Menntaskólinn á Ásbrú

Sjóðheitar og stórglæsilegar MÁ peysur eru komnar í sölu á vegum Örgjörvans - nemendafélags skólans! 🥳

Ný stjórn Örgjörvans - nemendafélags MÁ var kjörin á dögunum!

Formaður:
Eyrún Inga

Varaformaður:
Júlía Gunnlaugsdóttir

Gjaldkeri:
Marta Alexandra

Formaður skemmtinefndar:
Davíð Máni

Hagsmunafulltrúi:
Sunna Mjöll

Markaðsstjóri:
Óðinn Örn

Hér má sjá nýja stjórn og auk þess fráfarandi stjórn með. Á mynd vantar Sunnu Mjöll, hagsmunafulltrúa.

Við óskum nýkjörinni stjórn Örgjörvans til hamingju með kjörið og þökkum fráfarandi stjórn fyrir góð störf ☺️

Katrín Lilja Unudóttir, nemandi í Menntaskólanum á Ásbrú (MÁ) syngur fyrir hönd skólans í söngkeppni framhaldsskólanna í kvöld! 🎶

Keppnin verður sýnd í beinni útsendingu á Stöð 2 Vísi kl. 19:00. Símakosning vegur mikið um úrslit og hefst hún á sama tíma og keppnin sjálf, kl 19:00 og lýkur stuttu eftir síðasta atriði.

Símanúmer keppanda MÁ er 900-9119 og hvetjum við þig til að kjósa Katrínu til sigurs! 🥳

Lesa má viðtal við Katrínu um söngkeppnina hér: https://www.keilir.net/menntaskolinn/menntaskolinn/um-ma/frettir/katrin-lilja-tekur-thatt-i-songkeppni-framhaldsskolanna-fyrir-ma

Myndir frá Vörumessu 2023 í Smáralind. Nemendur frá MÁ taka þátt.

Tölvuleikjagerð

Starfsmenn og nemendur Menntaskólans á Ásbrú kynntu skólann á Minni Framtíð í Laugardalshöll í síðustu viku.

Lögð var áhersla á sérstöðu skólans þegar kemur að tölvuleikjagerð, vendinámi og skapandi greinar. Viðtökurnar voru afskaplega góðar og þökkum við kærlega fyrir okkur!

Keppendur MÁ stóðu sig vel á Mín Framtíð 2023

MÁ komst áfram í úrslitakeppnina í FRÍS og keppir því í beinni útsendingu á Stöð 2 eSport og á Twitch. Við óskum okkar glæsilega liði góðs gengis! 👏

Þau Darel Jens Edselsson og Júlía Gunnlaugsdóttir, nemendur MÁ hittu nemendur Akurskóla í 10. bekk í morgun og sögðu þeim frá bæði náminu og félagslífinu í MÁ. Auk þeirra mættu þau Ingigerður Sæmundsdóttir, forstöðumaður MÁ og Sverrir Bergmann, kennari til að kynna skólann. Kynningin gekk ljómandi vel og mátti finna fyrir talsverðum áhuga á tölvuleikjagerðarbraut skólans og nútímalegu kennslufyrirkomulagi.

Hefur þú áhuga á að fá MÁ í heimsókn til að kynna skólann fyrir nemendum? Hafðu endilega samband á menntaskolinn [hjá] keilir.net.

MÁ mætir ME í fyrstu viðureign ársins í Gettu Betur, í kvöld klukkan 19:00.

Við óskum þeim Brab, Eyrúnu og Róberti góðs gengis! 👏 Áfram MÁ

Viltu stúdentspróf í tölvuleikjagerð? 🎮

Innritun í Menntaskólann á Ásbrú (MÁ) á vorönn 2023 stendur nú yfir. Hægt er að sækja um á vef Menntamálastofnunar og á heimasíðu Keilis.

👉 Skólastarf hefst 9. janúar og er umsóknarfrestur til 15. desember.

Í Menntaskólanum á Ásbrú er boðið uppá nám á stúdentsbraut í tölvuleikjagerð sem veitir breiðan grunn til framhaldsnáms á háskólastigi með færni til framtíðar að leiðarljósi. Nemendum gefst rúmur kostur á að leggja sínar eigin áherslur með valgreinum.