Menntaskólinn að Laugarvatni

25/09/2026

Kveðjuorð til Rannveigar Pálsdóttur
Það eru sannarlega tímamót í sögu Menntaskólans að Laugarvatni við fráfall Rannveigar Pálsdóttur. Elsku Bubba. Það var sannur heiður að kynnast þér og þeim kærleik sem af þér geislaði. Þær eru ófáar sögurnar sem ég hef fengið að hlýða á þar sem rakin er góðmennska þín og umhyggja fyrir þeim sem störfuðu eða lögðu stund á nám við skólann. Frægðarsögur af þér og Kristni hafði ég heyrt sem kennari við skólann og svo var það þegar ég tók við sem skólameistari að mér gafst raunverulegt tækifæri til að kynnast þér. Með okkur tókust miklir kærleikar enda sameinaði okkur ást á Menntaskólanum að Laugarvatni.
Það er engum blöðum um það að fletta að Menntaskólinn að Laugarvatni og allir þeir nemendur hans sem urðu þeirrar gæfu aðnjótandi að dvelja á Laugarvatni undir þinni verndarhendi munu um alla tíð búa að þeirri hlýju og vinsemd sem þú sýndir. Með þessari stuttu kveðju minni vil ég einnig senda öllum afkomendum þínum mínar innilegustu samúðarkveðjur; frá mér og okkur öllum hér í ML.
Það komast líklega fáir í skóna þína elsku Bubba en við sem eftir erum höfum í þér góða fyrirmynd og reynum sem mest að tileinka okkur þína góðu kosti. Hafðu Guðs blessun fyrir alla þá umhyggju sem þú sýndir Menntaskólanum að Laugarvatni og megi hann lengi lifa. Megi almættið taka þér opnum örmum og hjartans þakkir fyrir samstarf undanfarinna ára.
Jóna Katrín Onnoy Hilmarsdóttir, skólameistari Menntaskólans að Laugarvatni
Útför Rannveigar fer fram í dag, föstudaginn 25. september kl. 14, frá Skálholtskirkju og erfidrykkja í Menntaskólanum að Laugarvatni

23/09/2026

Það er gestkvæmt í ML. Við höfum fengið góða gesti undanfarnar vikur frá Frakklandi, Eistlandi, Japan og Danmörku. Það er gaman að fá gesti; sýna hvað við gerum vel og læra nýjar leiðir af ólíkum meiði. Kennarar koma til okkar frá öðrum löndum til að sinna svokallaðri skuggakennslu (e. job shadowing). Það er gefandi bæði fyrir gestina og okkur í ML. Yfirleitt er um Evrópusamstarf að ræða í þessum tilfellum. Iðulega fáum við beiðnir frá erlendum og hérlendum skólahópum sem vilja skoða skólann og við reynum eftir fremsta megni að gefa því tíma enda mikilvægt að fá að deila með öðrum. Japönsku gestirnir höfðu orð á því hvað nemendur í ML virtust kátir og glaðir, bættu því svo við að í Japan raði fólk skónum sínum betur í hillur en við 😁

13/09/2026

Héðinn Unnsteinsson og buðu upp á góðan fyrirlestur, sögutími, treyjudagur, efnafræði og enska. Góð byrjun á september í ML 🍁

12/09/2026

Forseti Íslands boðaði formenn nemendafélaga framhaldsskólanna á sinn fund nú á föstudaginn 11. september. Stallari Mímis, Fannar Óli, var að sjálfsögðu mættur og tók þátt í undirbúningi verkefnis forseta þann 10. október næstkomandi.

11/08/2026

Sjáumst í næstu viku :D

Undirbúningur skólaársins 2026-2027 er nú í fullum gangi og starfsfólk skólans komið til starfa.

26/05/2026

52 nýstúdentar útskrifuðust úr Menntaskólanum að Laugarvatni laugardaginn 23. maí 2026 við hátíðlega brautskráningarathöfn.

Frétt í fyrstu athugasemd

07/05/2026

Vatnsslagur er orðin hér fastur siður á vorin milli vista. Er þá reynt að finna hentugan dag milli prófa og ekki spillir að veðrið sé gott. Nú skein sól í heiði, en lofthitinn var nú ekki mikill. Þessi hörkutól létu sig þó hafa það og skvettu ísköldu vatni á hvert annað í hátt í hálftíma og fóru svo vel vakandi og hress aftur að sinna náminu en nú er námsmatstími og próf. Styttist í útskrift með öllu sem henni tilheyrir og þar með lok þessa ágæta vetrar.

07/05/2026

Verið velkomin 😃

02/05/2026

Dimissio 2026 gekk svo glimrandi vel 🥳 útskriftarefni í Kung Fu panda búningum rúlluðu um Laugarvatn í veðri sem spannaði allt frá snjókomu yfir í sól og sælu. Góður dagur og ljúfsár kveðjustund að baki og nú bíður lokanámsmat. Útskriftarathöfn hópsins fer svo fram í Íþróttahúsinu á Laugarvatni laugardaginn 23. maí kl 12 👨🏼‍🎓🧑🏻‍🎓

30/04/2026