Fiðlufjör

04/06/2026

Dagný Arnalds lauk píanókennaranámi frá Tónlistarskóla Reykjavíkur árið 2002 og í kjölfarið diplómaprófi í skapandi tónlistarkennslu með áherslu á spuna árið 2004 frá Fédération Internationale Willems í Frakklandi. Dagný starfaði í tvö ár við Iniciativas Musicales tónlistarskólann í Granada á Spáni og var lengi píanókennari og aðstoðarskólastjóri við Tónlistarskóla Ísafjarðar. Dagný hefur einnig að baki nám í söng og kórstjórn og hefur starfað sem kórstjóri. Vorið 2023 lauk hún MA námi í Listkennslufræðum við Listaháskóla Íslands. Hún hefur undanfarin ár starfað sem tónlistarkennari við Landakotsskóla og tekið þátt í að móta námskeið Tungumálatöfra á Vestfjörðum þar sem sameiginleg listsköpun barna er grunnur að því að styrkja félagsleg tengsl og efla íslenskufærni.

04/06/2026

KYNNINGAR Á KENNURUM 2026 🎶
Anela hefur tekið þátt í mörgum verkefnum bæði á Íslandi og í Svíþjóð, til að mynda Caput tónlistarhópnum, Strengjasveitum Listaháskóla Íslands og Tónlistarskólans í Reykjavík, Sinfóníuhljómsveit unga fólksins, Ungsveit Sinfóníuhljómsveitar Íslands og í barnóperu með Óp-hópnum, sinfóníuhljómsveit Malmö Musikhögskolans og í óperunni Ned Rorem Robbers í Malmö.

Hún hefur einnig frumflutt verk eftir Eli Tausen á Lava, Ahmed Ali Al Ghanem, Mirza Kucukovic og Johan Stertman. Anela er suzuki píanókennari í dag við Allegro Suzukitónlistarskólann og við Tónlistarskóla Kópavogs

04/06/2026

KYNNINGAR Á KENNURUM 2026 🎶
Sólveig Steinþórsdóttir hóf fiðlunám þriggja ára gömul við Allegro Suzukitónlistarskólann undir handleiðslu Lilju Hjaltadóttur og lærði síðar hjá Guðnýju Guðmundsdóttur við Tónlistarskólann í Reykjavík. Hún lauk bakkalárprófi frá Listaháskólanum í Berlín árið 2019 og meistaragráðu frá Listaháskólanum í Zürich árið 2021.
Hún hefur leikið einleiks- og kammertónlist á Íslandi, Þýskalandi, Sviss og Ítalíu og komið fram á ýmsum hátíðum, þar á meðal Bodensee Festival, Festival alte Musik Zürich og Sumartónleikum í Skálholti, og á tónleikaröðunum Kammermúsíkklúbbnum, Á ljúfum nótum í Fríkirkjunni og Tíbrá í Salnum í Kópavogi.
Í júní 2023 gaf hollenska útgáfufyrirtækið Challenge Classics út upptöku af flutningi hennar á einleikssónötum Ysaÿe.

Sólveig kennir á fiðlu við Tónlistarskóla Kópavogs. Hún er einnig fiðluleikari Píanókvartettsins Neglu, spilar með Barokkbandinu Brák, Kammersveit Reykjavíkur og Sinfóníuhljómsveit íslands.

03/06/2026

KYNNINGAR Á KENNURUM 2026 🎶
Sigrún Kristbjörg Jónsdóttir hóf nám í Tónlistarskóla Hafnfjarðar hjá Katrínu Árnadóttur þar sem hún útskrifaðist úr klassísku námi. Síðan lá leiðin út af klassísku brautinni í tónlistarskóla FÍH og þaðan í heimstónlistardeild tónlistarháskólans Codarts í Rotterdam þar sem Sigrún útskrifaðist með BA í fiðlu og básúnuleik með áherslu á Suður Ameríska tónlist. Sigrún er virkur flytjandi og útsetjari í íslensku tónlistarlífi og kennir við Tónlistarskóla Hafnarfjarðar, MÍT (Menntaskóla í tónlist) og útsetningar við LHÍ

02/06/2026

KYNNINGAR Á KENNURUM 2026 🎶
Diljá Sigursveinsdóttir stundaði fiðlunám frá unga aldri við Tónskóla Sigursveins D. Kristinssonar og söngnám við Söngskólann í Reykjavík þaðan sem hún lauk burtfararprófi árið 1997. Diljá lagði stund á söngnám, fiðluleik og Suzukikennslufræði í Kaupmannahöfn og lauk bakkalargráðu frá Det Kongelige Danske Musikkonservatorium árið 2004 og 2016 útskrifaðist hún með meistaragráðu frá Listaháskóla Íslands. Diljá hefur numið Suzuki kennslufræði hjá kennaraþjálfurunum Lilju Hjaltadóttur, Tove Detreköy og Önnu Podhajska. Diljá hefur starfað sem Suzukifiðlukennari við Suzukitónlistarskólann í Reykjavík og starfar nú við Suzukideild Tónskóla Sigursveins D. Kristinssonar. Síðustu ár hefur Diljá einnig leitt tilraunaverkefni á vegum Tónskóla Sigursveins, Hólabrekkuskóla og Fellaskóla þar sem markmiðið er að hvetja börn í Efra Breiðholti til þess að iðka tónlistarnám. Diljá er fiðluleikari í Kammerhópnum ReykjavíkBarokk sem stofnaður var árið 2012 og í strengjakvartettinum Spúttnik sem stofnaður var árið 2019 og komið fram á fjölda tónleika með samstarfsfólki sínu auk þess að vera hugmyndasmiður að fjórum tónleikhússýningum sem varpa ljósi á tónlist eftir kventónskáld fyrri alda. Árið 2019 fékk Diljá hugmyndina að tónlistarhátíðinni Kona Forntónlistarhátíð sem Kammerhópurinn ReykjavíkBarokk hefur haldið fjórum sinnum og nú síðast haustið 2025 í Þjóðminjasafni Íslands

02/06/2026

KYNNINGAR Á KENNURUM 2026 🎶
Sólrún hóf fiðlunám sitt sem Suzukinemandi hjá Ásdísi Þorsteinsdóttur Stross s*x ára gömul. Hún lauk burtfararprófi frá Tónlistarskólanum í Reykjavík árið 2007 undir handleiðslu Auðar Hafsteinsdóttur. Þaðan lá leiðin til London í Trinity College of Music, en þar var kennari hennar Gina McCormack.

Eftir að hafa fengið námsstyrk frá skólanum lauk hún þaðan MMus gráðu árið 2009. Sólrún hefur aðhafst margt á tónlistarferli sínum, meðal annars frumflutt fiðlukonsert eftir Hildigunni Rúnarsdóttur ásamt Sinfóníuhljómsveit unga fólksins. Einnig hefur hún spilað tónlist í fjölmörgum stílum, hvort sem það er barokk eða nútímatónlist, jazz, þjóðlög, rokk eða hip hop.

Nú er Sólrún starfandi fiðlukennari, ásamt því að kenna tónfræði, tónlistarsögu og spuna, við Suzukitónlistarskólann í Reykjavík og Landakotsskóla. Hún hefur lokið öllum stigum í Suzukikennslu undir leiðsögn Lilju Hjaltadóttur.

01/06/2026

Skemmtilegt innskot frá hátíðinni 2023 🎻

Þriggja ára upprennandi fiðlusnillingur er nú staddur á Hvolsvelli á "Fiðlufjöri", sem er nokkurra daga námskeið fyrir börn og unglinga af öllu landinu í fiðluleik.

01/06/2026

KYNNINGAR Á KENNURUM 2026🎶
Atli Freyr hefur starfað á sviði þjóðdansa- og tónlistar á Íslandi í rúman áratug og hefur komið fram víða á Norðurlöndunum. Hann leggur ríka áherslu á þátttökumenningu og að miðla dansinum og tónlistinni til fólks á öllum aldri. Íslenskir þjóðdansar eru aðaláhersla hjá Atla og vinnur hann bæði með lifandi menningu og eldri danslýsingar úr gömlu dansa-, sögulegra dansa- og söngdansahefðunum. Norrænir dansar eru einnig áhersla hjá Atla, og hefur hann kennt dansa frá öllum Norðurlöndunum á námskeiðum. Atli er mjög virkur á sviði þjóðdansa- og tónlistar á Íslandi og hefur tekið þátt í fjölda verkefna eins og tónleika, árshátíða, brúðkaupsveisla, kvikmyndagerðar, bókaútgáfu, efnis á samfélagsmiðlum og fleira.
Atli er lærður gítarleikari en leikur einnig fyrir dansi á tvöfalda harmónikku og flautu. Atli er með BA gráðu í þjóðfræði frá Háskóla Íslands og hefur um árabil stundað rannsóknir á þjóðdönsum á Íslandi og situr í stjórn Íslenska dansfræðifélagsins, Norræna dansfræðifélagsins, Norræna þjóðdansafræðifélagsins, Kvæðamannafélagsins Iðunnar, Heimilisiðnaðarfélags Íslands, Vökufélagsins ásamt því að gegna nefndarstörfum hjá Nordlek samtökunum. Atli stendur fyrir dansnámskeiðum og kynningarstarfi hjá Þjóðdansafélagi Reykjavíkur.

01/06/2026

KYNNINGAR Á KENNURUM 2026🎶
Vegar hefur verið einn þekktasti alþýðufiðluleikari Noregs um árabil, en hann hefur jafnframt starfað sem kennari, tónskáld, útsetjari og upptökustjóri. Hann spilar á bæði fiðlu og harðangursfiðlu og hefur mikla breidd sem flytjandi. Hann hefur verið kennari við Ole Bull Akademíuna í 20 ár og hefur kennt marga af þekktustu tónlistarmönnum innan þjóðlagasenunnar í Noregi. Hann hlaut Hilmarsprisen árið 2020, en þau heiðursverðlaun hafa árlega verið veitt frá 1991 til framúrskarandi flytjenda og tónlistarmanna vegna framlags þeirra til norskrar þjóðlagatónlistar.