólksins í september þar sem nýr farsældarsáttmáli verður kynntur en stór hluti hans tekur á þeim áskorunum sem viðkemur net- og miðlanotkun barna ásamt því að vera með sófaspjall á viðburðinum tengda umræðunni um snjallsíma í grunnskólum.

Þetta og margt fleira er í undirbúningi og hlökkum við til að segja ykkur frá afrakstrinum á næstu mánuðum.