gunnhann

At gunnhann™ studio you are offered a unique art,craft and design experience. [email protected]
www.gunnhann.is Ég er textílkennari og hef kennt textílmennt í grunnskólum síðan ég útskrifaðist úr KHÍ 1989. Einnig hef ég kennt á námskeiðum.

Það má segja að líf mitt snúist um handavinnu. Hún er stór þáttur af mínu starfi auk þess sem ég sæki sjálf námskeið í faginu, les fagbækur, sæki mér fróðleik og prófa nýja hluti.

Þar sem ég þarf alltaf að vera að, fæ stanslaust hugmyndir að nýjum verkefnum, ákvað ég að selja eitthvað af því sem ég geri og leyfa öðrum að njóta þess sem verður til hjá mér.

Ég hef alltaf haft áhuga á að endurnýta hluti. Það er gaman að sjá t.d. gömul föt eða gardínur fá nýtt hlutverk. Engu er hent fyrr en ég er viss um að ekki sé hægt að vinna eitthvað fallegt upp úr því

Einnig er ég mjög hrifin af íslensku ullinni. Ég tel hana vera besta varmagjafa se, hugsast getur. Að geta, á köldum degi,umvafið sig fallegri hönnun og fengið yl og hlýju. Ég vinn mikið með einfaldan plötulopa. Peysa prjónuð úr honum er svo létt að varla fyrir má finna fyrir henni utan á sér.

Í hönnun minni fer ég oft nýjar leiðir. Ég hef verið að lita lopann sem mér finnst mjög spennandi og verða alveg nýjir litir til með því. Einnig skreyti ég peysurnar á mismunandi hátt, bæði með þæfðu mynstri og/eða útsaum. [email protected]
www.gunnhann.com