Krikaskóli

Krikaskóli Krikaskóli er samþættur leik-og grunnskóli ásamt frístund fyrir börn á aldrinum tveggja til níu ára.

Kæru foreldrar,Við minnum á starfsdaginn sem er á morgun, miðvikudaginn 23. september. Þá verður skólinn og frístund lok...
22/09/2026

Kæru foreldrar,

Við minnum á starfsdaginn sem er á morgun, miðvikudaginn 23. september. Þá verður skólinn og frístund lokuð.

Sjáumst hress og kát á fimmtudaginn! 😊

🌿 Dagur íslenskrar náttúruÍ dag héldum við upp á Dag íslenskrar náttúru, sem var í gær 16. september, með því að fara í...
17/09/2026

🌿 Dagur íslenskrar náttúru

Í dag héldum við upp á Dag íslenskrar náttúru, sem var í gær 16. september, með því að fara í ævintýraferðir út í náttúruna í nærumhverfi okkar. 🌱🍂

Grunn- og leikskólahlutanum var skipt upp í fjóra hópa og fór hver leikskólaárgangur með einum grunnskólaárgangi í sína ferð. Farið var á skólalóðina, Meltúnsreit, Stekkjarflöt og upp á Lágafell. Þannig gafst einstakt tækifæri til fallegrar samveru milli ólíkra aldurshópa.

Það er einmitt á svona dögum sem samvinna milli skólastiga skiptir svo miklu máli. Eldri nemendur fá tækifæri til að axla ábyrgð, sýna þeim yngri umhyggju og aðstoða þau á leiðinni. Falleg tengsl myndast og börnin fá tækifæri til að læra hvert af öðru.

Í náttúrunni fékk nám í gegnum frjálsan leik að njóta sín og áhugi barnanna fékk að stýra för. Það var margt sem vakti forvitni og áhuga; plöntur, sveppir, fræ, ormar, sniglar, tré, laufblöð og margt fleira.

Markmið dagsins var einfalt – að njóta íslenskrar náttúru, kanna, uppgötva og eiga góða stund saman. Það má svo sannarlega segja að það hafi tekist! Veðrið bauð upp á sitt lítið af hverju í morgun, en rigningin fékk ekki að stoppa ævintýrin.

Það er eitthvað alveg sérstakt við að sjá börn á ólíkum aldri saman úti í náttúrunni – sjá forvitnina, gleðina, hjálpsemina og samveruna. Þegar börnin fá frelsi til að kanna heiminn á sínum forsendum verða til dýrmæt námstækifæri, falleg tengsl og minningar sem lifa.

Leyfum myndum að fylgja með.

13/08/2026

Kæru foreldrar,

Skólasetning grunnskólans verður á morgun, föstudaginn 14. ágúst, kl. 10:00.

Að skólasetningu lokinni fara börnin í sín hreiður og lýkur skóladeginum kl. 14:00.

Við hlökkum til að hefja nýtt og spennandi skólaár með ykkur!

Kærar kveðjur,
starfsfólk Krikaskóla

06/08/2026

Góðan dag, kæru foreldrar.

Vonandi hafið þið öll notið sumarfrísins og börnin tilbúin að hefja nýtt skólaár.

Mánudaginn 10. ágúst opnar leikskólinn kl. 10:00 og fyrir þau börn sem eru skráð í frístund.

Nokkur börn eru á biðlista í frístund og munum við fara yfir þau mál eftir helgina.

Skólasetning grunnskólans verður síðan föstudaginn 14. ágúst kl. 10:00.

Við hlökkum til að taka á móti ykkur og hefja nýtt og spennandi skólaár með ykkur.

Kærleikskveðjur,
Starfsfólk Krikaskóla

Kæru foreldrar,Í dag, föstudaginn 3. júlí, er síðasti dagur leikskólans fyrir sumarfrí og lokar skólinn kl. 13:00.Það er...
03/07/2026

Kæru foreldrar,

Í dag, föstudaginn 3. júlí, er síðasti dagur leikskólans fyrir sumarfrí og lokar skólinn kl. 13:00.

Það er ýmislegt sem við höfum brallað síðustu vikur og daga hér á leikskóladeildinni.

Þann 18. júní fór fram útskrift elstu barnanna á Spóa við fallega athöfn. Börnin fluttu glæsilegan söng sem þau höfðu æft af kostgæfni og stóðu sig með miklum sóma. Það er stór áfangi að hefja grunnskólagöngu í 1. bekk og við hlökkum til að fylgjast með þessum flottu nemendum okkar á nýjum vettvangi.

Krikaskóli hélt einnig upp á alþjóðlega drulludaginn þar sem Sveinlaug, útikennari okkar, hafði útbúið fjölbreyttar og skemmtilegar stöðvar. Börnin nutu dagsins til hins ýtrasta og sköpuðust margar skemmtilegar minningar.

Við þökkum kærlega fyrir góða samveru og ánægjulegt samstarf á skólaárinu sem nú er að ljúka og hlökkum til að taka á móti ykkur aftur í haust.

Við óskum ykkur öllum gleðilegs og sólríks sumars, með kærum þökkum fyrir veturinn sem er að baki.

Nokkrir punktar
▪️ Leikskólinn opnar eftir sumarfrí mánudaginn 10. ágúst kl. 10:00

▪️Börn sem skráð eru í sumarfrístund mæta einnig mánudaginn 10. ágúst kl. 10:00.
▪️Skólasetning grunnskólans er föstudaginn 14. ágúst kl. 10:00

▪️Á meðan grunn- og leikskólar eru í sumarfríi fara fram viðhalds- og endurbótavinna á skólalóðunum. Við biðjum foreldra og aðra gesti að sýna aðgát og fara varlega um svæðið á meðan framkvæmdir standa yfir.

Kveðja,
Starfsfólk Krikaskóla

Kæru foreldrar,Í dag fóru fram 18. skólaslit Krikaskóla, á sjálfum 18 ára afmælisdegi skólans.Við kvöddum 4. bekkingana ...
16/06/2026

Kæru foreldrar,

Í dag fóru fram 18. skólaslit Krikaskóla, á sjálfum 18 ára afmælisdegi skólans.

Við kvöddum 4. bekkingana okkar sem halda nú á vit nýrra ævintýra í nýjum skólum, og óskum þeim velfarnaðar á komandi árum.

Við óskum öllum grunnskólabörnunum okkar gleðilegs sumarfrís og hlökkum til að taka á móti þeim aftur á skólasetningu Krikaskóla 14. ágúst, hressum og kátum eftir gott sumarfrí.

Gleðilegt sumar! 🌞

Kveðja,
Starfsfólk Krikaskóla

Í dag vígðum við Óla-stólinn Á þeim árum sem Óli starfaði í Krikaskóla eignaðist hann ótal vini meðal starfsfólks, forel...
11/06/2026

Í dag vígðum við Óla-stólinn

Á þeim árum sem Óli starfaði í Krikaskóla eignaðist hann ótal vini meðal starfsfólks, foreldra og nemenda. Hann skipaði sérstakan sess í hjörtum barnanna og var órjúfanlegur hluti af Krikaskóla-samfélaginu. Hlýja hans, nærvera og umhyggja skildu eftir sig spor sem lifa áfram.

Til að gera þetta verkefni að veruleika lögðu margir sitt af mörkum. Foreldrar barna í Krikaskóla, sem og foreldrar útskrifaðra nemenda, sýndu einstakan stuðning og örlæti. Foreldrafélag skólans hélt utan um söfnunina af mikilli alúð og kunnum við öllum sem komu að verkefninu innilegar þakkir.

Við leituðum til Ásgarðs vegna smíði stólsins og þar fengum við frábærar viðtökur, fagmennsku og einlægan vilja til að skapa eitthvað sérstakt. Ósk okkar var að stóllinn yrði stór, traustur og umvefjandi – rétt eins og Óli var sjálfur. Staður þar sem börn og starfsfólk geta sest niður, hugsað hlýtt til hans, notið kyrrðarinnar eða fengið notalegt knús í faðmi þeirra sem þeim þykir vænt um.

Ásgarðsmenn tóku hugmyndina til sín af virðingu og alúð. Í smíðaferlinu þróaðist verkið áfram og verkstjóri lýsti því að stundum hefði hann fundið fyrir leiðsögn sem erfitt væri að útskýra. Í baki stólsins eru fimm plankar og þegar horft er á hann aftan frá má sjá hvernig styrkingarnar virðast halda utan um hver aðra – líkt og tákn um samheldni, umhyggju og vináttu.

Útkoman er fallegri en við þorðum að vona. Stóllinn er ekki aðeins minnisvarði heldur líka faðmur – staður sem geymir hlýjar minningar um mann sem gaf börnunum okkar svo óendanlega mikið af sér.

Við munum minnast Óla með þakklæti, virðingu og hlýju. Megi Óla-stóllinn verða staður þar sem minningar lifa áfram og kærleikurinn sem hann skildi eftir sig fái að njóta sín um ókomin ár.

Sumarhátíð KrikaskólaKæru foreldrar og forráðamenn, takk kærlega fyrir komuna á sumarhátíðina okkar.🌞Boðið var upp á pyl...
05/06/2026

Sumarhátíð Krikaskóla

Kæru foreldrar og forráðamenn, takk kærlega fyrir komuna á sumarhátíðina okkar.🌞

Boðið var upp á pylsu og ís í hádeginu sem vakti mikla lukku,

Við vorum svo lánsöm að fá hann Pál Óskar til okkar að syngja með okkur lagið Eitt af blómunum, sem við höfum verið að æfa.

Starfsfólkið undirbjó ýmsar stöðvar þar sem hægt var að lita, leira og föndra. Sveinlaug var síðan með vinsæla skynjunarstöð þar sem krakkarnir fengu að vera berfættir og stíga ofan á alls kyns náttúruefni, svo sem sand, gras, laufblöð og leðju.

Takk kærlega fyrir daginn.

Kærar kveðjur,
starfsfólk Krikaskóla

Íþróttadagurinn var haldinn í Krikaskóla þar sem Elli íþróttakennari hélt utan um daginn og setti upp fjölbreyttar og sk...
28/05/2026

Íþróttadagurinn var haldinn í Krikaskóla þar sem Elli íþróttakennari hélt utan um daginn og setti upp fjölbreyttar og skemmtilegar stöðvar tengdar hreyfingu og leik. Dagurinn byggðist á samvinnu milli leik- og grunnskóla þar sem eldri nemendur tóku að sér hlutverk hópstjóra og leiðbeindu þeim yngri á stöðvunum.

Á fótboltavellinum var boðið upp á handbolta- og fótboltavító með skemmtilegu tvisti þar sem hægt var að hitta í gegnum hringi – og jafnvel kaffibollann hans Egils. Einnig voru boðhlaup með fjölbreyttum útfærslum af hoppum og æfingum, KrikaThon þar sem hlaupið var hring um skólalóðina, ásamt kúluvarpi og spjótkasti.

Spóabörnin okkar fóru svo í sína útskriftarferð í Viðey. Það var skemmtilegt að heyra umræðurnar í fataklefanum um morguninn þar sem börnin ræddu sín á milli að þau væru sko að fara með skipi til útlanda. Börnin skoðuðu eyjuna og lærðu um fuglalíf og náttúru. Þau komu alsæl úr ferðinni með alls kyns gersemar úr fjörunni og margar góðar minningar í farteskinu.

Nokkrar dagsetningar sem vert er að skrá hjá sér:

• Mánudagur 1. júní – Náttfata- og bangsadagur
• Miðvikudagur 3. júní – Útskriftarferð 4. bekkjar
• Föstudagur 5. júní – Sumarhátíð Krikaskóla
• Þriðjudagur 16. júní – Skólaslit hjá grunnskólanum

Kæru foreldrar,Veðrið hefur svo sannarlega leikið við okkur þessa vikuna og börnin hafa notið veðurblíðunnar úti bæði í ...
22/05/2026

Kæru foreldrar,

Veðrið hefur svo sannarlega leikið við okkur þessa vikuna og börnin hafa notið veðurblíðunnar úti bæði í leik og lærdómi. Gott er að minna foreldra á að senda börnin með sólarvörn.

Sveinlaug útikennari hefur farið með leikskóladeildirnar í skemmtilegar ævintýraferðir hér í nágrenninu þar sem börnin hafa meðal annars grillað pylsur, skoðað blóm og snigla og notið náttúrunnar til fulls.

Nemendur í 3. og 4. bekk tóku þátt í Hugmyndasamkeppni Evolytes, „Fjölskyldan mín“, sem er hluti af þjóðarverkefni í stærðfræði. Nemendur áttu að teikna sína eigin Evolyte-fjölskyldu. Og viti menn — Hafþór Þrándarson, nemandi í 4. bekk, kom, sá og sigraði! Evolyte-fjölskylda hans verður hluti af Evolytes námsleiknum og ævintýraheiminum. Við í Krikaskóla erum ákaflega stolt af honum og óskum honum innilega til hamingju.

Minnum svo á að á mánudaginn er annar í Hvítasunnu og því er skólinn lokaður. Við óskum ykkur gleðilegrar helgar, njótið samverunnar og sjáumst hress og kát á þriðjudaginn.

Address

Mosfellsbær
270

Opening Hours

Monday 07:30 - 17:00
Tuesday 07:30 - 17:00
Wednesday 07:30 - 17:00
Thursday 07:30 - 17:00
Friday 07:30 - 17:00

Telephone

+3545783400

Website

Alerts

Be the first to know and let us send you an email when Krikaskóli posts news and promotions. Your email address will not be used for any other purpose, and you can unsubscribe at any time.

Contact The School

Send a message to Krikaskóli:

Shortcuts

Share

Category