Menntaskólinn í Kópavogi

Skref 3 ✔️ í Grænu skrefunum ♻️

Á dögunum fór fram úttekt vegna Grænu skrefanna. Í dag kom staðfestingin í hús að þriðja skrefið hjá MK er í höfn.

Hér má sjá Guðríði skólameistara og Erlu Hlín áfangastjóra með rammann góða þar sem staðfestingarnar safnast saman.

Þorbjörg Rún Eysteinsdóttir og Íris Dögg Gunnarsdóttir hafa unnið ötullega að þessu verkefni með aðstoð frá Erlu Hlín áfangastjóra 🌿

"Þetta er einn stærsti hópur sem tekið hefur sveinspróf í bakaraiðn á Íslandi á sama tíma og endurspeglar það bæði aukinn áhuga á faginu og mikilvægi iðnmenntunar fyrir íslenskt samfélag." 👩‍🍳👏

Metfjöldi nemenda lauk sveinsprófi í bakaraiðn 2026 Ellefu nemendur luku verklegu sveinsprófi í bakaraiðn við Hótel- og matvælaskólann í Menntaskólanum í Kópavogi í síðustu viku. Þetta er einn stærsti hópur sem tekið hefur sveinspróf í bakaraiðn á Íslandi á sama tíma og endurspeglar það bæði aukinn áhuga á faginu og mik...

Í gær var annar hátíðardagur í MK en þá fór fram seinni brautskráning skólans við hátíðlega athöfn í Digraneskirkju. Þá útskrifuðust alls 148 nemar, 90 stúdentar af fjórum brautum, 7 nemar af starfsbraut og 43 iðnnemar úr þremur deildum. Alls útskrifast 230 nemar frá MK á þessu vori með brautskráningu leiðsögunema, matsveina og iðnmeistara á fimmtudag 👩‍🎓

Björg Baldursdóttir, forseti bæjarstjórnar Kópavogs afhenti nýstúdent, Helgu Soffíu Sigurðardóttur, peningaverðlaun úr viðurkenningarsjóði MK fyrir hæstu einkunn á lokaprófi til stúdentsnáms. Björg afhenti einnig nýsveini, Árnýju Lind Berglindardóttur, peningaverðlaun fyrir hæstu meðaleinkunn á lokaprófi í verknámi frá Hótel- og matvælaskólanum í MK.

Háskólinn í Reykjavík veitti nýstúdent, Níelsi Jóhanni Júlíussyni, bókaverðlaun og niðurfellingu skólagjalda fyrstu önnina í HR fyrir framúrskarandi árangur í raungreinum á stúdentsprófi.

Háskóli Íslands veitti nýstúdent, Ingu Fanneyju Hauksdóttur, peningaverðlaun og frí skólasgjöld í HÍ fyrir framúrskarandi árangur á stúdentsprófi sem byggir á breiðum þekkingargrunni.

Þá hlaut nýstúdent, Diljá Dís Sigtryggsdóttir, sérstaka viðurkenningu fyrir einstakan dugnað og mikla þrautsegju í námi en hún lauk námi á þremur árum þrátt fyrir verulegar áskoranir og krefjandi aðstæður.

Þá hafa Rótarýklúbbarnir þrír í Kópavogi stutt veglega við bakið á skólanum með því að veita peningaverðlaun til nemenda sem skara fram úr í námi.

Snorri Tómasson frá Rótarýklúbbnum Þinghól veitti nýstúdent, Nadja Djurovic, viðurkenningu fyrir góðan árangur í félagsgreinum.

Páll Árni Jónsson frá Rótarýklúbbi Kópavogs veitti nýstúdent, Helgu Soffíu Sigurðardóttur, viðurkenningu fyrir góðan námsárangur í raungreinum.

Erna Hauksdóttir frá Rótarýklúbbnum Borgum veitti nýsveini í bakstri, Önnu Kolbrúnu Stefánsdóttur, viðurkenningu fyrir góðan námsárangur í verknámi.

Nýstúdent, Styrmir Hugi Sigurðsson, flutti ávarp nýstúdents og Jean Louis Aimé Alexandrenne, nýsveinn í bakstri flutti ávarp fyrir hönd iðnnema.

Óðinn Jarl Van Den Heerik Jónsson, hörpuleikari, flutti tónlistaratriði. Ingibjörg Auður Guðmundsdóttir, formaður skólanefndar, flutti skólanum kveðju skólanefndar og Hafsteinn Karlson flutti ávarp frá 50 ára stúdentum.

Starfsfólk Menntaskólans í Kópavogi óskar útskrifuðum nemendum skólans og fjölskyldum þeirra hjartanlega til hamingju með daginn. Megi gæfan fylgja ykkur í lífi og starfi 💐

Ljósmyndari 📸: Rúnar Hreinsson

🎓Í gær fór fram fyrri brautskráning frá MK við hátíðlega athöfn í Digraneskirkju 🎓
Þá útskrifuðust 23 leiðsögumenn, 16 matsveinar og 43 iðnmeistarar.

Viðurkenningu fyrir góðan námsárangur hlutu matsveinninn Trang Thuong Tran, Viet Ha Nguyen matreiðslumeistari og leiðsögumennirnir Davíð Rósenkrans Hauksson og Gunnlaugur Þráinsson.

Leiðsögumaðurinn, Albert Eiríksson, flutti ávarp fyrir hönd nemenda.

Salvör Árnadóttir, söngkona og Árni Heiðar Karlsson, píanóleikari sáu um tónlistaratriði 🎼

Ljósmyndari 📸: Rúnar Hreinsson

Brís í úrslit í keppni ungra frumkvöðla 🌸

Fjórir nemendur MK, í áfanganum frumkvöðlafræði, komust áfram í keppni ungra frumkvöðla. Þau Arnaldur, Eva, Finnbjörn og Sónata stofnuðu fyrirtækið Brís sem framleiðir ís úr Broddmjólk.

Af 150 fyrirtækjum sem tóku þátt komust 40 áfram í úrslit og voru okkar krakkar í Brís eitt þeirra. Þau héldu flotta kynningu fyrir dómnefnd, aðra keppendur og kennara í Arion banka í dag.

Þau stofnuðu fyrirtæki í kringum fyrrgreinda hugmynd, en varan þeirra er ísblóm sem framleitt er úr broddmjólk og öðrum náttúrulegum efnum. Þetta er því hollari valkostur fyrir þau sem vilja ekki fórna bragðinu. Hvert ísblóm inniheldur 13 g af próteini ásamt fjöldanum öðrum af öðrum næringarefnum sem leynast í broddmjólkinni.

Fyrir utan frábæra vöru sem krakkarnir framleiddu og komu á markað, var allt annað efni frá þeim til fyrirmyndar sem skilaði þeim í úrslit.

Til hamingju Arnaldur, Eva, Finnbjörn og Sónata, þið eruð vel þessum árangri komin! 👏

Íslenskukennarar fóru með hóp af nemendum á Njáluslóðir í sunnlensku blíðskaparveðri ☀️

Farið var að Gunnarssteini (Knafarhólum), Keldum, Hlíðarenda og Stóra-Dímon auk þess sem Sögusafnið á Hvolsvelli var heimsótt - þar innbyrti hópurinn hamborgara í bland við eigið nesti, skoðaði Njálusýninguna og reyndi fyrir sér í axarkasti.

Ekki var annað að sjá en að vel tanaðir nemendurnir væru sáttir við daginn en komið var heim um fjögur leytið 😎

Nemendur í fjölmiðlafræði Í MK hafa undanfarið heimsóttu RÚV 📺

Einn hópur fór fyrir páska og annar núna í liðinni viku. Nemendur fengu að kynnast starfsemi RÚV, dagskrárgerð og fréttavinnslu auk þess sem þau hittu ýmsa starfsmenn og fengu innsýn í þeirra störf og það hvernig þættir verða til í útvarpi og sjónvarpi.

Nemendur voru mjög áhugasamir og duglegir að spyrja spurninga 🙋

Við óskum hópnum innilega til hamingju með árangurinn 🥳👏

Ísland fagnar tvöföldu bronsi í Norrænu nemakeppninni Það var spenna í loftinu þegar íslensku keppendurnir stigu á svið í Norrænu nemakeppninni í ár. Undirbúningurinn hafði verið mikill og væntingarnar sömuleiðis. Það skilaði sér svo sannarlega því bæði íslensku liðin enduðu á verðlaunapalli.

Norræna nemakeppnin í Svíþjóð 🇸🇪

Hér má sjá Árnýju Lind og Freyju Dröfn, framreiðslunema, og Aron Fannar og Hákon Orra, matreiðslunema skólans, keppa fyrir Íslands hönd í Norðurlandakeppni. Þau tryggðu sér rétt til þátttöku eftir að hafa tekið þátt í forkeppninni sem haldin var í Hótel- og Matvælaskólanum síðastliðin nóvember.

Hér má lesa frétt frá Veitingageirinn.is og í story hjá okkur má finna glæsilegt myndband sem Þórir Erlingsson, forseti klúbbs matreiðslumeistara, setti saman.

Við óskum þeim góðs gengis 👏

Íslenskir nemar keppa á Norrænu nemakeppninni í Svíþjóð Sigurvegarar forkeppni fyrir Norrænu nemakeppnina í matreiðslu og framreiðslu eru nú á leið til Grythyttan í Svíþjóð þar sem þeir keppa fyrir Íslands hönd dagana 17.–19. apríl 2026. Þar mætast fremstu nemar Norðurlandanna í einni virtustu fagkeppni ungs fólks í greininni. Fo...