Klettaskóli

Það var aldeilis gaman hjá okkur í Klettaskóla þegar frábær fjöllistahópur skipaður nemendum skólans var með sýningu fyrir alla nemendur og starfsfólk skólans. Sýningin sem samanstóð af dansi, söng og leikrænni tjáningu, var um fjölbreytileikann og mikilvægi þessa að taka alla liti með inn í regnbogann, líka þann svarta. Sýningin vakti mikla lukku og var hópnum fagnað með lófataki. Krakkarnir æfðu þessa flottu sýningu undir handleiðslu þeirra Ingu Dóru Glan Guðmundsdóttur og Lilju Helgadóttur.

Okkar frábæra foreldrafélag kom færandi hendi í morgun með glæsilegar kökur fyrir okkur starfsfólk Klettaskóla. Þetta kom skemmtilega á óvart og gaf svo sannarlega hlýju í hjartað❤️Takk fyrir okkur elsku foreldrar❤️

Kæra samfélg!
Klettskóli -Korpa auglýsir eftir tónmenntakennara til að kenna okkar frábæru unglingum í Korpu á næsta ári.

Ef þið vitið um einhvern sem gæti haft áhuga endilega hnippið í þau og svo má líka alltaf deila þessari auglýsingu.

Takk innilega :)

reykjavik.is

Viltu þú eða þekkir þú einhvern öflugan kennara/sérkennara/þroskaþjálfa, sem vill ganga til liðs við teymi af öflugu fagfólki. Þá ættir þú að sækja um hjá okkur í Klettaskóla.

Klettaskóli auglýsir eftir öflugum sérkennara, kennara eða þroskaþjálfa í Klettaskóla frá og með haustinu 2026.

Nánari upplýsingar má finna á https://reykjavik.is/job/42580

Við hvetjum alla okkar fylgjendur til að deila þessu sem víðast!

Sérkennari, kennari eða þroskaþjálfi í Klettaskóla, Suðurhlíð 9 | Reykjavik Til baka á starfasíðu Sérkennari, kennari eða þroskaþjálfi í Klettaskóla, Suðurhlíð 9 Klettaskóli er sérskóli fyrir nemendur með þroskahömlun og viðbótarfatlanir og eru einkunnarorð skólans "Menntun fyrir lífið". Við leitum að öflugum sérkennurum/kennurum/þroskaþjálfu...

Fræðsla ætluð foreldrum barna sem eiga tjáskiptatæki verður næstkomandi þriðjudag kl. 14.30, á kaffistofu starfsólks, á annarri hæð. Skráningarhlekkur hér fyrir neðan

Nú er vetrarfrí í vændum og skólinn verður lokaður vegna starfsdags miðvikudaginn 18. febrúar og vetrarfrí tekur svo við fimmtudaginn 19. og föstudaginn 20 febrúar. Kennsla hefst aftur mánudaginn 23. febrúar.

Reykjavíkurborg býður upp á fjölbreytta og skemmtilega afþreyingu fyrir fjölskyldur um alla borg þessa daga.
Sundlaugar, söfn og menningarmiðstöðvar standa opnar og bjóða upp á spennandi dagskrá fyrir alla aldurshópa.
Sjá dagskrá hér: https://reykjavik.is/vetrarfri

Við hvetjum fjölskyldur til að nýta sér þetta tækifæri og eiga góðar stundir saman. Það er um að gera að kynna sér það sem er í boði og njóta þess að eiga frítíma saman.
Hlökkum til að hefja störf að nýju miðvikudaginn 26. febrúar með bros á vör og endurnærð!

Vetrarfrí 2026 Vetrarfrí grunnskóla í Reykjavík er 19. - 22. febrúar 2026. Það er nóg um að vera og hér er að finna upplýsingar um alls konar viðburði sem í boði eru.

Skemmtilegasti staður í heimi (fyrir utan Klettaskóla) er búin að opna fyrir umsóknir fyrir sumarið. Umsóknarfrestur er til 1.febrúar.

Við höfum opnað fyrir umsóknir í Reykjadal Mosfellsdal☀️
Umsóknarfrestur er 1. febrúar

Sæktu um dvöl á reykjadalur.is 🌈

Starfsfólk Klettaskóla sendir bestu hátíðarkveðjur til nemenda og aðstandenda þeirra sem og allra hinna sem fylgjast með á þessari síðu og þakkar samfylgdina á liðnu ári með óskir um gæfuríkt nýtt ár.

Nemendur og starfsfólk Klettaskóli heimsóttu í dag Sinfóníuhljómsveit Íslands og áttu þar einstaklega hlýja og notalega jólastund saman.

Trúðurinn Bobba leiddi okkur í gegnum stundina á sinn einstaka hátt, hvatti alla til að njóta augnabliksins og minnti okkur á að jólin snúast ekki aðeins um gjafir eða skraut, heldur um hlýju, samhug og gleði – að jólahátíðin býr í hjörtum okkar allra.

Það var sérstaklega ánægjulegt að sjá hversu vel allir nutu stundarinnar, ungir sem aldnir. Bros, söngur og einlæg gleði fylltu salinn og gerðu þessa heimsókn að dýrmætri minningu fyrir alla sem tóku þátt. ✨🎄

Takk fyrir okkur Sinfóníuhljómsveit Íslands

Bjarki Benediktsson í 10. bekk B var tilnefndur til Íslenskuverðlauna unga fólksins í bókmenntaborginni Reykjavík fyrir framúrskarandi hæfni í upplestri, sjálfsöryggi í tjáningu og framsögn og mikla hæfileika í að leggja texta á minnið. Við óskum honum innilega til hamingju. Á meðfylgjandi myndum má sjá Bjarka með verðlaunabókina sem hann fékk og einnig er mynd af honum með Arnheiði Helgadóttur skólastjóra og mynd með stoltum foreldrum, þeim Lilju Valdimarsdóttur og Benedikt Grétarssyni. Verðlaunin voru afhent í Norðuljósasal Hörpu 17. nóvember í tilefni Dags íslenskrar tungu.