Fjölbrautaskóli Snæfellinga

18/09/2026

Nemendur skólastiganna vinna saman

Þann 17. september síðastliðinn lögðu nýnemar úr FSN hönd á plóg í Grundarfirði ásamt nemendum í leik- og grunnskóla Grundarfjarðarbæjar.Tilefnið var Gróðurvika í Grundarfirði í tengslum við Dag íslenskrar náttúru.
Þrátt fyrir að veðurguðirnir hafi sett strik í reikninginn á sjálfum Degi íslenskrar náttúru,16. september, var veðrið betra daginn eftir og Leikskólabörn, grunnskólabörn og nýnemar FSN unnu saman að því að koma plöntum fyrir í moldinni.Útbúin voru tvö ný gróðurbeð á lóð Leikskólans Sólvalla sem nú hafa verið fyllt af fjölæringum, runnum og haustlaukum.
Verkefnið snýst ekki eingöngu um fegrun bæjarins heldur einnig um að efla líffræðilegan fjölbreytileika og skapa skjól, en leik- og grunnskóli bæjarins eru jafnframt Grænfánaskólar.
Það er ánægjulegt að þetta er annar viðburðurinn í þessum mánuði sem að nemendur í FSN taka þátt í viðburðum með öðrum skólastigum í Grundarfirði en fyrir stuttu tókum við þátt í Litahlaupinu með Grunnskóla Grundarfjarðar.
Myndirnar tók Tómas Freyr Kristjánsson

10/09/2026

Fimmtudaginn 10. september, á alþjóðlegum baráttudegi sjálfsvígsforvarna, var haldinn gulur dagur í FSN í tengslum við átakið Gulur september. Liturinn gulur er alþjóðlegur táknmynd sjálfsvígsforvarna og voru nemendur og starfsfólk hvattir til að mæta í gulu til að sýna málefninu stuðning.
Nemendur og starfsfólk komu saman í matsal skólans þar sem Rut Rúnarsdóttir flutti erindi um geðrækt og sjálfsvígsforvarnir, þar sem kærleiki, aðgát og umhyggja voru höfð að leiðarljósi.

Nýr skólahjúkrunarfræðingur skólans var einnig kynntur til leiks við þetta tækifæri, en FSN hefur fengið hana Viktoríu Sif Viðarsdóttur sem skólahjúkrunarfræðing. Hún Viktoría Sif stundaði nám hér í FSN og útskrifaðist í desember 2013 og við erum stolt af því að nemendur okkar fái að njóta hennar starfskrafta.

Dagskránni lauk með skemmtilegu „Hver gerði hvað Bingói“ sem sló í gegn og skapaði góða stemningu á þessum mikilvæga vitundarvakningardegi.

08/09/2026

08/09/2026

Litahlaup fyllti Hönnugil af litum og gleði
Í dag tók FSN þátt í hinu árlega litahlaupi í samstarfi við Grunnskóla Grundarfjarðar. Dagurinn hófst með upphitun við grunnskólann áður en þátttakendur lögðu af stað í litrík hlaup, göngu eða skokk um svæðið.
Nemendur og starfsfólk FSN létu sig ekki vanta og tóku virkan þátt í að skapa frábæra stemningu. Sumir hlupu brautina, aðrir aðstoðuðu við litastöðvar og brautarvörslu, en allir áttu það sameiginlegt að leggja sitt af mörkum til að gera daginn skemmtilegan og eftirminnilegan.
Litirnir fengu að njóta sín í Hönnugili og gleðin skein úr hverju andliti. Það var sérstaklega ánægjulegt að sjá hversu margir tóku þátt og sýndu þannig samstöðu og jákvæðni í verki. Við erum stolt af því að FSN sé sýnilegur þátttakandi í samfélaginu og taki þátt í viðburðum sem efla bæði hreyfingu og samveru.
Að hlaupi loknu beið svo verðlaun sem klikka aldrei: grillaðar pylsur í FSN þar sem þátttakendur gátu tyllt sér niður, spjallað saman og notið dagsins eftir litrík átök.
Við þökkum öllum sem tóku þátt og hjálpuðu til við framkvæmdina. Dagurinn heppnaðist einstaklega vel og verður án efa í góðu minni hjá þeim sem mættu. 🌈🏃‍♀️🏃‍♂️🌭✨

25/08/2026

Við fylgjum hefðinni í FSN og bjóðum nýnema velkomna með alls kyns sprelli og leikjum. Þessi vika er helguð nýnemum og dagskráin er svona:

Mánudagur
Kappát og skemmtilegir leikir í hádegismat.
Þriðjudagur
Hlauptu og sæktu með kennurum í hádegismat
Miðvikudagur
Busaleikur, mæting í matsal klukkan 8:30 og kynning á leiknum og leikurinn byrjar 9:00.
Pítsu veisla í hádegi
Party í gilinu um kvöldið, byrjar klukkan 20:30!!!!