21/09/2026
UMFERÐARÖRYGGI - FERÐAVENJUR
Góðan daginn, þetta erindi hefur þegar verið sent í mentor en við viljum fá miklu fleiri svör og tillögur!
Garðabær vinnur nú að endurskoðun umferðaröryggisáætlunar fyrir sveitarfélagið. Einn mikilvægur þáttur í þeirri vinnu er að framkvæma ferðavenjukönnun meðal skólabarna, þar sem aflað er upplýsinga um gönguleiðir þeirra í skólann og ferðavenjur. Niðurstöður könnunarinnar verða nýttar til að greina hvort og hvar þörf sé á frekari aðgerðum sem stuðla að auknu umferðaröryggi skólabarna og jafnframt annarra íbúa sveitarfélagsins. Könnunin er stafræn, fer fram á netinu og er lögð fyrir nemendur í 3., 6. og 9. Bekk á skólatíma.
Í könnuninni svara nemendur fyrst nokkrum spurningum um hvernig þeir komu í skólann þennan dag og hvernig þeir koma í skólann vanalega. Að því loknu sjá þeir loftmynd af Garðabæ þar sem staðsetning grunnskóla kemur fram og eru beðnir um að teikna sína göngu- eða hjólaleið í skólann.
Samhliða þessu er verið að efna til stafræns íbúasamráðs, þar sem íbúum gefst tækifæri til að koma á framfæri sínum ábendingum. Við leitum eftir upplýsingum frá ykkur um þá hættustaði sem þið upplifið í umferðinni, ásamt því að staðsetja þá á korti.
Ábendingagáttin verður opin til 25. september nk. í gegnum eftirfarandi hlekk https://www.gardabaer.is/frettir/aukid-umferdaroryggi-i-gardabae
Láttu í þér heyra – þú þekkir þitt nærumhverfi best!
Garðabær vinnur nú að endurskoðun umferðaröryggisáætlunar fyrir sveitarfélagið. Markmið hennar er að móta aðgerðaráætlun sem stuðlar að auknu öryggi, fækkun slysa og betri lífsgæðum fyrir íbúa og aðra vegfarendur.
