Klettaskóli

Klettaskóli Klettaskóli er sérskóli á grunnskólastigi sem þjónar öllu landinu. Hann tók til starfa árið 2011. English below/polski poniżej Our students are age 6-16 yrs old.

Klettaskóli leysti af hólmi sérskólana Safamýrarskóla og Öskjuhlíðaskóla. Klettaskóli is a school for children with special needs. Klettaskóli runs a participation class in a traditional elementary school and has a consultant role nation-wide. There are ten class departments with 130 students and around 80 skilled professionals work at the school. Klettaskóli to podstawowa szkoła specjalna. Klettaskóli prowadzi także klasę partnerską w zwykłej szkole podstawowej i pełni rolę konsultanta ogólnokrajowego. W naszej szkole, w klasach 1-10, uczy się 130 dzieci, a pracuje około 80 wykwalifikowanych specjalistów. Nasi uczniowie są w wieku od 6 do 16 lat.

28/09/2026

Sæl
Síminn í Klettaskóla liggur niðri.
Hægt er að ná í skólann í síma: 6648409

Biðjumst velvirðingar á þessu.

22/09/2026

Flest af okkar nemendum nýta sér þjónustu Reykjadalur og bíða eftir því allan veturinn að fá að fara aftur í sumardvöl í Reykjadalinn sinn!
Reykjadalur stendur nú fyrir söfnun fyrir nýjum matsal og er svo nálægt markmiðinu sínu eða aðeins 3 milljónum frá 30 milljón króna markmiðinu.
Framkvæmdir fara ekki af stað fyrr en markmiðinu er náð!
Því hvetjum við alla þá sem vettlingi geti valdið að leggja sitt að mörkum til þess að draumurinn um nýjan matsal verði að raunveruleika fyrir næsta sumar!

Nánari upplýsingar má sjá í færslunni frá Reykjadal hér að neðan!

Koma svo!

Nú styttist óðum í að nýtt skólaár hefjist og við í Klettaskóla hlökkum mikið til að fylla skólann aftur af lífi og fjör...
21/08/2026

Nú styttist óðum í að nýtt skólaár hefjist og við í Klettaskóla hlökkum mikið til að fylla skólann aftur af lífi og fjöri.

Við vonum að nemendur og fjölskyldur þeirra hafi átt gott sumar og komi endurnærð til leiks.

Sérstaklega bjóðum við nýja nemendur og fjölskyldur þeirra hjartanlega velkomin í Klettaskóla

Við leggjum okkur fram um að upphaf skólaársins verði gott og að allir nemendur upplifi öryggi, tilheyri hópnum og finni að þeirra styrkleikar fái að njóta sín.

Skólasetning verður Mánudaginn 24. ágúst

9:00 -1,2,3 og 4 bekkur
10:00 5., og 7 bekkur

Skólasetning fer fram í hátíðarsal/matsal skólans og hefst með ræðu skólastjóra og síðan fara nemendur í sínar bekkjarstofur þar sem bekkjarkennarar afhenda nemendum skólagögn.

Sjáumst hress á mánudaginn!!

Þessar þrjár flottu konur og kennarar Elísabet Þorsteinsdóttir, Guðrún Stephensen og Sigurlaug Jónsdóttir voru kvaddar í...
16/06/2026

Þessar þrjár flottu konur og kennarar Elísabet Þorsteinsdóttir, Guðrún Stephensen og Sigurlaug Jónsdóttir voru kvaddar í Klettaskóla í lok skólaárs, eftir áratuga farsælt starf sem kennarar við Klettaskóla og áður Öskjuhlíðarskóla. Samanlagður árafjöldi þeirra við störf í þessum skólum er hvorki meira né minna en 66 ár.
Arnheiður Helgadóttir skólastjóri kvaddi þær með fallegum orðum um þeirra helstu mannkosti, kveðjugjöf og blómum. Þeim er öllum þakkað gott starf í þágu nemenda Klettaskóla og gott samstarf í gegnum tíðina.

16/06/2026

Á skólaslitum/vorhátið kom Páll Óskar og tók samsöng með okkur á laginu "Eitt af blómunum". Páll Óskar hefur verið á vegferð um landið og heimsótt fjöldan allan af grunnskólum til að flytja þetta fallega lag. Við vorum svo heppin að fá hann til okkar og hér má sjá afraksturinn af samsöng Klettaskóla.
Takk aftur fyrir komuna Páll Óskar

Það var margt um manninn á skólaslitum Klettaskóla 10. júní í íþróttasal skólans. Stuttu síðar hófst glæsileg Vorhátíð ú...
11/06/2026

Það var margt um manninn á skólaslitum Klettaskóla 10. júní í íþróttasal skólans. Stuttu síðar hófst glæsileg Vorhátíð úti á skólalóð í blíðskaparveðri. Þar var margt skemmtilegt í boði, risasápukúlur, krítar, andlitsmálun, leikföng og skemmtidagskrá. Sólon og Dimma dúskur léku við hvern sinn fingur. Gestir gátu gætt sér á pylsum, poppi, krapi og íspinnum. Hápunktur dagskrárinnar var svo þegar okkar ástsæli Páll Óskar kom og söng lagið "Eitt af blómunum" við mikinn fögnuð viðstaddra. Nemendur og starfsfólk voru búin að undirbúa sig vel, læra lagið, búa til falleg blóm, hjörtu og tákn og gera glæsilegan bakgrunn fyrir söngatriðið og veglegan blómakrans fyrir söngvarann. Palli var í miklu stuði, tók aukalag, "Gordjöss", sem viðstaddir tóku vel undir í söng og með tilheyrandi dansi og hreyfingum. Að lokum bauð hann öllum sem vildu að taka selfie mynd með sér.

Það var sannarlega hátíðleg stund þegar 10. bekkingar Klettaskóla útskrifuðust úr skólanum 9. júní. Stolt og gleði skein...
11/06/2026

Það var sannarlega hátíðleg stund þegar 10. bekkingar Klettaskóla útskrifuðust úr skólanum 9. júní. Stolt og gleði skein úr augum aðstandenda og starfsfólks. Umsjónarkennarar 10. bekkja afhentu hverjum og einum vitnisburð og síðan voru veittar viðurkenningar til sundfólks og íþróttafólks ársins. Nemendur voru einstaklega glaðir og yfirvegaðir á sviðinu undir ræðuhöldum. Bjarki Benediktsson hélt ræðu fyrir hönd útskriftarnema. Að athöfn lokinni þáðu gestir veitingar og áttu notalega stund og spjall saman í hátíðarsal skólans. Við í Klettaskóla óskum öllum útskriftarnemum og fjölskyldum þeirra velfarnaðar á þessum tímamótum og vitum að nú bíða þeirra mörg ný ævintýri í framhaldsskólanum.

Það var aldeilis gaman hjá okkur í Klettaskóla þegar frábær fjöllistahópur skipaður nemendum skólans var með sýningu fyr...
09/06/2026

Það var aldeilis gaman hjá okkur í Klettaskóla þegar frábær fjöllistahópur skipaður nemendum skólans var með sýningu fyrir alla nemendur og starfsfólk skólans. Sýningin sem samanstóð af dansi, söng og leikrænni tjáningu, var um fjölbreytileikann og mikilvægi þessa að taka alla liti með inn í regnbogann, líka þann svarta. Sýningin vakti mikla lukku og var hópnum fagnað með lófataki. Krakkarnir æfðu þessa flottu sýningu undir handleiðslu þeirra Ingu Dóru Glan Guðmundsdóttur og Lilju Helgadóttur.

Okkar frábæra foreldrafélag kom færandi hendi í morgun með glæsilegar kökur fyrir okkur starfsfólk Klettaskóla. Þetta ko...
03/06/2026

Okkar frábæra foreldrafélag kom færandi hendi í morgun með glæsilegar kökur fyrir okkur starfsfólk Klettaskóla. Þetta kom skemmtilega á óvart og gaf svo sannarlega hlýju í hjartað❤️Takk fyrir okkur elsku foreldrar❤️

Address

Suðurhlíð 9
Reykjavík
105

Opening Hours

Monday 07:30 - 15:30
Tuesday 07:30 - 15:30
Wednesday 07:30 - 15:30
Thursday 07:30 - 15:30
Friday 07:30 - 14:30

Telephone

+3544117950

Website

Alerts

Be the first to know and let us send you an email when Klettaskóli posts news and promotions. Your email address will not be used for any other purpose, and you can unsubscribe at any time.

Shortcuts

Share

Category