10/06/2026
Á fundi umhverfis- og framkvæmdaráðs Hafnarfjarðar í morgun, þann 10. Júní 2026, var erindi foreldrafélags Hraunvallaskóla um að bráðabirgðahús á lóð Hraunvallaskóla, oft nefnd Glæsivellir, verði fjarlægð. Erindið var sent nýjum formanni umhverfis- og framkvæmdaráðs, oddvitum allra flokka í meirihluta bæjarstjórnar, auk bæjarstjóra.
En hvers vegna?
Glæsivöllum var upphaflega komið fyrir á lóð skólans sem tímabundin kennsluaðstaða á meðan skólinn var yfirsetinn. Húsin þjónuðu tilgangi sínum vel á þeim tíma en nú er þörfin fyrir þau ekki til staðar.
Árið 2022 sendi skólastjóri Hraunvallaskóla fyrst erindi til fræðsluráðs Hafnarfjarðar og óskaði eftir að húsin yrðu tekin til að koma fyrir körfuboltavelli aftur á skólalóðinni. Fræðsluráð samþykkti beiðnina og vísaði til umhverfis- og skipulagsráðs til afgreiðslu. Fjórum árum síðar standa húsin enn á sínum stað.
Húsin taka mikið og óþarft pláss á skólalóðinni og skerða dýrmætt leik- og útivistarsvæði nemenda. Þau grafa undan ásýnd skólalóðarinnar, eru illa farin og þeim ekki haldið við. Þá er um að ræða slysagildru fyrir þau börn sem hætta sér upp á þak húsanna á kvöldin og um helgar.
Foreldrafélag Hraunvallaskóla kallaði eftir því í erindi sínu að húsin yrðu fjarlægð hið fyrsta, eigi síðar en fyrir upphaf skólaársins 2026–2027.
Erindið var tekið fyrir á fundi ráðsins í morgun og var niðurstaða fundarins eftirfarandi:
Umhverfis- og framkvæmdaráð felur umhverfis- og skipulagssviði að selja húsin til flutnings og þau verði fjarlægð af lóðinni fyrir 1. ágúst 2026.
Foreldrafélag Hraunvallaskóla fagnar niðurstöðu umhverfis- og framkvæmdaráðs og hlakkar til skólaársins 2026-2027 með enn betri skólalóð fyrir börnin okkar.
