Foreldrafélag Akurskóla

Aðalfundur foreldrafélags Akurskóla verður haldinn í miðvikudaginn 29. október kl. 20:00 á sal skólans..
Við hvetjum alla foreldra til að mæta á fundinn, sýna sig, sjá aðra og fá að kynnast störfum foreldrafélagsins.
Veist þú að foreldrum ber lögum samkvæmt að taka þátt í skólastarfi barna sinna!
Veist þú hvað við gerum við peningana þína?
Veist þú hvernig við foreldrar getum haft áhrif, bæði innan Akurskóla og skólasamfélag Reykjanesbæjar?
Veist þú að þátttaka foreldra í skólastarfi hefur jákvæð áhrif á hvernig barninu þínu líður í skólanum?
Ef svar þitt við einhverri af spurningunum hér að ofan er "nei" átt þú meira en fullt erindi á aðalfund foreldrafélagsins. Þar færðu svörin við spurningunum hér að ofan
Dagskrá:
Hefðbundin aðalfundarstörf
Kosning stjórnar
Önnur mál
Sjáðu hvernig við foreldrar getum haft áhrif.
Kaffi og 'meððí' í boði foreldrafélagsins.
Kveðja

Vill bara minna á jólaföndrið á morgun kl 17-20
Hlakka til að sjá sem flesta😁😁🎅

Jæja kæru foreldrar núna í næstu viku þá verður jólaföndur og er öllum velkomið að föndra og hafa gaman með okkur
Það væri frábært að sjá sem flesta😁

Kæru foreldrar,
Það var fámennt en góðmennt á fundinum í dag en þeir sem mættu voru mjög áhugasamir og drífandi. Fundargerðir og uppfærðar upplýsingar eru væntanlegar inn á heimasíðu skólans. Við bjóðum nýja meðlimi hjartanlega velkomna og þökkum þeim sem yfirgefa stjórnina kærlega fyrir samstarfið 💛

Sjáumst í dag 💛

Endilega takið daginn frá og ef foreldrar hafa áhuga á að starfa með félaginu eða vill leggja til lagabreytingar þá er hægt að senda póst á [email protected] 💛

Kæru foreldrar og forráðfólk barna í Akurskóla,
Ég vona að allt skólastarf fari vel af stað hjá ykkar börnum og að öllum líði vel í skólanum. Ég skrifa ykkur sem formaður foreldrafélagsins með mikilvægt og brýnt erindi.
Nú fer að líða að Ljósanótt, einni stærstu hátíð sem haldin er hér í bænum okkar. Á undanförnum árum hefur þetta verið tími þar sem fjölskyldur og vinir koma saman og njóta skemmtilegrar hátíðar, en því miður hefur einnig orðið vart við aukna unglingadrykkju og jafnvel vopnaburð meðal ungmenna á slíkum viðburðum líkt og nýliðinn atburður hefur sýnt okkur.
Við vitum öll að við berum ábyrgð á að standa vörð um börnin okkar og ungmenni í samfélaginu, og þar skiptir samvinna okkar foreldra öllu máli. Í því ljósi viljum við leita til ykkar um hjálp við foreldrarölt á Ljósanótt.
Fjörheimar félagsmiðstöð er að skipuleggja foreldrarölt í samstarfi við FLOTANN, flakkandi félagsmiðstöð og verða þau í samfloti með lögreglu og öðrum viðbragðsaðilum. Flotinn er mjög áhugavert verkefni með forvarnir fyrir ungmenni í Reykjanesbæ fremst í fararbroddi.
Það er afar mikilvægt að foreldrar séu sýnilegir á götum úti á meðan hátíðin stendur yfir, bæði til að veita ungmennum stuðning og vera vakandi fyrir atvikum sem kunna að koma upp.
Við getum ekki gert þetta án ykkar. Það er nauðsynlegt að fleiri foreldrar taki þátt í rölti til að tryggja öryggi barna okkar. Við erum að biðla til allra um að gefa af sér smá tíma þessa hátíðardaga til að rölta saman og sýna nærveru.
Þeir sem hafa áhuga á að taka þátt geta skráð sig í foreldraröltið með því að skrá sig inn á þessa facebooj síðu Foreldrarölt í Reykjanesbæ | Facebook eða senda tölvupóst á netfangið hér fyrir neðan. Allt skipulag verður sent út í framhaldinu. Áætlað er að röltað sé föstudag og laugardag, frá ca. 19:00-00:00/01:00.
Við skulum standa saman og tryggja að Ljósanótt verði skemmtileg og örugg fyrir öll!
Takk kærlega fyrir ykkar stuðning og samstarf.

Með bestu kveðju,
Kristín Þóra Möller
Fráfarandi formaður foreldrafélags Akurskóla
[email protected]
Fjörheimar félagsmiðstöð

Skelfileg þróun í okkar annars örugga landi. Tökum umræðuna heima og þorum að vera leiðinlegu foreldrarnir sem spyrja spurninga, skipta sér af og segja nei þegar þess þarf. Það er stórt verkefni framundan í forvarnarstarfi og foreldrarölt aftur orðið mikilvægt tól í baráttunni um framtíð barnanna okkar. Hlekkur í nýjan og öflugan hóp foreldra í ummælum hér fyrir neðan, endilega verið með 💛💛💛

Á­byrgðin liggi fyrst og fremst hjá for­eldrum - Vísir Drengurinn sem er í haldi vegna stunguárásar á menningarnótt hefur verið fluttur á Hólmsheiði vegna líflátshótana. Ráðamenn vilja auka sýnileika lögreglu vegna ofbeldis unglinga en lögreglumaður ítrekar að foreldrar beri fyrst og síðast ábyrgð á börnum sínum.