Fjölbrautaskóli Suðurnesja

Fjölbrautaskóli Suðurnesja óskar að ráða framhaldsskólakennara í málm- og/eða vélstjórnargreinum. Umsóknarfrestur er til 29. júní.

Framhaldsskólakennari í málm- og/eða vélstjórnargreinum | Ísland.is Óskum eftir að ráða kennara í málm- og/eða vélstjórnargreinum við Fjölbrautaskóla Suðurnesja. Ráðningartími er frá 1. ágúst 2026 og laun eru samkvæmt gildandi kjarasamningi sem fjármála- og efnahagsráðherra og KÍ hafa gert og nánari útfærslu í stofnanasamningi skólans.

Fjölbrautaskóli Suðurnesja óskar að ráða framhaldsskólakennara í hálfa stöðu í dönsku. Umsóknarfrestur er til 26. júní.

Framhaldsskólakennari í dönsku | Ísland.is Fjölbrautaskóli Suðurnesja óskar að ráða framhaldsskólakennara í hálfa stöðu í dönsku næsta skólaár. Ráðningartími er frá 1. ágúst 2026 og laun eru samkvæmt gildandi kjarasamningi sem fjármála- og efnahagsráðherra og KÍ hafa gert og nánari útfærslu í stofnanasamningi...

Fjölbrautaskóli Suðurnesja auglýsir stöðu aðstoðarskólameistara lausa til umsóknar. Umsóknarfrestur er til 18. júní n.k.

Aðstoðarskólameistari | Ísland.is Laus er til umsóknar staða aðstoðarskólameistara við Fjölbrautaskóla Suðurnesja í samræmi við 5. grein reglugerðar nr. 1100/2007 um starfslið og skipulag framhaldsskóla.

Vegna galla í útkeyrslu úr skólakerfinu Innu urðu þau leiðu mistök við útskrift vorannar að einn útskriftarnemandi fékk ekki verðlaun sem hann átti að fá fyrir góðan námsárangur. Það var Abdallah Rúnar Awal sem var einn þeirra sem átti að fá viðurkenningu fyrir góðan árangur í stærðfræði. Mistökin uppgötvuðust ekki fyrr en eftir athöfnina og því kom Abdallah Rúnar í skólann í dag og fékk verðlaunin afhent. Við biðjum hann afsökunar á þessum mistökum og óskum honum til hamingju með verðlaunin og stúdentsprófið.

Skólaslit vorannar og brautskráning Fjölbrautaskóla Suðurnesja fór fram á sal skólans föstudaginn 29. maí. Útskriftardagur er alltaf mikill hátíðisdagur fyrir útskriftarnemendur og fjölskyldur þeirra og ekki síður fyrir starfsfólk skólans.

Að þessu sinni útskrifuðust 168 nemendur og er það stærsti hópur sem hefur útskrifast frá skólanum, einum fleiri en síðasta vor. Þar af voru 127 stúdentar, 19 luku verknámi, 19 luku námi af starfsnámsbrautum, 8 af starfsbrautum og 1 iðnmeistari. Þess má geta að sumir ljúka prófi af fleiri en einni braut.

Við útskriftina voru veittar viðurkenningar fyrir góðan námsárangur og þátttöku í félagslífi. Ástríður Auðbjörg Halldórsdóttir hlaut 150.000 kr. námsstyrk úr skólasjóði en hann er veittur þeim nemanda sem er með hæstu meðaleinkunn af stúdents- og verknámsbrautum við útskrift. Ástríður Auðbjörg hlaut einnig 50.000 kr. styrk frá Landsbankanum fyrir hæstu einkunn á stúdentsprófi.

Við lok athafnarinnar afhenti Guðlaug Pálsdóttir aðstoðarskólameistari Kristjáni Ásmundssyni skólameistara gjöf frá skólanum en hann lætur nú af störfum eftir að hafa starfað við skólann í 40 ár sem kennari, aðstoðarskólameistari og skólameistari undanfarin 14 ár.

Hægt er að sjá meira um útskriftina á vef skólans og þar er líka listi yfir alla sem fengu viðurkenningar og veglegur myndapakki frá útskriftinni.
https://www.fss.is/is/skolinn-starfid/annad/frettir/fra-utskrift-vorannar-4

Á útskrift vorannar brautskráði Kristján Ásmundsson skólameistari nemendur frá Fjölbrautaskóla Suðurnesja í síðasta skipti en hann lætur nú af störfum eftir 40 ára starf við skólann.

Það kom fáum á óvart að Kristján gerði það ekki að umtalsefni en í ræðu sinni ávarpaði hann fyrst og fremst útskriftarnemendur og ræddi einnig um skólann og stöðu hans. Það kom því í hlut annarra að minna á starfslok hans. Ástríður Auðbjörg Halldórsdóttir nýstúdent flutti ávarp fyrir hönd brautskráðra og Telma Rut Eiríksdóttir brautarstjóri starfsbrautar flutti útskriftarnemendum kveðjuræðu starfsfólk en þær þökkuðu báðar Kristjáni fyrir framlag hans til skólans.

Undir lok athafnarinnar afhenti Guðlaug Pálsdóttir aðstoðarskólameistari Kristjáni gjöf frá skólanum og þakkaði honum fyrir fórnfúst starf undanfarin 40 árs. Viðstaddir risu á fætur og fögnuðu vel og innilega enda hefur Kristján verið ákaflega færsæll stjórnandi og kennari við FS.

Útskriftardagur er síðasti dagur skólaársins þar sem allir starfsmenn eru við vinnu og er venja að starfsfólk komi saman eftir útskriftarathöfnina. Þar færði starfsfólk skólans Kristjáni kveðjugjöf og að því loknu var honum vel fagnað.

Þó að Kristján hafi verið kvaddur á útskriftardag er hann þó ekki hættur störfum. Nýtt skólaár hefst 1. ágúst og Kristján hættir störfum þá. Hann mun því stjórna undirbúningi fyrir næsta skólaár eins og venjulega og við erum því í öruggum höndum.

Streymi frá útskrift.

Fjölbrautaskóli Suðurnesja - Útskrift vor 2026 Enjoy the videos and music you love, upload original content, and share it all with friends, family, and the world on YouTube.

Nú undir lok annarinnar fóru nemendur í íþróttafræði og heimsóttu höfuðstöðvar Íþróttasambands Íslands (ÍSÍ) og Ungmennafélag Íslands (UMFÍ) og kynntu sér síðan íþróttadeild Morgunblaðsins.

Í Laugardal fékk hópurinn kynningu frá Auði Ingu Þorsteinsdóttur framkvæmdastjóra UMFÍ þar sem hún fór yfir starf og verkefni Ungmennafélagsins. Síðan kynnti Ragnhildur Skúladóttir sviðsstjóri hjá ÍSÍ starfsemi sambandsins.

Eftir kynningarnar tóku nemendur þátt í verkefninu Raddir unga fólksins. Það er samtal ungs fólks á aldrinum 15–25 ára við forystufólk sveitarfélaga og íþróttahreyfingarinnar um þátttöku í samfélaginu, upplifun af íþrótta- og æskulýðsstarfi og leiðir til framtíðar. Fundirnir eru samstarfsverkefni ÍSÍ, UMFÍ, svæðisstöðva íþróttahéraða og Ungmennaráðs UMFÍ og fara fram á átta stöðum um allt land nú á vormánuðum 2026. Ólafur Stefánsson, fyrrum landsliðsmaður í handknattleik, heimspekingur og meistaranemi í íþróttasálfræði, opnaði fundinn og hélt erindi um afreksíþróttir sem nemendur skólans voru mjög ánægðir með. Það ríkti mikil ánægja meðal forystufólks íþróttahreyfingarinnar með umræðurnar og við getum verið stolt af nemendum okkar sem stóðu sig með eindæmum vel.

Eftir þessa áhugaverðu heimsókn var komið við á íþróttadeild Morgunblaðsins þar sem Bjarni Helgason, yfirmaður íþróttafréttadeildarinnar, fór yfir allt það helsta sem blaðamenn þurfa að hafa í huga varðandi skrif á fréttum sem birtast í Morgunblaðinu og á vefsíðu blaðsins. Einnig skoðuðu nemendur vinnuaðstöðu fréttamanna og yfirfréttastjórn. Í lokin var síðan farið inn í prentsmiðjuna sjálfa og þar fékk hópurinn að sjá allt ferlið sem þarf til að koma fréttunum á prent.

Ferðin var einstaklega vel heppnuð og voru nemendur mjög ánægðir með heimsóknina.

Í byrjun maí fóru átta hársnyrtinemar á vegum Erasmus+ til Barcelona. Með í för voru kennari þeirra Ásdís Björk Pálmadóttir og Íris Jónsdóttir listnámskennari. Hópurinn var þar hjá Barcelona Hair Academy þar sem nemendur fengu sýnikennslu og fræðslu og unnu svo með módel í klippingum, strípum og litun.

Nemendur og kennarar voru sammála um að ferðin hafi verið bæði fróðleg og skemmtileg.

Fjölbrautaskóli Suðurnesja óskar eftir að ráða kennara í fótaaðgerðafræði næsta skólaár. Ráðningartími er frá 1. ágúst 2026 og laun eru samkvæmt gildandi kjarasamningi sem fjármála- og efnahagsráðherra og KÍ hafa gert og nánari útfærslu í stofnanasamningi skólans.

Framhaldsskólakennari í fótaaðgerðafræði | Ísland.is Fjölbrautaskóli Suðurnesja óskar eftir að ráða kennara í fótaaðgerðafræði næsta skólaár. Ráðningartími er frá 1. ágúst 2026 og laun eru samkvæmt gildandi kjarasamningi sem fjármála- og efnahagsráðherra og KÍ hafa gert og nánari útfærslu í stofnanasamningi skólans.