Leiðsöguskóli Íslands

Það er óhætt að segja að "dagsverkið" hans Jóhanns Ísaks Péturssonar í Menntaskólanum í Kópavogi sé langt en hann hóf störf sem stundakennari haustið 1976, þá nýútskrifaður jarðfræðingur. Það eru nokkur ár síðan hann hætti kennslu í dagskóla MK en Jóhann hélt áfram að koma einu sinni í viku og fræða nemendur Leiðsöguskólans um jarðfræði. Áhugi hans og þekking á jarðfræði smitaðist svo sannarlega til nemenda Leiðsöguskólans!
Eftir 50 ára starf í MK ætlar Jóhann Ísak Pétursson að láta staðar numið og "fara að leika sér" eins og hann sagði sjálfur þegar honum var þakkað fyrir vel unnin störf í upphafi síðustu kennslustundarinnar í Leiðsöguskólanum.
Kærar þakkir fyrir fagmennsku, liðlegheit og gæsku alla tíð sem og einstakt framlag við menntun leiðsögunema síðustu áratugina kæri Jóhann Ísak!

Það skiptist á skin og skúrum í Bláfjöllum um síðustu helgi, réttara er þó að segja sólskini og hríð! Nemendur í gönguleiðsögn lærðu grunnatriði vetrarferðamennsku í blíðskaparveðri á laugardeginum og æfðu sig í alvöru vetrarverði á sunnudeginum s.s. í leiðarvali, notkun mannbrodda og ísaxar, snjóklifri, notkun neyrðarskýla ofl.. Áður höfðu þau fengið fræðslu í aðferðarfræði vetrarfjallamennsku, lært um snjóflóð og nauðsynlegan búnað og æft sig í hnútum sem notaðir eru í línuvinnu. Hér eru nokkrar myndir sem Sigurður Bjarki Ólafsson kennari í áfanganum tók um helgina.

Það verður seint sagt um Sigrúnu Valbergsdóttur að hún sitji auðum höndum! Þessi orkumikla og fróða kona hefur frætt nemendur Leiðsöguskólans yfir 20 ár og kemur enn og flytur nokkra fyrirlestra.
Sigrún er frábær fyrirmynd og mikill fengur fyrir nemendur skólans að njóta starfskrafta hennar. Í viðtalinu segist hún núna vera í þeirri forréttindastöðu að gera bara það sem hún hefur áhuga á og getur valið úr - njóttu þess kæra Sigrún Valbergsdóttir

Tók stökkið út í óvissuna 57 ára Sigrún skipti um vinnu og sér ekki eftir því!

Svissneski rithöfundurinn Joachim B. Schmidt heyrði fyrst um Jón Ósmann þegar hann stundaði nám í Leiðsöguskólanum fyrir nokkrum árum síðan.
Nýjasta bókin hans heitir Ósmann og er hún er söguleg skáldsaga sem gerist í Skagafirði. Hér er stutt klippa þar sem hann segir Agli Helgasyni frá Jóni Ósmann, aðal sögupersónunni í bókinni.

Hver var Jón Ósmann – hann var einn af síðustu ferjumönnum Íslands 🚣‍♂️ Hver var Jón Ósmann – hann var einn af síðustu ferjumönnum Íslands 🚣‍♂️Svissneski rithöfundurinn Joachim B. Schmidt hefur ritað skáldsögu sem er byggð á hon...

Nokkur pláss laus í Leiðsöguskólanum í vetur!
Ef þér finnst gaman að ferðast og langar að fræðast meira um Ísland þá gæti nám í Leiðsöguskólanum verið fyrir þig!
Námið er hagnýtt starfsnám og miðar að því að undirbúa nemendur svo þeir séu tilbúnir til að starfa við leiðsögn að lokinni útskrift. Nemendur sérhæfa sig í Almennri leiðsögn (hefðbundin rútuleiðsögn) eða Gönguleiðsögn.

Kennt er skv. glænýrri námskrá sem var samþykkt á þessu ári, námskráin er í samræmi við Evrópustaðal um leiðsögunám.

Leiðsöguskólinn hefur starfað frá árinu 1976 og hafa um 1600 leiðsögumenn útskrifast frá skólanum á þessum árum. Nánari upplýsingar eru á mk.is

Snæfríður Tinna útskrifaðist sem gönguleiðsögumaður úr Leiðsöguskólanum vorið 2024 og hefur unnið við fagið síðan. Hér er skemmtilegt viðtal við Snæfríði sem birtist í Morgunblaðinu fyrr í mánuðinum þar sem hún segir m.a. að starfið sé draumi líkast en sé líka krefjandi. Ef þú ert að leita að slíku starfi gæti leiðsögunám verið fyrir þig?