Námskeið í olíumálun / Þuríður Sigurðardóttir

SKRÁNING Á BIÐLISTA HAFIN Á [email protected]. Fjögurra daga námskeiðin 13. -16. og 27. - 30. apríl eru fullskipuð en eins og dæmin sanna verða yfirleitt afföll, oft síðustu dagana fyrir mætingu.

Hér eru helstu upplýsingar um námskeiðið:

*Námskeiðið fer fram í bjartri og rúmgóðri vinnustofu minni í miðbæ Garðabæjar.
*Skráning og fyrirspurnir á [email protected]
*Aðeins 7 nemendur, sem eru einir um afnot af rýminu á meðan námskeiðið varir. Fagleg, einstaklingsmiðuð kennsla í hlýlegu og rúmgóðu rými. 25 ára reynsla.
*NÁMSKEIÐIÐ ER FYRIR BYRJENDUR OG LENGRA KOMNA OG MYNDEFNI OG STÍLL EFTIR VALI HVERS OG EINS.
*Tímasetningar:
Mán – Fim. 10:00 – 16:00 +
*Trönur eru á staðnum, myndvarpi, lyktarlaus terpentína og olía. Nemendur koma með olíuliti, pensla og striga til að mála á. Tillögu að lágmarks innkaupum fá nemendur eftir skráningu.
Kaffi og te alla dagana er innifalið í námsskeiðsgjaldinu.
Nemendur vinna með eigin hugmyndir og fá aðstoð við að útfæra þær af eigin ljósmyndum og eða skissum sé þess óskað.
Innritun og fyrirspurnir með tölvupósti á [email protected]
* Verð: 75.000
*NÁMSLÝSING:
Á námskeiðinu er lagt upp með aðferðinni “að mála frá mögru upp í feitt”, aðferð sem hefur reynst vel til að forðast algeng mistök við olíumálun. Fleiri aðferðir reyndar, eins og tími og áhugi leyfir. *Teiknikunnáta óþörf.

Myndvarpi er notaður til að færa teikningu á strigann og minnka þannig undirbúningstímann og aðal áherslan er lögð á málverkið að nemandinn læri að mála með olíulitum á striga.
Fjallað verður um tæknileg atriði s.s. íblöndunarefni, grunna, efnasamsetningu lita og íblöndunarefna, hvaða efni henta áferð og yfirborði málverksins. Einnig er fræðsla um, blindramma, striga og annað undirlag, pensla og önnur verkfæri tengd málun.
Leitast er við að leggja grunn að því að nemendur öðlist færni, aukinn kjark, þor og þekkingu á myndlist, sem auk vinnunnar felst í að fletta inn í kennsluna dæmi og fróðleik úr listasögunni.

"Áttu ekki eftir að sakna okkar", spurði einn af nemendunum, þegar ég kvaddi þá síðdegis í gær, eftir fjögurra daga ánægjulega samveru, sem einkenndist af miklum áhuga, hvort sem um var að ræða fróðleik úr listasögu, örfyrirlestra um tækni, áhöld, undirlag, liti - eða það sem þau komu til að gera, bæta við sig kunnáttu eða leggja grunn að því að mála með olíulitum! Hópurinn var blandaður, byrjendur og lengra komnir.
Margir stílar tóku á sig mynd í verkunum, kúbismi, abstrakt, raunsæi - og málverkin jafn ólík og nemendurnir, sem áttu það eitt sameiginlegt að hafa einlægan áhuga á að læra og tileinka sér listmálun.
Og, jú...ég saknaði þeirra þar sem ég leit yfir auða vinnustofuna! En - þau skildu eftir sig þá góðu tilfinningu, sem gerir það að verkum að ég nýt þess að leiðbeina og kveðja ánægða nemendur.

Stundum koma nemendur með verk á námskeið, sem þeir hafa málað og eru ekki alveg sáttir við. Hér er dæmi um slíkt verk, sem fékk yfirhalningu með aðstoð kennara.

Það er fámennt en góðmennt, 4 nemendur af 7, á fjögurra daga námskeiði, sem var fullskipað fyrir helgi, áður en flensa og önnur óáran gekk yfir hópinn.
Hér eru nokkur sýnishorn af verkum nemenda í lok annars dags. Verkin mislangt á veg komin en allt að gerast og vinnusemi og gleði við völd.

Þær komu hvaðanæva að, allt frá Laugarnesi, Egilsstöðum og víðar - og töldu sig byrjendur í málaralistinni, sem er varla að sjá af þeim myndum sem hér fylgja. Fjögurra daga námskeið fyrir byrjendur og lengra komna leið eins og örskot, enda áhuginn, eljan, vinnusemin, viljinn til að læra og sköpunargleðin með eindæmum. 6 nemendur, og allavega einn hafði aldrei komið nálægt því að mála á striga, aðrar höfðu farið á annarskonar námskeið og ein hafði komið til mín áður. Alls konar aðferðir voru prófaðar, allt frá raunsæi til abstrakt, akrýl og olíu.
Þetta var síðasta námskeiðið á haustönn og kennarinn þakkar fyrir sig - og einstaklega ánægjulega samveru og árangur.

Mikið sem það er alltaf gefandi að kveðja ánægða nemendur í lok námskeiða. Í gær kvaddi ég einstaklega dugmikla og skapandi nemendur, eftir fjögurra daga sleituausa vinnu, þar sem ekkert var gefið eftir. Hér má sjá afrakstur fjögurra daga námskeiðs og eins og venjulega eru verkin ólík, eins og nemendurnir. Þau verk sem eiga eitthvað í land eru ekki klippt til.
Takk fyrir mig. 🤗🎨💛❤️💚💙

Okkur leiðist ekki...... Bestu kveðjur úr Garðabænum. 🎨🖌🧡

FJÖGURRA DAGA NÁMSKEIÐ 17. - 20. nóv., það síðasta á þessari haustönn, er FULLSKIPAÐ.
Vorönn hefst í janúar 2026, skráning á póstlista á [email protected]