Austurbrú

25/09/2026

💡 Ertu með hugmynd – en veist ekki alveg hvernig á að koma henni í umsókn?

Komdu á vinnustofu vegna Uppbyggingarsjóðs Austurlands og fáðu upplýsingar um sjóðinn, umsóknarferlið og hvað gott er að hafa í huga þegar umsókn er unnin.

📝 Skráning er nauðsynleg.

👉 Allar upplýsingar um vinnustofur, staðsetningar og tímasetningar:

https://austurbru.is/throun/uppbyggingarsjodur-austurlands/

25/09/2026

Ertu með hugmynd en veist ekki alveg hvernig á að koma henni í umsókn?

Í tengslum við Uppbyggingarsjóð Austurlands verða haldnar vinnustofur þar sem farið verður yfir sjóðinn, umsóknarferlið og það sem gott er að hafa í huga við gerð umsóknar.

Vinnustofurnar eru góður vettvangur fyrir þau sem eru að undirbúa umsókn eða vilja kynna sér betur hvaða möguleikar eru í boði.

📝 Skráning á vinnustofur er nauðsynleg.

👉 Allar upplýsingar um vinnustofur, staðsetningar, tímasetningar og skráningu má finna á:
https://austurbru.is/throun/uppbyggingarsjodur-austurlands/

24/09/2026

Starfamessa Austurlands stendur nú yfir í Íþróttahúsinu í Neskaupstað þar sem um 500 nemendur fá tækifæri til að kynnast fjölbreyttum störfum og starfsleiðum á Austurlandi. Yfir hundrað manns frá fyrirtækjum og stofnunum taka þátt í að kynna störf sín fyrir unga fólkinu.

Starfamessan er haldin að frumkvæði sveitarfélaganna á Austurlandi í samstarfi við Austurbrú, Verkmenntaskóla Austurlands og Menntaskólann á Egilsstöðum.

Tengill á frétt í athugasemd.

24/09/2026

Uppbyggingarsjóður Austurlands styrkir fjölbreytt verkefni á sviði menningar, atvinnuþróunar og nýsköpunar. Ertu með hugmynd sem þú vilt koma í framkvæmd?

Umsóknarfrestur er 21. október kl. 14:00.

Nánari upplýsingar og umsóknargátt í athugasemd.

24/09/2026

Orkusjálfstæði í öðru Orkuskoti haustsins

Annað Orkuskot haustsins fór fram á Vopnafirði á dögunum þar sem sjónum var beint að orkusjálfstæði einstaklinga og því hvernig við getum nýtt orkuna betur.

Axel Michelsen, sérfræðingur í teymi orkuskipta og orkunýtni hjá Umhverfis- og orkustofnun, ræddi meðal annars um leiðir til að bæta orkunýtingu og möguleika einstaklinga á að afla eigin orku.

Góð mæting var á fundinn og líflegar umræður sköpuðust um viðfangsefnið.

Fundurinn var tekinn upp og verður upptakan birt á miðlum Austurbrúar á næstu dögum.

Næsta Orkuskot fer fram á Egilsstöðum 13. október. Þá verður farið ofan í rafmagnsreikninginn og útskýrt hvað þar stendur og hvað við erum þá í raun að borga fyrir!

24/09/2026

Styrkir til hleðsluinnviða við fjölbýlishús!

Loftslags- og orkusjóður auglýsir styrki til uppbyggingar hleðsluinnviða á sameiginlegum bílastæðum fjölbýlishúsa.

Húsfélög fjölbýlishúsa með átta íbúðir eða fleiri geta sótt um og getur styrkur numið allt að 5 milljónum króna, þó að hámarki 50% af heildarkostnaði verkefnis.

📅 Umsóknarfrestur er til kl. 15:00 þann 1. október.

Nánari upplýsingar og umsókn 👉

Loftslags- og orkusjóður auglýsir eftir umsóknum um styrki til uppbyggingar hleðsluinnviða við fjölbýlishús. Umsóknarfrestur er til 1. október 2026.

23/09/2026

Atvinnuvegaráðherra heimsótti ferðaþjónustufyrirtæki á Austurlandi á dögunum. Tækifæri greinarinnar, beint millilandaflug og auknar álögur voru meðal þess sem bar á góma.

👉 Nánar í frétt á vef Austurbrúar. Hlekkur í athugasemd.

22/09/2026

Þarf maður að vita nákvæmlega hvað maður ætlar að verða?

Þegar María Ósk Kristmundsdóttir hóf störf hjá Alcoa Fjarðaáli árið 2006 var álverið ekki einu sinni fullbyggt. Síðan hefur hún farið úr iðnstýringum og upplýsingatækni yfir í verkefnastjórnun, umbótastarf og stjórnun.

Í dag vinnur hún frá Austurlandi með samstarfsfólki Alcoa víða um heim.

Í aðdraganda Starfamessu Austurlands, sem fer fram í Neskaupstað nú á fimmtudaginn, ræddum við við Maríu um 20 ára starfsleið sem varð allt önnur en hún hefði getað séð fyrir.

„Við þurfum nefnilega ekki alltaf að vera með alla framtíðina á hreinu. Stundum er nóg að taka bara verkefni dagsins og gera þau vel.“

👉 Lesið viðtalið við Maríu Ósk. Tengill í athugasemd.

22/09/2026

Austurland margborgar sig.

Ný greining á efnahagslegu mikilvægi Austurlands undirstrikar enn á ný hversu stórt framlag landshlutans er til íslensks efnahagslífs miðað við íbúafjölda. Aðeins 2,8% landsmanna búa á Austurlandi en landshlutinn stendur undir um fjórðungi vöruútflutnings þjóðarinnar og um 26% raforkuframleiðslu. Þá er áætlað að hagnaður ríkissjóðs sem rekja má til Austurlands verði um 8,6 milljarðar króna árið 2026.

👉 Greininguna má nú nálgast á vef Austurbrúar. Sjá hlekk í athugasemd.

22/09/2026

Innilega til hamingju, Eygló og Eymundur!

Hjónin Eygló Björk Ólafsdóttir og Eymundur Magnússon, sem standa að Móður jörð í Vallanesi, hafa hlotið viðurkenningu atvinnuvegaráðherra fyrir framúrskarandi árangur í lífrænni framleiðslu.

Vel að henni komin eftir áratuga brautryðjendastarf í lífrænni ræktun og matvælaframleiðslu á Austurlandi. 👏

Á myndinni tekur Eymundur við viðurkenningunni úr hendi Bjarka Pjeturssonar, sérfræðings á skrifstofu dýraheilsu og landgæða.

🔗 Nánar í hlekk í athugasemd.