Varða - rannsóknastofnun vinnumarkaðarins

Ný skýrsla um stöðu starfsfólks innan aðildarfélaga ASÍ og BSRB sem starfa í leik- og grunnskólum kom út í dag. Niðurstöðurnar sýna meðal annars að helmingur þeirra sem starfa í leikskólum gæti ekki mætt óvæntum 100 þúsund króna útgjöldum án þess að stofna til skuldar og þriðjungur býr við skort eða verulegan skort á félags- og efnislegum gæðum. Frétt í fyrstu athugasemd.

Ný skýrsla Vörðu sýnir að breið gjá einkennir stöðu launafólks í landinu eftir heimilistekjum

Sjö af hverjum tíu ná endum saman og s*x af hverjum tíu gæti mætt óvæntum 100 þúsund króna útgjöldum án þess að stofna til skuldar. Hinn hluti launafólks býr hins vegar við allt önnur kjör og er afkoma lágtekjufólks almennt mjög erfið og umtalsverður fjöldi á vinnumarkaði býr við raunverulegan skort.

Þetta kemur fram í nýrri könnun Vörðu – rannsóknarstofnunar vinnumarkaðarins á stöðu launafólks á Íslandi.

Meirihluti launafólks á eignir og býr í eigin húsnæði en nokkuð stór hópur er skuldsettur. Ríflega s*x af hverjum tíu búa í eigin húsnæði auk þess sem rúmlega helmingur á sparnað sem nemur að minnsta kosti einum mánaðarlaunum.

Umtalsverður hluti launafólks er með skammtímaskuldir en ríflega fjórðungur er með yfirdrátt og bílalán. Meira en einn af hverjum tíu er með smálán eða skammtímalán og lán hjá vini eða fjölskyldumeðlim.

Innflytjendur standa höllum fæti hvað afkomu varðar
Atvinnuþátttaka innflytjenda er meiri en innfæddra og hærra hlutfall þeirra eru með háskólamenntun samanborið við innfædda. Þrátt fyrir það eru atvinnutekjur þeirra lægri og fjárhagsstaða verri.

Fólk á lágtekju heimilum býr í mun meira mæli við slæma andlega líðan. Mikill munur er á andlegri líðan eftir heimilistekjum en fjórir af hverjum tíu á heimilum með 499 þúsund eða lægri heimilistekjur búa við slæma andlega heilsu og hlutfallið er ögn lægra á heimilum þar sem tekjur eru á bilinu 500-749 þúsund. Til samanburðar eru 13% þeirra sem eru á heimilum með 2 milljónir eða meira í tekjur sem mælast með slæma andlega heilsu.

Hærra hlutfall fólks með lágar heimilistekjur býr við slæma líkamlega heilsu. Nákvæmlega sama mynstur sést þegar litið er til líkamlegrar heilsu en tæplega fjórðungur þeirra sem eru með heimilistekjur undir 499 þúsund krónum meta líkamlega heilsu mjög eða frekar slæma samanborið við 10% þeirra sem eru með 2 milljónir eða hærri heimilistekjur.

Í skýrslunni er að finna ítarlega greiningu á niðurstöðum rannsóknarinnar.

Rannsóknin náði til félaga í aðildarfélögum Alþýðusambands Íslands (ASÍ) og BSRB – heildarsamtaka stéttafélaga starfsmanna í almannaþjónustu. Þetta er fimmta árið í röð sem könnun á lífsskilyrðum launafólks er gerð og hefur fjöldi svara aldrei verið meiri en nú þar sem tæplega 25.000 svör bárust.

Ný rannsókn fræðikvenna við Háskólann á Akureyri, Háskóla Íslands og Vörðu – Rannsóknastofnunar vinnumarkaðarins sýnir að ójöfnuður meðal kvenna á Íslandi eftir stétt og stöðu á sér margs konar birtingarmyndir. Konur á lágum launum (lægri laun en 499 þúsund) eiga erfiðara með að ná endum saman en aðrar konur og hærra hlutfall þeirra býr við efnislegan skort. Auk þess hafa þær í meiri mæli þurft fjárhagsaðstoð hjá sveitarfélagi, vinum eða ættingjum og félags- eða hjálparsamtökum.

Konur á lágum launum telja einnig líklegra en aðrar konur að lífskjör þeirra muni versna nokkuð eða mikið næsta árið. Hærra hlutfall kvenna með lág laun og meðal laun hefur þurft að neita sér um mat svo börn þeirra fái nóg að borða.

Byrði vegna umönnunar barna og heimilis er meiri meðal kvenna með lág laun og grunnskólamenntun.
• Hærra hlutfall kvenna með lág laun eru mjög eða frekar oft truflaðar í vinnu vegna áhyggna af skuldbindingum tengdum heimili og fjölskyldu. Konur með lág laun eru líklegastar til að gera nokkuð eða miklu meira en sinn skerf af heimilisstörfum miðað við maka sinn.
• Konur með háskólamenntun, há laun og í fastlaunastétt eru líklegastar til að vera með áhyggjur af vinnu þegar þær eru ekki í vinnunni.

Háskólamenntaðar konur búa síst við efnislegan skort.
• Þær eru einnig líklegastar til að eiga sparnað sem nemur einum mánaðarlaunum og aðrar eignir svo sem hlutabréf eða húsnæði í útleigu.

Traust til opinberrar þjónustu er ólíkt eftir menntun, tekjum og stétt.
• Lægst er hlutfall kvenna með grunnskólapróf sem telja að þær geti fengið aðstoð frá opinberum stofnunum ef eitthvað kæmi upp á. Sama á við um konur með lág laun og í verkastétt.

Líkamleg heilsa er verst meðal kvenna með grunnskólapróf eða sambærilega menntun.
• Mikill munur er á mati kvenna á líkamlegri heilsu sinni eftir menntun. Hæst er hlutfall kvenna með háskólamenntun sem metur líkamlega heilsu sína góða, því næst kvenna með stúdentspróf, en lægst er hlutfallið meðal kvenna með grunnskólapróf.

Skýrt mynstur er milli launa og andlegrar líðan.
• Konur með háskólamenntun eru í öllum tilfellum ólíklegri til að mælast með klínísk einkenni þunglyndis, kvíða og streitu heldur en konur með menntun á grunn- eða framhaldsskólastigi.
• Konur með lág laun meta hamingju sína minni en konur með hærri laun. Skýrt mynstur er milli launaflokka og hamingju.

Hærra hlutfall kvenna með lág laun er með lítið félagslegt bakland.
• Tæplega þriðjungur háskólamenntaðra kvenna gæti leitað til þriggja eða fleiri einstaklinga ef þær þyrftu skyndilega peningaupphæð sem samsvarar viku launum, en sama á við um fimmtung kvenna með grunnskólapróf. Hæst er hlutfall láglaunakvenna sem ætti engan til að leita til í slíkum aðstæðum.
• Hæst er hlutfall láglaunakvenna sem ekki gætu fengið pössun í einn til tvo daga fyrir börnin sín ef þær þyrftu óvænt að fara í burtu.

Rannsóknin byggir á könnun meðal kvenna á vinnualdri á Íslandi og sá Rannsóknamiðstöð Háskólans á Akureyri um framkvæmd hennar. Í heildarúrtakinu var 3.361 kona og svaraði 1.251 sem gerir svarhlutfallið 37%. Rannsóknina leiddi Berglind Hólm Ragnarsdóttir, lektor við Háskólann á Akureyri, í samstarfi við Andreu Hjálmsdóttur, lektor við Háskólann á Akureyri, Valgerði S. Bjarnadóttur, lektor við Háskóla Íslands, Bergljótu Þrastardóttur, lektor við Háskólann á Akureyri og Vörðu - Rannsóknastofnun vinnumarkaðarins. Rannsóknin var styrkt af Jafnréttissjóði Íslands, Byggðarannsóknasjóði og Rannsóknasjóði Háskólans á Akureyri.

Hlöðver Skúli Hákonarson hefur verið ráðinn í nýtt starf rannsóknastjóra Vörðu-Rannsóknastofnunar vinnumarkaðarins. Hlöðver Skúli er með BA gráðu í heimspeki frá Háskóla Íslands og Master í opinberri stefnumótun frá Sciences Po Paris.

Undanfarið hefur Hlöðver Skúli starfað á vinnumarkaðssviði OECD. Þar hefur hann sérstaklega skoðað stöðu innflytjenda og hefur viðamikla reynslu af gagnavinnu og greiningu gagna. Áður hefur Hlöðver starfað hjá EFTA og sendiráði Íslands í París.

Varða leitar eftir að ráða rannsóknastjóra.

Rannsóknastjóri | Varða – Rannsóknastofnun vinnumarkaðarins Varða-Rannsóknastofnun vinnumarkaðarins leitar eftir að ráða rannsóknastjóra til starfa. Varða er ung stofnun í uppbyggingarfasa sem er spennandi vettvangur fyrir metnaðarfulla rannsakendur. Leitað er að einstaklingi sem hefur djúpa og viðamikla þekkingu á megindlegri aðferðafræ....

Ný könnun Vörðu – Rannsóknastofnunar vinnumarkaðarins leiðir í ljós að fjögur af hverjum tíu á vinnumarkaði eiga erfitt með að ná endum saman og svipað hlutfall gæti ekki mætt óvæntum 80.000 kr. útgjöldum án þess að stofna til skuldar. Hærra hlutfall nú en fyrir ári síðan hefur ekki efni á grunnþáttum fyrir börnin sín. Þetta er á meðal þess sem fram kemur í nýrri skýrslu Vörðu -Rannsóknastofnunar vinnumarkaðarins um lífsskilyrði launafólks sem birt var í dag.

Fjárhagsstaða launfólks svipuð nú og fyrir ári síðan en bregðast þarf við stöðu barnafólks og innflytjenda Ný könnun Vörðu – Rannsóknastofnunar vinnumarkaðarins leiðir í ljós að fjögur af hverjum tíu á vinnumarkaði eiga erfitt með að ná endum saman og svipað hlutfall gæti ekki mætt óvæntum 80.000 kr. útgjöldum án þess að stofna til skuldar. Hærra hlutfall nú en fyrir ári s...

Nýlega kom út stutt fræðslumynd á fimm tungumálum um helstu einkenni vinnumansals. Verkefnið var unnið á síðasta ári, í ljósi þess að slík mál gera í auknum mæli vart við sig í íslensku samfélagi og ástæða þótti til þess að gera betur grein fyrir þeim. Myndin er um þriggja mínútna löng hreyfimynd og er unnin á Íslandi, en myndskreytirinn Elías Rúni teiknaði myndirnar við handrit sem unnið var af samstarfshópi þeirra sem komu að verkinu.

Fræðslumyndin er talsett og textuð á 5 tungumálum (íslensku, ensku, pólsku, spænsku og úkraínsku).

Myndbandið er samstarfsverkefni Vörðu, Félagmálaskóla alþýðu, Jafnréttisstofu, Kvennaathvarfs, Vinnueftirlitsins, Rauða Krossins á Íslandi og Neyðarlínunar 112. Verkefnið hlaut styrk frá Dómsmálaráðuneyti og Félags- og vinnumarkaðsráðuneyti.

Vinnumansal á Íslandi Stutt fræðslumynd um ummerki vinnumansals.Vinnumansal er að hagnýta aðra manneskju og hver sem er getur orðið þolandi mansals.Vinnumansal á sér ýmsar birting...

Þrátt fyrir að Ísland standi vel á öllum alþjóðlegum mælikvörðum um efnahag og jöfnuður mælist hér mikill ríkir hér kerfisbundinn vandi þegar kemur að stöðu og lífsskilyrðum fatlaðs fólks á Íslandi. Stór hluti fatlaðs fólks á Íslandi býr við sárafátækt og lífsskilyrði lífeyristaka eru töluvert verri en launafólks. Tæplega sjö af hverjum tíu geta ekki mætt óvæntum 80.000kr útgjöldum án þess að efna til skuldar og meira en helmingur metur fjárhagsstöðu sína verri nú en fyrir ári síðan. Staða einhleypra foreldra er sérstaklega alvarleg.

Þetta sýna niðurstöður nýrrar rannsóknar Vörðu - Rannsóknastofnunar vinnumarkaðarins og ÖBÍ réttindasamtaka, sem kynntar voru í Mannréttindahúsinu í morgun.

Svört skýrsla um stöðu fatlaðs fólks á Íslandi Þrátt fyrir að Ísland standi vel á öllum alþjóðlegum mælikvörðum um efnahag og jöfnuður mælist hér mikill ríkir hér kerfisbundinn vandi þegar kemur að stöðu og lífsskilyrðum fatlaðs fólks á Íslandi. Stór hluti fatlaðs fólks á Íslandi býr við sárafátækt og lífss...

Konur minnka í mun meiri mæli starfshlutfall sitt til að samræma betur vinnu og heimilislíf, lengja frekar fæðingarorlof og bera mun meiri ábyrgð á samskiptum við skóla barna samkvæmt niðurstöðu spurningakönnunar Vörðu - Rannsóknastofnunar vinnumarkaðarins meðal foreldra á Íslandi.

Konur draga úr launaðri vinnu til að sinna ólaunuðum störfum innan veggja heimilisins Konur minnka í mun meiri mæli starfshlutfall sitt til að samræma betur vinnu og heimilislíf, lengja frekar fæðingarorlof og bera mun meiri ábyrgð á samskiptum við skóla barna samkvæmt niðurstöðu spurningakönnunar Vörðu - Rannsóknarstofnunar vinnumarkaðarins meðal foreldra á Í...