Austurbrú

Vel var mætt á Umhverfisráðstefnu Austurlands sem fram fór í Egilsbúð í Neskaupstað í dag undir yfirskriftinni „Horfum til sjávar“. Þar komu saman sérfræðingar úr rannsóknum, sjávarútvegi og atvinnulífi til að ræða hvernig loftslagsbreytingar, tækniframfarir og breyttar aðstæður í hafinu munu móta framtíð sjávarútvegs á Íslandi og Austurlandi.

Meðfylgjandi eru svipmyndir frá ráðstefnunni.

Takk fyrir þátttökuna!

👉 Frétt í fyrstu athugasemd.

Ný stjórn SSA var kjörin á aukaaðalfundi sambandsins í gær.

Ragnar Sigurðsson var kjörinn formaður stjórnar og Jónína Brynjólfsdóttir varaformaður.

Við óskum nýrri stjórn til hamingju og velfarnaðar í störfum sínum fyrir Austurland.

Sjá frétt í athugasemd.

Háskólanám og spennandi tækifæri á Austurlandi!

Það er fjölbreytt og áhugavert nám í boði hjá háskólum landsins í haust – og margt sem hentar sérstaklega vel fólki á Austurlandi.

Hér eru nokkur dæmi:

- Nám í lagareldi (Bachelor)

Nýjung sem innritað verður í nú í haust við Auðlindadeild skólans í samstarfi við Háskólann á Hólum. Lagareldi er krefjandi og spennandi grunnnám sem undirbýr nemendur fyrir störf í einni hraðvöxnustu atvinnugrein Íslands; fiskeldi og annarri ræktun í vatni og sjó.

Sjá nánar:
https://www.unak.is/is/namid/namsframbod/grunnnam/lagareldi

- Listnám á Akureyri í samstarfi við LHÍ (örnám)

Boðið verður upp á fjölbreytt námskeið á sviði lista, hönnunar og sviðslista. Hægt er að skrá sig í eitt eða fleiri námskeið eftir áhuga og markmiðum hvers og eins.

Sjá hér:
https://www.unak.is/is/namid/namsframbod/grunnnam/listnam

Námsbrautir með íslensku sem annað tungumál:

- Sálfræði með íslensku sem annað tungumál

Lögð er áhersla á mannlega hegðun, hugsun og tilfinningar ásamt hagnýtu íslenskunámi þar sem nemendur byggja upp góðan grunn í íslensku máli.

Sjá hér:
https://www.unak.is/is/namid/namsframbod/grunnnam/salfraedi-med-islensku

- Fjölmiðlafræði með íslensku
https://www.unak.is/is/namid/namsframbod/grunnnam/fjolmidlafraedi-med-islensku

- Leikskólakennarafræði með íslensku
https://www.unak.is/is/namid/namsframbod/grunnnam/leikskolakennarafraedi-med-islensku

- Tölvunarfræði á Austurlandi – BS nám frá HR

Frábært tækifæri fyrir þau sem vilja nema tölvunarfræði án þess að flytja af svæðinu.

Sjá hér:
https://austurbru.is/haskolanam/
https://www.unak.is/is/namid/namsframbod/grunnnam/tolvunarfraedi-a-austurlandi

- Diplómanám í skapandi sjálfbærni á HÍ Hallormsstað

Skapandi og þverfaglegt nám í einstöku umhverfi!

Sjá hér:
https://hi.is/skapandi_sjalfbaerni_a_hallormsstad_grunndiploma

Þetta er aðeins brotabrot af því sem í boði er og flest ættu að geta fundið nám við sitt hæfi.

📅 Umsóknarfrestur er til 5. júní.

Ef einhverjar spurningar vakna varðandi námið eða umsóknarferlið má endilega hafa samband við Evu á netfangið: [email protected]

Ríflega 9 milljónir króna runnu nýverið til menningarverkefna á Austurlandi úr Barnamenningarsjóði og Bókasafnasjóði.

Meðal verkefna sem hlutu styrki eru BRAS barnamenningarhátíð, verkefni Bókasafna Fjarðabyggðar og Sögusmiðja Múlaþings fyrir börn og ungmenni.

Styrkirnir styðja við skapandi starf, barnamenningu og aukið aðgengi að menningu um allan landshlutann.

Lesa meira hér:

Ríflega níu milljónir til menningarverkefna á Austurlandi | Austurbrú BRAS, bókasöfn og ritlistarsmiðjur á Austurlandi eru meðal þeirra verkefna sem hlutu styrki úr menningarsjóðum stjórnvalda í ár. Styrkirnir styðja við fjölbreytt menningarverkefni fyrir börn og ungmenni og efla aðgengi að skapandi starfi og menningu um landshlutann.

Loftslagsbreytingar eru þegar farnar að hafa áhrif á hafið og sjávarútveg framtíðarinnar.

Katrín Hulda Gunnarsdóttir hjá Matís verður meðal fyrirlesara á Umhverfisráðstefnu Austurlands þar sem hún fjallar um hvernig sjávarútvegur getur brugðist við breytingum í hafinu með aukinni þekkingu, samstarfi og nýsköpun.

Í erindinu verður meðal annars fjallað um breytingar á útbreiðslu fiskistofna, nýjar áskoranir í hafinu og íslenskar lausnir sem eru í þróun innan evrópska verkefnisins MeCCAM.

- Egilsbúð í Neskaupstað
- 5. júní
- Umhverfisráðstefna Austurlands – Horfum til sjávar

Lesa frétt: https://austurbru.is/loftslagsbreytingar-sjavarutvegur/

Nánari upplýsingar og skráning á Umhverfisráðstefnu Austurlands: https://austurbru.is/umhverfisradstefna-austurlands-horfum-til-sjavar/

Austurbrú hefur hlotið 3,4 milljóna króna styrk úr Byggðarannsóknasjóði Byggðastofnunar fyrir verkefnið Matvælaframleiðsla og staðbundin nýting: Kortlagning framleiðslu og svæðisbundinnar nýtingar á Austurlandi 2023–2025.

Grunnlína lögð fyrir austfirska matvælaframleiðslu | Austurbrú Austurbrú hlaut styrk úr Byggðarannsóknasjóði til að kortleggja austfirska matvælaframleiðslu og staðbundna nýtingu hennar.

Hvað segja gögnin um framtíð veiða við Ísland?

Guðmundur J. Óskarsson, sviðsstjóri á uppsjávarsviði Hafrannsóknastofnunar, segir frá þróun uppsjávarstofna, mögulegum veiðimöguleikum á næstu árum og áhrifum loftslagsbreytinga á hafið á heimasíðu Austurbrúar.

Guðmundur er einn framsögumanna á Umhverfisráðstefnu Austurlands. „Ég mun ræða hvers er að vænta næstu ár með veiðimöguleika miðað við fyrirliggjandi gögn um þróun stofnstærðar og stærð árganga sem eru að koma inn í veiðarnar,“ segir hann.

Umhverfisráðstefna Austurlands fer fram í Egilsbúð í Neskaupstað 5. júní undir yfirskriftinni Horfum til sjávar.

Lesa frétt: https://austurbru.is/ovissan-mikil-um-throun-uppsjavarstofna/

Nánari upplýsingar og skráning á Umhverfisráðstefnu Austurlands: https://austurbru.is/umhverfisradstefna-austurlands-horfum-til-sjavar/

Austurbrú býður fyrirtækjum, stofnunum og félögum upp á starfsánægjukannanir, þjónustukannanir og púlskannanir sem styðja við betri vinnustaði og markvissari þjónustu. Kannanir eru sérsniðnar að þörfum hvers viðskiptavinar og niðurstöðum skilað á skýran og myndrænan hátt ásamt ráðgjöf ef þörf er á.

Lögð er rík áhersla á fagleg vinnubrögð, persónuvernd og örugga meðferð gagna.

Meðal viðskiptavina eru Síldarvinnslan, Samherji, Eskja, Launafl, Loðnuvinnslan, Lostæti, Höttur og Handverk og hönnun.

Viltu fá verðtilboð eða nánari upplýsingar?

Nánari upplýsingar í efstu athugasemd.

Hvernig þróast fiskeldi á Austurlandi?

Þorsteinn Másson, sérfræðingur í fiskeldi hjá Samtökum fyrirtækja í sjávarútvegi, ræðir þróun fiskeldis, mismunandi eldisaðferðir, tæknibreytingar og stöðu Austurlands í nýrri frétt á austurbru.is í aðdraganda Umhverfisráðstefnu Austurlands.

Í viðtalinu fjallar hann meðal annars um samkeppni, líffræðilegar áskoranir, landeldi og sjóeldi og þau tækifæri sem hann telur felast í áframhaldandi þróun greinarinnar fyrir austan.

Umhverfisráðstefna Austurlands fer fram í Egilsbúð í Neskaupstað 5. júní undir yfirskriftinni Horfum til sjávar.

Nánari upplýsingar og skráning: https://austurbru.is/umhverfisradstefna-austurlands-horfum-til-sjavar/

Lesa viðtal við Þorstein: https://austurbru.is/mikil-vaxtataekifaeri-i-fiskeldi-fyrir-austan/