Klifið

Hún Sjöfn okkar mun vera með myndlistar- og teikninámskeið hjá okkur í sumar, annað árið í röð.
Hún er alveg einstakt eintak af kennara og hefur mikla ástríðu fyrir myndlist og bókarskriftum. Þar sem hún leggur nú stund á doktorsnám í almennri bókmenntafræði við Háskóla Íslands og hefur samhliða því myndskreytt bækur. Ekki nóg með það, hefur hún einnig gefið út skáldsögur og ljóðabækur.

Sjöfn er einstaklega flink í að efla sköpunargáfu barnanna og hjálpa þeim að túlka eigin hugmyndir á pappír, með kennslu á undirstöðuatriðum í teikningu og hönnun persóna.

Sjöfn mun kenna eftirfarandi námskeið í sumar:

Teikning og blönduð tækni, 9–12 ára
Myndlist og teikning, 6–9 ára

🧑‍🎨🎨

Okkar yndislega Sigga verður með skapandi sumarsöngnámskeiðin okkar sem fara fram í næstu viku!

Sigríður Halla er söngkona og sviðslistakona með mikla ástríðu fyrir tónlist, sköpun og því að gefa börnum rými til að tjá sig. Hún lærði leiklist við Copenhagen International School of Performing Arts í Kaupmannahöfn í Danmörku og hefur jafnframt stundað söng- og kórnám við Domus Vox í Reykjavík.
Hún hefur komið fram bæði í söng og leikhúsi, meðal annars í uppsetningu Jónsmessunæturdraums í Tjarnarbíói. Sigga hefur einnig mikla reynslu af því að vinna með börnum.

Á námskeiðunum verður lögð áhersla á sönggleði, sjálfstraust, rytma, leik og sköpun. Börnin fá að prófa sig áfram í öruggu og skemmtilegu umhverfi þar sem röddin, hugmyndaflugið og gleðin fá að njóta sín.
Sigga mun kenna eftir farandi námskeið í sumar:

Skapandi sumarsöngur 6-9 ára
Skapandi sumarsöngur 8-11 ára

Í næstu viku hefjast námskeiðin Skapandi sumarsöngur fyrir bæði 6-9 ára og 8-11 ára. Við eigum örfá pláss laus fyrir áhugasama söngfugla https://www.klifid.is/namskeid/skapandi-sumarsongur
Umsagnir frá foreldrum:
🌸 Gaman að örva ímyndunarafl, hún var ánægð með æfingar og leikina
🌸 Hún fékk að blómstra og njóta sín í því sem henni finnst skemmtilegt
🌸 Eflir sjàlfstraust
🌸 Hvað var tekið vel á móti öllum á morgnana
🌸 Ekki of þungt- allir gátu ráðið við það
🌸 Hvað það er skemmtilegt og skapandi og reynir á sköpunargáfu og sviðsframkomu barna.

Skapandi sumarsöngur | Klifið Skapandi setur Skapandi sumarsöngur er sumarnámskeið fyrir söngelska krakka sem vilja syngja sig í gegnum sumarið. Söngnámskeiðið er hugsað eins og leikjanámskeið með áherslu á söng, leiklist, framkomu og sjálfan sköpunarkraftinn. Hver dagur hefur sitt þema en það eru tvær klukkutíma smiðj...

Í sumar bjóðum við upp á hið sívinsæla Skapandi sumarfjör sem er leikja- og listasmiðja fyrir börn á aldrinum 5–11 ára, þar sem börnin fá að leysa eigin sköpunarkraft úr læðingi í gegnum, myndlist, leiklist, dans, tónlist, útiveru og fjölbreytta leiki. https://www.klifid.is/namskeid/skapandi-sumarfjor

Leiðbeinendur námskeiðsins í sumar eru þær Ninja Kristín Logadóttir, Hrafnhildur Halldórsdóttir, Elísabet Harðardóttir og Rannveig Edda Aspelund. Þær eru allar úr Garðabænum, nemendur í Verzlunarskóla Íslands og eru einstaklega skemmtilegar, skapandi og peppaðar fyrir sumrinu.

Þetta verður þriðja sumarið þeirra Hrafnhildar og Ninju í Skapandi sumarfjöri. Ninja hefur þó verið tengd námskeiðinu frá unga aldri. Hún er mjög hugmyndarík, skapandi og drífandi. Ninja er einnig í Nemendamótsnefnd Versló, þar sem hún tekur þátt í að setja upp stærsta menntaskólasöngleik landsins.

Rannveig Edda er mjög spennt fyrir sínu fyrsta sumri í Klifinu. Hún hefur tekið þátt í alls konar skapandi verkefnum, æft dans frá þriggja ára aldri og er alltaf að föndra eitthvað skemmtilegt. Rannveig er einnig með sína eigin skartgripalínu, BYREA, þar sem hún hannar og býr til skart sjálf.

Hrafnhildur er mikill reynslubolti og þekkir námskeiðið inn og út. Hún er skapandi, flink og einfaldlega frábær með börnum. Hrafnhildur elskar útiveru, sveitina og hestana sína, Hrafndísi og Drottningu. Hún var líka í dansi þegar hún var yngri og hefur mjög gaman af föndri og skapandi starfi.

Elísabet hefur mikla reynslu af öðrum námskeiðum og kemur inn með mikla gleði og jákvæðni. Hún er dugleg, hress og algjör gleðipinni. Elísabet æfði bæði dans og körfubolta þegar hún var yngri, elskar að ferðast og skoða nýja staði og bjó meðal annars í Víetnam þegar hún var yngri. Hún hefur gaman af leikjum, útiveru og er mjög spennt fyrir sumrinu í Klifinu.

Við erum ótrúlega heppin að hafa þær með okkur í sumar og hlökkum mikið til að taka á móti börnunum í Skapandi sumarfjöri!

Í sumar fáum við aftur til okkar hina frábæru Ísold Davíðsdóttir sem mun kenna á námskeiðunum Skapað með Procreate og Myndasögugerð.
Ísold er sannkallað hæfileikabúnt, uppeldis- og menntunarfræðingur, kennari og myndasöguhöfundur. Hún hefur gefið út eigin bækur, tekið þátt í fjölbreyttum myndasöguverkefnum og bæði skrifað og teiknað barnabækur.
Á námskeiðunum leiðir Ísold börnin inn í skapandi heim persónusköpunar og myndasögugerðar. Þar fá þátttakendur að prófa sig áfram, þróa eigin hugmyndir og skapa myndir og sögur.
Ísold mun kenna á eftirfarandi námskeiðum í sumar:

Skapað með Procreate fyrir 9–12 ára
Myndasögugerð fyrir 6–9 ára
Myndasögugerð fyrir 9–12 ára

https://www.klifid.is/namskeid/myndasogugerd
https://www.klifid.is/namskeid/procreate