Rannsóknasetrið á Hornafirði

19/09/2026

Þorvarður og Soffía Auður tóku þátt í ráðstefnunni "Töfrar jöklanna - þverfagleg nálgun" sem haldin var á vegum Kirkjubæjarstofu 18.-19. september.

10/09/2026

Dominika Maria Krawiec varði í dag meistaraprófsritgerð sína í Umhverfis- og auðlindafræði við Háskóla Íslands. Leiðbeinendur hennar voru Þorvarður Árnason, Johannes Welling og Jón Geir Pétursson, en prófdómari Halvor Dannevig, rannsóknaprófessor við Vestlandsforskning í Noregi. Verkefnið lýtur að leiðsögumönnum í jöklaferðum á Suðausturlandi (Breiðamerkurjökli) og bætir þekkingu okkar á þessum frekar lítt rannsakaða hagaðilahópi, auk þess að vera fyrsta rannsóknin hérlendis sem skoðar störf þeirra og líðan í samhengi við loftslagsmál. Til hamingju, Dominika!

04/09/2026

Svipmyndir frá námskeiðinu Stjórnun friðlýstra svæða sem fór fram hér á Hornafirði nú í vikunni. Fyrstu myndirnar voru teknar í vettvangsferð að Hrútárjökli og Fjallsjökli, þá koma myndir frá hlöðunni góðu á Hala, síðan frá málþingi í Nýheimum og loks frá heimsókn á nýju jöklasýninguna (Líf jökulsins) sem opnaði á veitingastaðnum Heppu fyrir fáeinum vikum. Þetta er 18. eða 19. árið sem námskeiðið er kennt - fyrsta námskeiðið var haldið 2007 og síðan hefur það verið kennt árlega, nema meðan COVID faraldurinn geisaði. Metþátttaka í ár: 28 nemendur, af mörgu þjóðerni og með fjölbreyttan faglegan bakgrunn.

31/08/2026

Forstöðumaður setursins var viðstaddur hátíðarfrumsýningu á heimildamyndinni "Um tímann og vatnið". Hann var einn af þremur vísindalegum ráðgjöfum við gerð myndarinnar og var svo beðinn um að stýra umræðum eftir frumsýninguna með leikstjóra hennar, Sara Dosa, og Andra Snæ Magnasyni, rithöfundi, en myndin byggir á samnefndri bók hans. Sjá nánar:

Heimildarmyndinn Um tímann og vatnið, sem byggir á samnefndri bók Andra Snæs Magnasonar, var frumsýnd með pompi og prakt í stóra sal Háskólabíós í gærkvöldi. Meðal gesta voru forseti Íslands, ráðherrar, Vigdís Finnbogadóttir og fjöldi nafntogaðra gesta.

21/08/2026

Og hér er önnur grein frá okkur í Nýheimum, nú eftir Snævarr Guðmundsson, forstöðumann Náttúrustofa Suðausturlands, sem var einn af vísindalegum ráðgjöfum heimildamyndarinnar "Um tímann og vatnið":

Sloan Science and Film is a website devoted to exploring the intersection of science and film, and enhancing the public understanding of science and technology.

20/08/2026

Hér má svo lesa stutta grein eftir Konstantine um framlag hans - sem hljóðræns rannsakanda, tónskálds og hljómlistarmanns (slagverksleikara) - til heimildarmyndarinnar:

Sloan Science and Film is a website devoted to exploring the intersection of science and film, and enhancing the public understanding of science and technology.

20/08/2026

Fimmtudaginn 27. ágúst n.k. verður íslensk hátíðarfrumsýning á heimildarmyndinni "Um tímann og vatnið" í leikstjórn Sára Dosa, en hún er byggð (eða grundvallast) á samnefndri bók Andra Snæs Magnasonar. Alþjóðleg frumsýning myndarinnar fór fram á Sundance hátíðinni og hefur hún síðan farið mjög víða og almennt hlotið mjög lofsamlega dóma. Sem hún á svo sannarlega skilið. Forstöðumaður setursins var einn af vísindalegum ráðgjöfum myndarinnar og þeir Kieran Baxter og Konstantine Vlasis aðstoðuðu einnig við gerð hennar. Við verðum allir þrír á hátíðarfrumsýningunni - og vonumst til þess að sjá sem flest ykkar þar. Sjá nánar:

Háskólabíó • 27. ágúst

19/08/2026

Vettvangsferð að vestanverðum Breiðamerkurjökli um helgina með Kieran, Mike og Riinu. Dyttað að skeiðmyndavél og spáð í staðsetningu fyrir nýja.

28/07/2026

Fyrsta afurðin úr doktorsverkefni Clinton´s Cook (sem Þorvarður leiðbeinir ásamt Benjamin D. Hennig, prófessor í land- og ferðamálafræði) er nú birt - og í opnum aðgangi:

To date, no systematic review has examined wilderness mapping approaches in relation to stakeholder involvement. This study systematically reviews 55 published articles, identified through Scopus and Web of Science, from the past four decades to evaluate how wilderness has been conceptualized, opera...

18/05/2026

Svipmyndir frá vettvangsferð á Breiðamerkurjökul í gær, sunnudaginn 17. maí, með nemendahóp frá University of Pennsylvania. Þökkum Glacier Adventure fyrir góða og trausta leiðsögn, svo og afnot af hlöðunni góðu á Hala eftir ferðina.