Salaskóli

Salaskóli Salaskóli tók til starfa árið 2001. Skólinn er í Salahverfi í Kópavogi. Í skólanum eru um 500 nemendur í 1.-10. bekk.

🎉 Þvílík hátíð í Salaskóla! 🎉25 ára afmæli Salaskóla var einstaklega vel heppnað og mikil gleði og ánægja ríkti hjá neme...
15/09/2026

🎉 Þvílík hátíð í Salaskóla! 🎉
25 ára afmæli Salaskóla var einstaklega vel heppnað og mikil gleði og ánægja ríkti hjá nemendum og gestum. Þrátt fyrir rigninguna var brugðið á ráð og plan B galdrað fram og hátíðin hélt áfram! ☔️✨

Gestir okkar voru sérstaklega ánægðir með falleg listaverk, skemmtilegar uppsetningar og jákvæð skilaboð sem prýddu skólann. Nemendur stóðu stoltir og glöð við hlið foreldra sinna og sýndu þeim skólann sinn. Það var sannkölluð gleði og stoltið skein úr hverju andliti. 🥰

Takk fyrir frábæran dag og fyrir alla sem lögðu sitt af mörkum til að gera hátíðina að stórkostlegum viðburði! ❤️

10/09/2026

Við minnum á afmælishátíð Salaskóla sem verður haldin á föstudag og hefst kl. 11:00, með stuttu ávarpi skólastjóra og bæjarstjóra Kópavogs, sem og hópsöng þar sem við syngjum skólasönginn og afmælissönginn. 🥳🥳

Skóladagurinn er venjulegur dagur hjá nemendum fyrir utan hátíðina sem stendur frá kl. 11:00-12:40.

Foreldrar, ömmur og afar, eldri systkini og nágrannar okkar í Salahverfi eru velkomnir - við vonumst eftir góðri mætingu!
Það verða pylsur og kaka í boði fyrir alla gesti frá kl. 11:30.

Opið hús í skólanum og sýning á verkum nemenda hefst um leið og ávarpi og söng lýkur.

Hlökkun til að sjá ykkur 😃

Ólympíuhlaup ÍSÍ – Góðgerðahlaup Salaskóla: Á morgun, miðvikudaginn 9. september tökum við í Salaskóla þátt í Ólympíuhla...
08/09/2026

Ólympíuhlaup ÍSÍ – Góðgerðahlaup Salaskóla:

Á morgun, miðvikudaginn 9. september tökum við í Salaskóla þátt í Ólympíuhlaupi ÍSÍ eins og við höfum gert í mörg ár. Íþróttakennarar
skipuleggja hlaupið en það fer fram í kennslulotu fyrir hádegi. Hlaupið tekur mislangan tíma eftir því hvaða vegalengdir verða fyrir valinu.

Eins og sl. 3 ár ætlum við í Salaskóla að útfæra hlaupið sem „Góðgerðahlaup Salaskóla“ og bjóða foreldrum og nærsamfélaginu að styrkja okkur við að hlaupa til góðs.
Þeir sem vilja styrkja gott málefni og hvetja hlauparana til góðra verka eru beðnir um að leggja styrkinn inn á reikning Salaskóla, 0536-14-750900, kt. 670601-3070. Upphæð styrks er valfrjáls en við óskum að lágmarki eftir kr. 500 per aðila/fjölskyldu, það er um
það bil ein króna í stuðning fyrir hvern nemanda Salaskóla.
Í ár ætlum við að styrkja Grænuhlíð – fjölskyldumiðstöð. Grænahlíð er sérhæft
fjölskyldumiðað geðheilbrigðisúrræði fyrir börn og ungmenni á aldrinum 0 til 25 ára og fjölskyldur þeirra. Í Grænuhlíð starfar þverfaglegt teymi meðferðaraðila sem leitast við að veita fjölskyldum og einstaklingum sérhæfða og heildræna meðferð óháð aldri. Lögð er áhersla á áfallamiðaða nálgun og tengslaeflandi meðferð til að efla farsæld barna.

Síðustu þrjú ár höfum við, með ykkar aðstoð, styrkt eftirfarandi góðgerðafélög:

2023 Styrktarfélag barna með krabbamein
2024 Minningarsjóður Bryndísar Klöru
2025 Downs félagið

Með fyrirfram þökkum fyrir stuðninginn og hvatninguna – og að hjálpa okkur að láta gott af okkur leiða!
Hlýjar hlaupakveðjur frá öllum í Salaskóla 💚🍀

Föstudaginn 4. september verður Treyjudagurinn haldinn í fyrsta sinn á Íslandi. Markmið dagsins er að sýna börnum með kr...
02/09/2026

Föstudaginn 4. september verður Treyjudagurinn haldinn í fyrsta sinn á Íslandi. Markmið dagsins er að sýna börnum með krabbamein og fjölskyldum þeirra stuðning með því að klæðast uppáhaldstreyjunni sinni og minna á að við erum öll í sama liði.

Salaskóli tekur að sjálfsögðu þátt í átakinu og hvetur nemendur og starfsfólk til að mæta í treyju þennan dag.

Að baki deginum stendur Börn með krabbamein, styrktarfélag sem styður börn með krabbamein og fjölskyldur þeirra á margvíslegan hátt. Á Íslandi greinist að meðaltali eitt barn í hverjum mánuði með krabbamein.

Við hvetjum jafnframt foreldra, starfsfólk og aðstandendur til að kynna sér átakið og styðja þetta verðuga málefni eftir eigin getu. Saman getum við sýnt samstöðu með þeim börnum og fjölskyldum sem takast á við erfið veikindi.

💙💙💙Nánari upplýsingar má finna á https://treyjudagur.is/ 💙💙💙

Við minnum á að samkvæmt lögum styttist útivistartími barna frá og með morgundeginum, þriðjudeginum 1. september.Skólinn...
31/08/2026

Við minnum á að samkvæmt lögum styttist útivistartími barna frá og með morgundeginum, þriðjudeginum 1. september.
Skólinn er byrjaður og börnin þurfa sinn svefntíma til að mæta úthvíld og tilbúin í skólastarfið.
Það er því mikilvægt að foreldrar séu meðvitaðir um breyttan útivistartíma og tryggi að börnin komist heim á réttum tíma 🫶

Skólasetning 2026-2027🍀📚❤️Fyrsti skóladagurinn var skemmtilegur og við hlökkum til nýrra ævintýra á nýju skólaári! 🍀📚❤️
25/08/2026

Skólasetning 2026-2027🍀📚❤️

Fyrsti skóladagurinn var skemmtilegur og við hlökkum til nýrra ævintýra á nýju skólaári! 🍀📚❤️

Í dag kvöddum við skólaárið með skólaslitum. Við þökkum fyrir samveruna, gleðina og allt það góða sem einkenndi veturinn...
10/06/2026

Í dag kvöddum við skólaárið með skólaslitum. Við þökkum fyrir samveruna, gleðina og allt það góða sem einkenndi veturinn. Nú tekur sumarfríið við og óskum við öllum nemendum, fjölskyldum þeirra og starfsfólki Salaskóla ánægjulegs sumars. Sjáumst hress á nýju skólaári!

Þá er þessi glæsilegi árgangur útskrifaður frá Salaskóla við hátíðlega athöfn 🎓Í gær kvöddum við 10. bekk við hátíðlega ...
10/06/2026

Þá er þessi glæsilegi árgangur útskrifaður frá Salaskóla við hátíðlega athöfn 🎓

Í gær kvöddum við 10. bekk við hátíðlega athöfn. Við erum stolt af þeim og óskum þeim alls hins besta á nýjum vettvangi. Það verður tómlegra í Salaskóla án þeirra og við eigum svo sannarlega eftir að sakna þeirra.

Undanfarna daga hafa nemendur á unglingastigi verið að vinna að lokaverkefnum sínum þetta skólaárið, en þetta hefur veri...
08/06/2026

Undanfarna daga hafa nemendur á unglingastigi verið að vinna að lokaverkefnum sínum þetta skólaárið, en þetta hefur verið hefð í Salaskóla undanfarin ár.

Lokaverkefni 8. bekkjar hefur snúist um að gera góðverk sem eftir hefur verið tekið í nærsamfélaginu.

Nemendur í 9. bekk hafa í lokaverkefni sínu verið að hanna matarvagna; setja sama matseðla, rekstraráætlun, líkön, útbúa markaðsefni og fleira.

Nemendur í 10. bekkur hafa í sínu lokaverkefni verið að vinna að nýsköpunarverkefni þar sem þau hanna vöru og útbúa viðskiptaáætlun.

Hér má sjá myndir af afrakstrinum:

Nemendur í 3. og 4. bekk hafa verið dugleg að hreyfa sig á skólaárinu!Í 4. bekk hafa nemendur gengið úti að morgni, ýmis...
05/06/2026

Nemendur í 3. og 4. bekk hafa verið dugleg að hreyfa sig á skólaárinu!

Í 4. bekk hafa nemendur gengið úti að morgni, ýmist til að byrja skóladaginn á hreyfingu eða brjóta upp skóladaginn með hreyfingu. Þau hafa fundið að reglulegir göngutúrar geta aukið úthald í námi og hjálpað til við einbeitingu og spennulosun! Auk þess gefst góður tími í alls konar spjall í göngutúrunum og þeir geta haft mikið félagslegt gildi.

Í 3.bekk hafa nemendur lært nokkra dansa í vetur sem þau hafa notað í kennslustofunni sem hlé eða „brain break“, standa þá upp og dansa áður en þau halda áfram að læra, en dansinn og önnur hreyfing geta eflt heila- og taugaboð til líkamans, styrkt samhæfingu og gefið gleði inn í daginn! Nú á vordögum heimsóttu 3. bekkingar Ævintýragarðinn í Mosfellsbæ og tóku þá dans úti í náttúrunni!

Myndirnar og myndskeiðið sem hér fylgja geta verið hvatning til okkar allra að hreyfa okkur í sumarfríinu 😊

Address

Versalir 5
Kópavogur
200

Website

Alerts

Be the first to know and let us send you an email when Salaskóli posts news and promotions. Your email address will not be used for any other purpose, and you can unsubscribe at any time.

Contact The School

Send a message to Salaskóli:

Shortcuts

Share

Category