Menntaskólinn í Kópavogi

23/09/2026

🌿MK gönguferð 🌿
Helga Lind námsráðgjafi og Þorbjörg kennari buðu nemendum upp á gönguferð á Ásfjall og í kringum Ástjörn í tilefni af degi íslenskrar náttúru í síðustu viku.
Fallegt veður og góður félagsskapur 👌

22/09/2026

🎈MK á afmæli í dag🎈

Í dag, 22. september, fagnar Menntaskólinn í Kópavogi afmæli sínu en skólinn er 53 ára gamall.

Frá því að skólinn var stofnaður fyrst hefur fjöldi nemenda tífaldast. Boðið er uppá bóknám, matvælanám, leiðsögunám og afrekssvið.

Við höldum áfram að gera okkar besta í að efla starf skólans og bjóða nemendum upp á fjölbreytt, metnaðarfullt nám ❤️

Hjartað slær í MK ❤️
Mynd tekin á 50 ára afmæli skólans.

18/09/2026

🥂Norðurlandamót vínþjóna 🥂

Sunndaginn 20. sept keppa þau Oddný Ingólfsdóttir, vínfræðikennari í MK, og Manuel Schembri á norðurlandamóti vínþjóna á Hilton.

Samhliða keppninni er haldin vínsýning og hægt að skoða á meðan fylgst er með keppninni.

Allir áhugasamir eru hvattir til að mæta á sýninguna sem er á milli 14:00 - 18:00 og styðja við okkar glæsilegu keppendur.

Oddný Ingólfsdóttir og Manuel Schembri verða fulltrúar Íslands þegar keppnin um besta vínþjón Norðurlandanna 2026 fer fram á Hilton Reykjavík sunnudaginn 20. september. Alls taka tíu af fremstu vínþjónum Norðurlandanna þátt í keppninni. Oddný er Íslandsmeistari vínþjóna 202...

16/09/2026

🌳Dagur íslenskrar náttúru🌳

16. september er dagur íslenskrar náttúru.
Í tilefni þess verður lögð áhersla á útinám þessa vikuna, Kahoot spurningakeppni fyrir nemendur og haldin ljósmyndakeppni í MK þar sem viðfangsefnið er náttúran.

Nemendur hafa til 1. október til að senda inn fallegar myndir af náttúrunni og verða vel valdar myndir hengdar upp í skólanum.

Á morgun, 17. sept kl. 17:00, verður svo farið í gönguferð á Ásfjall og Ástjörn með kennara og námsráðgjafa skólans. Frekari upplýsingar og skráning kemur innan skamms á samfélagsmiðla.

11/09/2026

Fundur foreldrafélags MK

Við minnum á aðalfund foreldrafélags Menntaskólans í Kópavogi þriðjudaginn 15. september kl.12:00 í húsnæði skólans við Digranesveg 51, stofu N-101.

Allir foreldrar velkomnir.

Dagskrá aðalfundar:
*Kosning fundarstjóra og fundarritara
*Skýrsla stjórnar um störf hennar og starfsemi foreldraráðs
*Umræður um skýrslu stjórnar
*Breytingar á starfsreglum foreldraráðs (tillögur að breytingum þurfa að berast stjórn eigi síðar en 14 dögum fyrir auglýstan aðalfund)
*Stjórnarkjör
*Önnur mál

10/09/2026

Þetta eru frábæru náms- og starfsráðgjafar og sálfræðingur MK.
Frá vinstri: Ásrún, Elín, Elísa & Helga Lind.
Þær eru til staðar fyrir öll sem þurfa á stuðningi, ráðgjöf eða einfaldlega spjalli að halda.
Ekki hika við að hafa samband 💛

10/09/2026

🍂SAGA2BB05 í gönguferð 🍂

Nemendur fóru í stutta gönguferð í góða veðrinu með Stefáni Svavarssyni sögukennara. Gengið var niður að Kópavogslæk og Þinghól.

Nemendur áfangans hafa undanfarið verið að læra um upplýsinguna, afnám einveldis í Evrópu og frönsku byltinguna sem leiddi til þess að ýmis mannréttindi sem okkur þykja sjálfsögð í dag komust á legg.

Í verkefnavinnu var unnið með heimildir í tengslum við síðustu aftökuna á Íslandi og reynt að setja hana í samhengi við þróun stjórnmála og mannréttinda á þessum tíma. Því var upplagt að ganga að Þinghól þar sem líflátsdómar voru kveðnir upp og þeim fullnægt, auk þess sem einveldi Danakonungs var formlega komið á við Þinghól á Kópavogsfundinum svokallaða árið 1662.

09/09/2026

Flaggað er í hálfa stöng við ráðuneyti og opinberar stofnanir í dag vegna útfarar Haraldar Noregskonungs. Að útför lokinni verður fáninn dreginn að húni honum til heiðurs.

09/09/2026

Arctic Young Chef keppnin á Íslandi var haldin í MK um helgina.

Undankeppni Arctic Young Chef, en keppnin er alþjóðleg og haldin á Íslandi, í Færeyjum, í Noregi og á Grænlandi. Aðalkeppnin verður svo haldin hér á Íslandi á næsta ári.

Það voru 7 keppendur sem kepptust um titillinn en Janus Þorsteinsson Roelfs, matreiðslunemi á Grand Hótel Reykjavík, stóð uppi sem sigurvegari eftir glæsilega frammistöðu. Aðalhráefni í keppninni voru svið og fersk tindabykkja. Janus stefnir á að ljúka náminu og taka sveinspróf í matreiðslu vorið 2027.

Það voru þeir Hermann Þór , Hinrik Carl og Ægir, kennarar við Hótel- og matvælaskólann, sem sáu um keppnina.

Dómnefndina skipuðu þeir Þráinn Freyr, Gunnar Karl, Enok Burkni, Ari Freyr og Gutti Winter, alþjóðlegur dómari frá Færeyjum.

Við þökkum kennurunum, dómurunum og svo Birni Skúlasyni, sem afhenti verðlaunin, kærlega fyrir þeirra aðkomu að keppninni og óskum Janusi innilega til hamingju með sigurinn.

Myndirnar tók Karl Petersson og eru þær birtar með góðfúslegu leyfi hans.

Undankeppnin í Færeyjum var haldin 22. ágúst og þar var Lassi Klein sigurveri.
Framundan er svo keppnin í Noregi sem verður haldin í Mosjoen 28. október.

Hægt er að fylgjast með Arctic Young Chef keppninni á Instagram:
https://www.instagram.com/arctic_young_chef/

07/09/2026

Við þökkum kærlega öllum þeim sem lögðu leið sína til okkar í MK á laugardaginn