29/07/2014
- hefst eftir verslunarmannahelgi.
Handboltaskóli FH hefst miðvikudaginn 6. ágúst og verður æft alla virka daga fram til föstudagsins 15. ágúst. Skólinn er fyrir krakka fædda 2000 - 2009. Æfingar hefjast klukkan 9:00 á morgnana og eru til hádegis, 12:00.
Markmið skólans er að bæta hvern einstakling og því munu allir fá verkefni við sitt hæfi, hvort sem þeir eru byrjendur eða lengra komnir. Við leggjum einnig mikið upp úr því að hafa æfingarnar fjölbreyttar og skemmtilegar.
Við skiptum hverjum degi upp í tvær æfingar og höfum pásu á milli æfinganna þar sem krakkarnir hvíla sig og nærast, mikilvægt er að taka með hollt og gott nesti.
Fyrri æfing dagsins verður einstaklingsmiðuð, þar verða æfð atriði eins og skot og gabbhreyfingar. Á seinni æfingunni verður meira um spil og spil-líkar æfingar. Einnig verða markmannsæfingar þar sem unnið verður með grunnstöðu og tækni markmannsins.
Farið verður yfir mikilvæga þætti eins og mataræði, svefn og fleira sem tengist heilbrigðum lífsstíl íþróttamannsinns.
Handboltaskóli FH er mjög góður undirbúningur fyrir komandi tímabil og styttir fríið fyrir handboltaþyrsta iðkendur.
Verð: 9.000 krónur.
Þið finnið okkur á facebook undir Handboltaskóli FH, þar er til dæmis hægt að skoða myndir frá handboltaskólanum í fyrra
Sendið mail á [email protected] til að skrá krakkana eða fá frekari upplýsingar.
