Hörðuvallaskóli

01/09/2026

Við minnum á breyttar útivistarreglur barna sem taka gildi 1. september og eru í gildi til 1. maí.

21/08/2026

Í upphafi skólaárs

18/08/2026

Skólaupphaf vetrarins nálgast og hefur undirbúningur hafist fyrir komandi skólaár. Við hlökkum mikið til að taka á móti nemendum og horfum björtum augum á komandi vikur og mánuði. Núna er frábær tími til að rifja upp rútínuna og gleðina í skólastarfinu.

Skólasetning er þriðjudaginn 25. ágúst á eftirfarandi tímum:

1. bekkur – einstaklingsviðtöl. Sjá tölvupóst frá umsjónarkennurum.
2. og 3. bekkur – í samkomusal skólans kl. 09.00
4. og 5. bekkur – í samkomusal skólans kl. 10:00
6. og 7. bekkur – í samkomusal skólans kl. 11:00

Forsjáraðilar eru velkomnir og hvattir til að koma með á skólasetninguna. Að skólasetningu lokinni halda nemendur með umsjónarkennurum í heimastofur.

Líkt og í fyrra verður foreldrafélagið með fjáröflun og býður uppá rjúkandi heitar vöfflur og fleira góðgæti gegn vægu gjaldi. Við hvetjum öll til að staldra við, njóta og spjalla saman. Athugið að eingöngu er hægt að greiða með peningum eða leggja inná reikning á staðnum.

Frístund er opin frá kl. 13:00 þriðjudaginn 25. ágúst fyrir þau börn sem skráð eru í vetrarfrístund inná vala.is

Skólastarf hefst samkvæmt stundaskrá miðvikudaginn 26. ágúst.

Við hlökkum til að sjá ykkur.

11/06/2026

Á þriðjudaginn útskrifuðum við 7. bekk og erum við afar stolt af þessum frábæru nemendum sem halda áfram í Kóraskóla í haust. Við þökkum þeim innilega fyrir samfylgdina síðustu ár og óskum þeim velfarnaðar á nýjum vettvangi.
Í gær fóru fram skólaslit hjá nemendum í 1.–6. bekk. Við það tilefni léku tveir nemendur úr Skólahljómsveit Kópavogs fyrir gesti og kór Hörðuvallaskóla flutti nokkur lög.
Við óskum ykkur öllum gleðilegs sumars og vonum að þið hafið það sem allra best í sumar.

04/06/2026

Skólahlaup Hörðuvallaskóla 2026

04/06/2026

21/05/2026

Fanný Guðbjörg Jónsdóttir formaður foreldrafélagsins hlaut viðurkenningu Heimilis og skóla sem Dugnaðarforkur árið 2026. Fanný á sannkallað hrós skilið fyrir öfluga formennsku og hefur eflt foreldrasamstarf við skólann. Foreldrafélagið, undir hennar stjórn, hefur tekið í gegn Kastalann og gert upp tvö rými fyrir félagsmiðstöðina okkar á miðstigi. Fanný er vel að þessari viðurkenningu komin og erum við afskaplega stolt af henni og flotta foreldrafélaginu okkar. Innilega til hamingju Fanný 💕

05/05/2026

Uppskeruhátíð grunnskóla Kópavogs var haldin hátíðleg í Smáraskóla í gær. Hörðuvallaskóli átti þar þessa glæsilegu fulltrúa úr 3., 5. og 6. bekk.

02/05/2026

Vorskóli Hörðuvallaskóla er framundan - við hlökkum mikið til að bjóða 2020 árganginn hjartanlega velkominn