Bláskógaskóli Laugarvatni

22/12/2021

16/12/2021

Við þökkum viðtökurnar í árlegri luktargöngu Bláskógaskóla Laugarvatni. Mikið er gaman að sjá fólkið í þorpinu

14/12/2021

Í textílmennt í vetur höfum við verið að leggja áherslu á jurtalitun og að nota jurtalitað íslenskt ullarband í verkefnin okkar.
Miðstig safnaði jurtum, litaði band sem prjónað var úr. Hugmyndin var að prjóna á ferð og flugi - og úr varð prjónapoki sem þau prentuðu á mynd að eigin vali. Við slógum því nokkrar flugur í einu höggi: saumuðum í vél, silkiprentuðum, lærðum að festa kósa, lærðum að jurtalita og prjóna.
Hér má sjá myndir af nokkrum útfærslum.
Það er mikill áhugi og gleði hjá henni Ernu í textíl kennslunni okkar. 😄

14/12/2021

Í desember finnst okkur virkilega gaman að taka á móti rithöfundum sem kynna fyrir okkur hvernig bækur og sögur verða til og við fáum síðan að hlýða á lestur úr þeirra nýjustu bók.
Í ár komu til okkar Kristín Helga Gunnarsdóttir og Gunnar Helgason. Þau slógu í gegn og fengur margar spurningar úr sal frá áhugasömum nemendum.

16/09/2021

Fréttir frá leikskóladeild Bláskógaskóla

Frá því í lok ágúst hefur leikskólinn verið með ræktunaraðstöðu frá fræ til framtíðar. Verkefnið er mjög skemmtilegt og nemendur og kennarar jafn spenntir yfir því að sjá plönturnar vaxa og dafna ekki

17/08/2021

Sameiginlegur starfsdagur kennara og starfsfólks í Bláskógaskóla Laugarvatni var í gær 16. ágúst.
Við fengum til okkar Eddu Óskarsdóttur og mun hún leiða okkur áfram í ferðalagi starfendarannsókna til að ýta enn frekar undir virkt lærdómssamfélag skólans.
Markmið starfendarannsókna er hvað helst að ígrunda eigið starf og hafa áhrif með beinum hætti áhrif á þróuna skólans í heild.

Dagurinn var góður og virkilega gaman að finna kraftinn og gleðina í starfsmannahópnum.
Við erum spennt að hitta nemendur okkar eftir tæpa viku og hefja ferðalag skólaársins 2021-2022.

04/06/2021

Fréttablað frá leikskólastiginu 👏😊

Mánudaginn 31. maí útskrifuðust elstu nemendur leikskólans og við tekur grunnskólaganga í haust. Í útskriftargjöf fengu þau birkitré, Blæ vináttubangsa og foreldrafélagið gaf tösku merkta með nafni og

04/06/2021

Skólaslit 3. júní 2021.
Að þessu sinni voru skólaslit í tvennu lagi. Fyrir hádegi voru 1-7 bekkur mætt að sækja sinn vitnisburð eftir skólaárið. Þau áttu stund með sínum umsjónarkennurum og síðan fórum við öll á sal þar sem við sungum saman og sýndum nokkur atriði á skjánum frá því í vetur.

Eftir hádegi var úrkskrift 10 bekkjar og afhending vitnisburða fyrir 8-9 bekk. Þar voru foreldrar boðnir velkomnir og áttum við einkar ánægjulega stund saman. Kveðjustundin er ljúfsár, því útskriftarnemar eru sannarlega tilbúin að taka sig á flug á næsta skólastig eftir góðan árangur hér við Bláskógaskóla á Laugarvatni. Við erum þakklát góðum stundum og óskum þeim innilega til hamingju. Foreldrum þökkum við einkar gott samstarf.

Elfa Birkisdóttir skólastjóri sagði nokkur orð um liðið ár og lagði meðal annars áherslu á næstu skref:

,,Stóra verkefnið sem er framundan hjá okkur öllum, þ.e að fóta okkur á ný. Það getur verið áskorun fyrir ansi marga en engu að síður mikilvægt að finna taktinn á ný. Eiga góðar innihaldsríkar stundir í samskiptum við aðra. Ég hugsa til verkefnisns okkar frá því í Skjálfta þar sem mátti greina í sköpunarverkinu, ákall til samskipta. Raunverulegra samskipta, þar sem við horfumst í augu og finnum í sameiningu leiðir til að upplifa jákvæð samskipti. Skynfærin okkar eru farin að þrá að hlusta á raddir, horfa í augun og verða þess áskynja að við erum ekki ein heldur eru hér allt í kringum okkur manneskjur sem eiga það sameiginlegt með okkur að vilja og óska sér kannski hvað mest að fá að upplifa samkennd og skilning og að fá að vera hluti af heildinni. Heildinni sem er allskonar.
Er það ekki stóra verkefnið okkar? Að umbera og þykja vænt fólk – skilja og virða mismunandi skoðanir – hlusta og horfa. Bera ábyrgð og rétta fram hjálparhönd og ekki dæma.
En auðvitað fyrst og fremst að efla okkur sjálf og gefa okkur þá sjálfsmildi sem við eigum skilið. Við viljum oft fyrst og fremst sýna öðrum mildi og fyrirgefa en okkur þurfum við líka að hlúa að"

Með kærri þökk fyrir skólaárið 2020-2021.

14/05/2021

Á morgun förum við með hóp frá okkur hér á unglingastigi og tökum þátt í þessu frábæra verkefni.
Þau eru búin að æfa sig og setja saman frábært verk sem við getum ekki beðið eftir að sýna.
Við hvetjum ykkur að fylgjast með á ungrúv á sunnudaginn kl. 18
Skjálfti er bróðir Skrekks og er því hugmyndin af þessu verkefni fengið þaðan og yfirfærð yfir á Suðurland.

29/04/2021

Samstarfsverkefni ML og Bláskógaskóla á Laugarvatni á Langamel hlaut Landgræðsluverðlaun fyrir vel unnið verkefni fyrir árið 2021. Skólarnir fengu Landgræðslueggið sem er sérlega fallegt handverk og eru stolt af sínu verkefni. Við munum halda áfram að græða upp melinn og hlökkum til að sjá mel verða að skóglendi.

Hér fyrir neðan eru myndir af afhendingu verðlaunanna þar sem má sjá miðstig Bláskógaskóla ásamt fulltrúum frá ML.
Heiða Gehringer og Guðni Sighvatsson voru fulltrúar skólanna í verkefninu og þökkum við kærlega fyrir þeirra framlag.

Við þökkum ML sérstaklega fyrir frumkvæðið að samstarfi og virkilega gaman að fá tækifæri til að vinna saman.
Til hamingju kæru nemendur, kennarar og skólasamfélagið í heild!

23/04/2021

https://sway.office.com/woa9ei4d2VGBo8GY?ref=Link&loc=play

Nú er sumarið að koma! Eða sumardagurinn fyrsti en eins og Íslandi er von og vísa þá má segja að allar árstíðir láti sjá sig á hverjum degi. Þar af leiðandi erum við ekki að leggja vetrarfötunum alveg

08/04/2021

Árshátíðarundirbúningur er í fullum gangi í skólanum og munum við streyma henni á morgun stundvíslega kl. 10:30 beint úr salnum.
Hægt verður að horfa á streymið síðar einnig!

Hlökkum til að sýna ykkur fjölbreyttan afrakstur árshátíðarvikunnar!!

Slóðin á streymið er