Smáraskóli

Gleðilegt sumarfrí 🌼

Takk fyrir veturinn og njótið sumarsins ☀️

Sjáumst kát og hress í haust 💛

Útskrift 10. bekkjar

Útskrift 10. bekkjar fór fram í Hjallakirkju í gær við fallega og hátíðlega athöfn.
Við í Smáraskóla þökkum þessum frábæru krökkum fyrir árin þeirra hér í skólanum og óskum þeim velfarnaðar í öllu því sem þau taka sér fyrir hendur, framtíðin er ykkar ✨

Hreyfifjör og ratleikur🤸‍♀️

Á föstudaginn var mikið stuð hér í Smáraskóla þar sem allir skelltu sé út í hreyfifjör og ratleik.

Nemendur létu smá votviðri ekki á sig fá og skemmtu sér vel við ýmsar þrautir 😃

Útskrift 10. bekkjar verður mánudaginn 8. júní 17:00 - 19:00 í Hjallakirkju.
Samkomusalur skólans rúmar ekki útskriftarathöfnina með góðu móti og því bregðum við á það ráð að þessu sinni að fá salarkynni Hjallakirkju fyrir útskriftina okkar.

Skólaslit annarra árganga verða þriðjudaginn 9. júní í sal skólans.
Kl. 9:00 1.- 2. bekkur
kl. 9:45 3. - 4. bekkur
Kl. 10:30 5.- 7. bekkur
Kl. 11:15 8.- 9. bekkur

ATH að frístundaheimilið er opið eftir skólaslit fyrir þá sem þar eru skráðir samkvæmt sérstakri skráningu.

Fjallgöngur og útvistargleði ⛰️😁🌳

Skóladagurinn var óhefðbundinn síðasta miðvikudag, en þá reimuðu allir á sig útiskóna og skelltu sér út til þess að njóta þess sem íslenska náttúran hefur upp á að bjóða.

Eldri nemendur fóru í fjallgöngur á nærliggjandi fjöll, Esjuna, Helgafell, Úlfarsfell og Búrfell, á meðan yngri nemendur rannsökuðu skóga, vötn og strendur.

Dagurinn var frábær í alla staði, gleðin og ekki síst stoltið yfir eigin afrekum, skein úr útiteknum andlitum.🤩

Stærðfræði spilastund 🎲

8. bekkur fékk það skemmtilega verkefni að útbúa stærðfræðispil og í dag buðu þau krökkunum í 2. bekk að spila með sèr. Úr varð frábær og fræðandi samverustund þessara árganga 😁🧩

Myndir frá virkilega vel heppnaðri vorhátíð Smáraskóla🤸‍♂️⛹️🥁🌭☀️🎶🚲⚽️🎨🍰

Æðisleg samvera, frábær stemning, tónlist, líf, fjör og leikur 😁

Takk fyrir að koma og gleðjast með okkur 🌸

Kartöfluræktun

Í morgun fóru nemendur 2. bekkjar í kartöflugarðana og settu niður kartöflur. Allir voru áhugasamir og ferðin var bæði lærdómsrík og skemmtileg.
Það verður síðan spennandi að taka upp uppskeruna í haust þegar þau verða komin í 3. bekk 🌱

Vorhátíð Smáraskóla ☀️

Á morgun, fimmtudag, verður haldin vorhátíð Smáraskóla milli kl. 17. - 19. Við hlökkum til að sjá ykkur öll til fagna saman sumri 🤸‍♀️

Það verður margt skemmtilegt í boði, lifandi tónlist, hoppukastalar og fjör! Grillaðar pylsur verða í boði fyrir alla og auk þess verður 9. bekkur með kaffihús, sem er þeirra fjáröflun fyrir 10. bekkjarferð næsta árs, og 6. bekkur með kökubasar, sem er þeirra fjáröflun fyrir Reykjaferð næsta árs.
Háíðin fer að mestu fram utandyra þannig að nú þurfum við öll að leggjast á eitt og senda góða strauma og óskir um gott veður 😁

Við hvetjum ykkur öll til að mæta með börnunum og eiga gleðistund í skólanum 🥰

Lestrar-ömmur Smáraskóla 📚

Við í Smáraskóla erum svo heppin að eiga lestrar-ömmur sem koma til okkar til þess að hlusta á börn lesa. Félagar í Soroptimista-klúbbi Kópavogs koma í hverri viku til þess að eiga notalegar stundir með nemendum við lestur og spjall.

Við erum einstaklega ánægð með þessa samvinnu við ömmurnar okkar og okkur finnst dýrmætt að nemendur skólans geti átt þessar góðu stundir með þeim. ♥️