Ráðgjafar- og greiningarstöð

Ráðgjafar- og greiningarstöð verður lokuð dagana 10.–14. ágúst vegna óviðráðanlegra aðstæðna.

Ef þú átt brýnt erindi við stofnunina sem þolir ekki bið, vinsamlega sendu tölvupóst á [email protected]. Erindum verður svarað eins fljótt og auðið er.

📣 Ráðgjafar- og greiningarstöð leitar að þroskaþjálfa/SIS-sérfræðingi í 80–100% starf.

Umsóknarfrestur er til og með 17. ágúst 2026.

Nánari upplýsingar í hlekknum hér fyrir neðan 👇

Ráðgjafar- og greiningarstöð leitar eftir þroskaþjálfa/SIS sérfræðingi Ráðgjafar- og greiningarstöð auglýsir laust til umsóknar starf sérfræðings við Mat á stuðningsþörf. Leitað er að sérfræðingi sem hefur brennandi áhuga á að

Sumarlokun RGR

Sumarlokun Ráðgjafar- og greiningarstöðvar frá 6. júlí til 4. ágúst Ráðgjafar- og greiningarstöð er lokuð frá 6.júlí og opnum við aftur 4.ágúst kl. 10:00.

Einstakt tækifæri – höfundar námsefnisins Relationships Decoded koma til Íslands ✨

Ráðgjafar- og greiningarstöð býður upp á kynningu og þjálfun vegna námsefnisins Relationships Decoded for Adolescents, eða Sambönd og samskipti fyrir ungmenni.

Um er að ræða glænýtt gagnreynt kennsluefni um sambönd og samskipti ætlað ungmennum með öðruvísi taugaþroska frá 12 ára aldri.

Relationships Decoded for Adolescents fjallar um sambönd, samskipti, mörk, samþykki, öryggi, netnotkun og félagslega færni ungmenna. Efnið er þróað sérstaklega fyrir ungmenni og miðar að því að styðja þau við að skilja betur ólíkar tegundir samskipta og sambanda, bera kennsl á heilbrigð og óheilbrigð samskipti og öðlast aukið öryggi í félagslegum aðstæðum.

Námsefnið Sambönd og samskipti (Relationships Decoded) fyrir fullorðna hefur þegar verið þýtt á íslensku og er aðgengilegt á vef MMS. Nú hafa höfundar þess efnis búið til sambærilegt námsefni fyrir ungmenni og undirbúningur að íslenskri þýðingu er hafinn.

Af þessu tilefni koma höfundar námsefnisins til Íslands og kynna efnið beint fyrir fagfólki, aðstandendum og öðrum sem koma að stuðningi, fræðslu eða þjónustu við ungmenni með öðruvísi taugaþroska.

📍 5. október: Kynning á efninu.
Kynningin er ætluð fagfólki, aðstandendum og öðrum áhugasömum sem vilja kynna sér námsefnið og fræðilegan grunn þess.

📍 6. október: Þjálfunardagur fyrir fagfólk.
Þjálfunardagurinn er ætlaður fagfólki sem kemur til með að nota námsefnið í beinni kennslu, fræðslu eða þjálfun með ungmennum.

⚠️ Takmarkað sætaframboð er í boði.

👉 Nánari upplýsingar og tengill á skráningu má finna í athugasemdum.

Ráðgjafar- og greiningarstöð hefur gefið út nýjar leiðbeiningar um greiningu einhverfu samkvæmt ICD-11 og skráningu með ICD-10 kóðum.

Leiðbeiningarnar eru hluti af uppfærðu og samræmdu verklagi við greiningu einhverfu á Íslandi.

Fréttina og leiðbeiningarnar má nálgast hér að neðan 👇

Nýjar leiðbeiningar um uppfært verklag við greiningu einhverfu samkvæmt ICD-11 Ráðgjafar- og greiningarstöð hefur gefið út Leiðbeiningar um greiningu einhverfu samkvæmt ICD-11 og skráningu með ICD-10 kóðum. Leiðbeiningarnar eru hluti

Námskeiðsdagskrá haustannar 2026 er komin á vefinn.

Fjölbreytt námskeið fyrir aðstandendur, fagfólk og aðra sem starfa með börnum og ungmennum með öðruvísi taugaþroska og/eða fatlanir sem geta leitt til áskorana í daglegu lífi.

Við hlökkum til að taka á móti ykkur á næstu önn!

Skráning og nánari upplýsingar:
www.rgr.is

Hin árlega vorráðstefna Ráðgjafar- og greiningarstöðvar fór fram dagana 7. og 8. maí á Hilton Reykjavík Nordica og í streymi. Í ár var ráðstefnan haldin í samstarfi við Gló Æfingastöð undir yfirskriftinni Sköpum tækifæri – þátttaka og framtíð fatlaðra barna.

Tæplega 510 manns tóku þátt í ráðstefnunni, bæði í sal og í streymi. Ráðstefnan er einn stærsti vettvangur þeirra sem starfa með fötluðum börnum og ungmennum og skapar mikilvægt samtal um viðhorf, þjónustu og framtíð fatlaðra barna.

Á ráðstefnunni var sjónum beint að því að horfa á það sem barnið getur gert í stað þess að einblína eingöngu á áskoranir og frávik. Þar voru meðal annars F-orðin fyrir þroska barna í brennidepli: Færni, Fjölskylda, Form, Vinir/Félagar, Fjör og Framtíð. Þau minna á mikilvægi þess að færa áherslu frá takmörkunum yfir í styrkleika, færni, þátttöku og lífsgæði barna.

Einnig var fjallað um hvernig samfélagið, þjónustukerfi, skólar, tómstundir og nærumhverfi barna geta skapað raunveruleg tækifæri til þátttöku í daglegu lífi. Rauði þráðurinn var að þátttaka fatlaðra barna er ekki aðeins einstaklingsbundið viðfangsefni heldur sameiginleg ábyrgð samfélagsins.

Dagskráin var fjölbreytt og dró fram ólík sjónarhorn, bæði fræðileg og byggð á lifaðri reynslu. Í erindum og samtölum ráðstefnunnar var lögð áhersla á að horfa til styrkleika barna, aðstæðna þeirra og þeirra tækifæra sem samfélagið skapar. Umræðan undirstrikaði mikilvægi þess að hlusta á raddir barna, ungmenna og fjölskyldna og þróa þjónustu sem styður við þátttöku, lífsgæði og framtíðarsýn.

Ráðstefnunni lauk með áhrifamiklum hætti og ljóst var að viðfangsefnið snerti þátttakendur djúpt. Eftir stóð sterk áminning um að tækifæri til þátttöku eiga ekki að vera háð tilviljunum, heldur þurfa þau að vera hluti af því hvernig við skipuleggjum þjónustu, skóla, tómstundir og samfélag.

Ráðgjafar- og greiningarstöð þakkar Gló Æfingastöð kærlega fyrir gott og gefandi samstarf við undirbúning og framkvæmd ráðstefnunnar. Samstarfið er sprottið úr sameiginlegum vilja til að halda áfram að bæta þjónustu við börn og fjölskyldur þeirra og stuðla að inngildandi samfélagi.

Einnig færum við fyrirlesurum, fundarstjórum, þátttakendum og öllum þeim sem lögðu sitt af mörkum við að gera ráðstefnuna að veruleika bestu þakkir.

Breytingar verða ekki til í einu kerfi, einni stofnun eða einni fagstétt. Þær verða til þegar fólk kemur saman, deilir þekkingu, hlustar hvert á annað og stefnir í sömu átt.

✨ Tækifæri í stað takmarkana

F-orðin verða í brennidepli á vorráðstefnu Ráðgjafar- og greiningarstöðvar, sem haldin er í samstarfi við Gló Æfingastöð og hefst á morgun.

F-orðin minna okkur á að horfa á börn út frá styrkleikum, þátttöku og tækifærum en ekki eingöngu út frá takmörkunum.

Þau eru hluti af mikilvægri viðhorfsbreytingu í því hvernig við styðjum við þroska, velferð og þátttöku fatlaðra barna í daglegu lífi.

👇Í greininni hér að neðan skrifar Berljót Borg, framkvæmdastjóri Gló stuðningsfélags, um mikilvægi þess að skapa börnum raunveruleg tækifæri til þátttöku.

📍 Vorráðstefna 2026
🗓 7. og 8. maí
👉 Hægt er að skrá sig í streymi til kl. 12:00 í dag: https://www.rgr.is/is/fraedsla-og-namskeid/namskeid/namskeid-a-naestunni/vorradstefna-2026-skopum-taekifaeri-thatttaka-og-framtid-fatladra-barna

www.visir.is

Tæplega 500 þátttakendur eru nú skráðir á Vorráðstefnu 2026 ✨

Við erum afar þakklát fyrir þessar frábæru viðtökur og hlökkum til að eiga tvo innihaldsríka daga með stórum og fjölbreyttum hópi þátttakenda.

Þótt fullbókað sé í salinn er enn hægt að skrá sig í streymi til kl. 12:00 á morgun, miðvikudaginn 6. maí.

Ráðstefnan fer fram 7.–8. maí undir yfirskriftinni „Sköpum tækifæri – þátttaka og framtíð fatlaðra barna“.

👉 Nánari upplýsingar, dagskrá og skráning í streymi: https://www.rgr.is/is/fraedsla-og-namskeid/namskeid/namskeid-a-naestunni/vorradstefna-2026-skopum-taekifaeri-thatttaka-og-framtid-fatladra-barna