Tónlistarskóli Vesturbyggðar

15/08/2026

Tónlistarskóli Vesturbyggðar auglýsir eftir nýjum umsóknum fyrir starfsárið 2026-2027. Umsóknarfrestur er til og með 21. ágúst. Tökum við umsóknum fyrir alla aldurshópa eldri en 5 ára. Kennt er á fiðlu, gítar, bassa, ukulele, píanó, söng og öll blásturshljóðfæri eins og blokkflautu, þverflautu, klarinett, saxófón, trompet o. fl. Athugið að aðeins afar fá pláss eru fyrir nýja nemendur á píanó þetta árið, fyrstur kemur, fyrstu fær.
Umsóknareyðublaðið má finna hér:
https://tonviska.is/form/47/5ab4e8e0dfc9c4fc/

24/06/2026

Svipmyndir frá hátíðahöldum í blíðskaparveðri á Bíldudal í tilefni af 17. júní. Noah Þráinn lék á píanó fyrir okkar hönd, Arna Margrét var fjallkonan, Nanna Sjöfn flutti ræðu, Einar Skarphéðins var krýndur bæjarlistamaður 2026 og allt hófst með skrúðgöngu þar sem við lánuðum göngutrommu. Vonandi verða nemendur okkar trymblar næst 🇮🇸🎵🌼🥁

03/06/2026

59. skólaslit Tónlistaskóla Vesturbyggðar voru haldin í Patreksfjarðarkirkju. Þar kvöddum við 3 nemendur þau André úr Patreksskóla, Hildi Ásu úr Bíldudalsskóla og Noah Þráinn úr Tálknafjarðarskóla en þau eru öll að klára 10. bekk og á leið í framhaldsskóla. Einnig kvöddum við einn kennara hana Alejöndru sem hefur kennt við skólann um árabil. Óskum þeim öllum alls hins besta. Það sem stóð uppúr á skólaárinu var að sjálfsögðu svæðistónleikar Nótunnar sem voru haldnir á Patreksfirði um miðjan apríl. Takk fyrir veturinn kæru nemendur og við hlökkum til að sjá ykkur hress næsta haust!

03/06/2026

Fimmtudaginn 28. maí fóru nemendur frá Tálknafirði ásamt Mayu í Vindheima og spiluðu nokkur lög. Alltaf gott að koma þangað, nutum góðra veitinga og áttum notalega stund. Takk fyrir okkur!

02/06/2026

Það er alltaf gaman að samfélagstónleikum Tónlistarskólans á vorin þegar við förum með nemendur út í bæ að spila.
Í þetta sinn var það Hvest sjúkrahúsið á Patreksfirði og fóru Helga og Maya með nokkra nemendur miðvikudaginn 27.mai að spila.

01/06/2026

26/05/2026

Í dag fóru Helga og Maya með nokkra nemendur úr Tónlistarskólanum í félagsheimilið Birkimel til að spila fyrir fólkið þar.
Mættu yfir 20 manns og var mjög gaman. Allir ánægðir með útkomuna enda allir nemendur sem tóku þátt á einhvern hátt tengdir inn á Barðaströnd.

25/05/2026

Samfélagstónleikar í Eyrarseli fimmtudaginn 21. maí, þriðju tónleikarnir í þessari tónleikaröð í maí. Vel heppnað og skemmtilegt eins og alltaf 🎵🎸🌹🎹🎻

25/05/2026

Tónleikar í Birkimel þriðjudaginn 26. maí kl. 16:00 með nemendum tónlistarskólans sem búa á Barðaströnd eða eigar þar rætur. Tónleikarnir eru hluti af samfélagstónleikaröðinni okkar í maí.
Verið öll velkomin!

21/05/2026

Þriðjudaginn 19. maí fóru þeir Magnús og Szymon að skemmta leikskólabörnunum í Tjarnarbrekku, líklega í síðasta sinn á þessum stað. Þeir brilleruðu báðir og vöktu mikla aðdáun yngri barnanna 🎵❤️🌹