Ferðamálaskólinn í Kópavogi

Fimmtudaginn 27. maí útskrifuðust fimm ferðaráðgjafar frá Ferðamálaskólanum í Kópavogi við hátíðlega athöfn í Digraneskirkju. Á meðfylgjandi mynd má sjá þennan frábæra hóp ásamt fagstjóra skólans. Þessir ferðaráðgjafar eru þeir síðustu sem útskrifast frá skólanum að sinni þar sem ákveðið hefur verið að setja skólann í hvíld, sem vonandi verður þó aðeins tímabundin. Ferðamálaskólinn í Kópavogi hefur verið starfræktur í rúm 30 ár og vakið verðskuldaða athygli fyrir að skila út í ferðaþjónustuna vel menntuðum og hæfum starfskröftum. Á þessum ljúfsáru tímamótum vill skólinn þakka öllum þeim sem að honum hafa komið í gegnum tíðina – stjórnendum, kennurum og nemendum – og árna hinum nýútskrifuðu ferðaráðgjöfum allra heilla í framtíðinni.

Hamingjuóskir til allra útskriftarnema 🇮🇸

Ferðamálaskólinn í Kópavogi óskar öllum nemendum sínum, fyrrverandi og núverandi, kennurum, vinum og velunnurum gleðilegs og farsæls nýs árs með þökk fyrir það liðna.

Megi vegur íslenskrar ferðaþjónustu vaxa og dafna með hækkandi sól, betri vörnum gegn veirunni skæðu og auknum ferðavilja á heimsvísu. Gleymum ekki að góð menntun þeirra sem í greininni starfa er einn af hornsteinum þessa stærsta atvinnuvegar þjóðarinnar.

Ferðamálaskólinn dregur saman seglin

Eftir rúmlega 30 ára farsælt starf stendur Ferðamálaskólinn í Kópavogi á vissum tímamótum. Á haustönn 2020 verður í fyrsta skipti í sögu skólans ekki innritað í fullt nám við skólann. Hins vegar verða í boði þrír vinsælir og afar gagnlegir áfangar sem nýtast vel þeim sem þegar eru starfandi í ferðaþjónustu eða hyggjast starfa í greininni þegar land tekur að rísa á ný. Þessir áfangar eru:

Farseðlaútgáfa og farbókunarkerfi (5) FABÓ4SF05
Ferðalandafræði Íslands I (3)FLÍS3ÁF03
Ferðalandafræði Íslands II (3) FLÍS4ÁF03


Hægt er að nálgast umsóknareyðublöð á heimasíðu skólans:
https://www.mk.is/is/ferdamalaskolinn (sjá Innritun).

Allar nánari upplýsingar fást hjá fagstjóra í síma 594 4020 eða með því að senda tölvupóst til [email protected]

Ferðamálaskólinn Ferðamálaskólinn í Kópavogi hefur verið starfræktur síðan 1987 og byggir á námskrá fyrir ferðamálanám sem viðurkennd hefur verið af Menntamálaráðuneytinu.

Nemendur og kennarar í bæjarferð

Í gær héldu nemendur og kennarar Ferðamálaskólans í sína árlegu bæjarferð sem markar jafnan lok kennslu og upphaf prófatímabilsins á haustönn. Hópurinn fékk frábærar móttökur hjá Meet in Reykjavík, Sögusafninu og FlyOver Iceland. Við þökkum öllum þessum aðilum kærlega fyrir okkur sem og velvilja þeirra í garð skólans.

Nám með nýju sniði

Frá og með vorönn 2020 verða allir áfangar Ferðamálaskólans kenndir í fjarnámi með þremur staðbundnum vinnulotum í janúar, febrúar og apríl (þrír dagar í hvert skipti, fim-fös).

Nánari upplýsingar á heimasíðu skólans https://www.mk.is/is/ferdamalaskolinn, hjá fagstjóra í síma 594 4020 eða tölvupósti ([email protected]).

Ferðamálaskólinn er hentugur valkostur fyrir nýstúdenta, fólk sem hefur áhuga á að starfa í ferðaþjónustu og einnig þá sem þegar eru starfandi greininni en vilja auka færni sína á ákveðnum sviðum.

Ferðamálaskólinn Ferðamálaskólinn í Kópavogi hefur verið starfræktur síðan 1987 og byggir á námskrá fyrir ferðamálanám sem viðurkennd hefur verið af Menntamálaráðuneytinu. Skólinn býður upp á hagnýtt, stutt og hnitmiðað nám á fjórða þrepi íslenska hæfnirammans um menntun. Námið er...

Ennþá hægt að komast að í starfstengt ferðamálanám hjá Ferðamálaskólanum í Kópavogi - DV Ferðamálaskólinn í Kópavogi býður upp á stórskemmtilegt nám sem miðar að því að undirbúa nemendur fyrir ýmiskonar störf innan ferðamálageirans. Skólinn hefur verið starfræktur í yfir 30 ár við Menntaskólann í Kópavogi og hefur útskrifað fjöldann allan af ferðaráðgj...

Getum bætt við nemendum í starfstengt ferðamálanám á haustönn 2019.
Upplýsingar í síma 594 4020 eða hjá [email protected]

Við erum að safna fylgjendum við síðuna okkar og þætti vænt um að fá sem flesta "like" smelli og einnig deilingar á þessa grein sem birtist í DV.

Ferðamálaskólinn í Kópavogi: Útskrifar eftirsótta ferðaráðgjafa - DV Ferðamálaskólinn í Kópavogi býður upp á stórskemmtilegt nám sem miðar að því að undirbúa nemendur fyrir ýmiskonar störf innan ferðamálageirans. Skólinn hefur verið starfræktur í yfir 30 ár við Menntaskólann í Kópavogi og hefur útskrifað fjöldann allan af ferðaráðgj...

Ferðamálaskólinn býður upp á stutt, hnitmiðað nám á fjórða þrepi sem er góður undirbúningur fyrir störf í ferðaþjónustu eða áframhaldandi nám á háskólastigi. Námið er til dæmis metið sem fyrsta ár í BA námi í ferðamálafræðum við háskólann í Bournemouth á Englandi. Ferðamálaskólinn er hentugur valkostur fyrir nýstúdenta, fólk sem hefur áhuga á að starfa í ferðaþjónustu og einnig þá sem þegar eru starfandi greininni en vilja auka færni sína á ákveðnum sviðum.

Umsóknarfrestur um nám á haustönn 2019 hefur verið framlengdur til 15. júní. Allar nánari upplýsingar á heimasíðu skólans eða í síma 594 4020

Í gær, fimmtudaginn 23. maí, útskrifuðust sjö ferðaráðgjafar frá Ferðamálaskólanum í Kópavogi. Við athöfnina, sem fram fór í Digraneskirkju, flutti Anna Sigríður Arnardóttir ávarp fyrir hönd ferðamála- og leiðsögunema en hún hlaut einnig viðurkenningu fyrir góðan námsárangur. Ferðamálaskólinn þakkar útskriftarnemunum samveruna og óskar þeim alls velfarnaðar í framtíðinni.