Helgafellsskóli

Þann 8. júní útskrifaðist 10. bekkur Helgafellsskóla. 🎓

Við óskum útskriftarnemendum innilega til hamingju með áfangann. Eftir tíu ára skólagöngu er komið að nýjum kafla hjá þessum flotta hópi og spennandi verkefni fram undan.

Við þökkum fyrir samfylgdina í gegnum árin og óskum þeim velfarnaðar á nýjum slóðum.

Gangi ykkur vel! 💙

Í vikunni fóru fram hinir árlegu Snjallleikar í Helgafellskóla! 🧠✨

Nemendur unnu þvert á árganga, leystu fjölbreyttar þrautir og spreyttu sig á verkefnum sem kröfðust bæði útsjónarsemi og samvinnu. Markmiðið var ekki aðeins að finna réttu svörin heldur einnig að vinna saman, hlusta á hugmyndir annarra og nýta styrkleika hvers og eins.

Það var ánægjulegt að sjá nemendur taka höndum saman, takast á við áskoranir af jákvæðni og sýna hvað góð liðsheild getur skipt miklu máli. Frábær dagur sem einkenndist af gleði og samvinnu 💙

2018 árgangurinn stóð sig heldur betur vel í vikunni þegar hópurinn labbaði upp á fjallið Lala 🌿⛰️

Það var gaman að sjá hvað krakkarnir voru dugleg, hjálpsöm og jákvæð á leiðinni. Algjörar fjallageitur! 💛

Við minnum á plöntusöluna í gróðurhúsinu 🌱🪴
Opið alla daga fram að skólaslitum á skólatíma

Útskrift, uppskeruhátíð og skólaslit

Hér koma tímasetningar á þessa viðburði. Frekari upplýsingar um tilhögun þessara viðburða koma til foreldra í póstum frá skólanum:

- Útskrift 10. bekkjar verður 8. júní kl. 18

- Skólaslit hjá 1. - 9. bekk verða 10. júní kl. 10

- Uppskeruhátíð Æsustaðafjalls verður 11. júní kl. 14

1. bekkur er búinn að vera að læra um íslensku húsdýrin síðustu vikur og skelltu sér í strætóferð í Fjölskyldu- og húsdýragarðinn, þriðjudaginn 26. maí.

Þau skoðuðu húsdýrin og fengu meðal annars að fylgjast með því þegar kýrnar fengu að fara út á tún í fyrsta sinn í sumar. Það var heldur betur líf og fjör hjá þeim.

Bekkurinn endaði svo í grillpartýi og leik áður en haldið var heim í Helgafellsskóla á ný.

☀️sumar og sól í allan dag☀️

Foreldrar endilega kíkið til okkar í gróðurhús Helgafellsskóla:)

Lið Helgafellsskóla tók þátt í Skólahreysti í gær og hafnaði í 4. sæti í sínum riðli. Hópurinn stóð sig ótrúlega vel. Elísa Ósk vann armbeygjurnar og varð önnur í hreystigreip. Almar Jökull tók þátt í upphýfingum og varð þriðji í dýfunum. Torfi Snær og Laufey Ósk tóku þátt í hraðaþraut og stóðu sig frábærlega. Varamenn voru Hrafntinna Jóna og Rodney Smith.
Til hamingju öll með þessa flottu frammistöðu!