Austurbrú

Úr myndasafni SSA – Breiðdalsvík 2003

Við höldum áfram að rifja upp sögu SSA í tilefni af 60 ára afmæli sambandsins í haust. Að þessu sinni förum við aftur til ársins 2003 þegar aðalfundur SSA var haldinn á Breiðdalsvík dagana 21. og 22. ágúst.

Fundurinn fór fram á miklum umbrotatímum á Austurlandi. Framkvæmdir vegna Kárahnjúkavirkjunar og álvers á Reyðarfirði voru hafnar og þær settu töluverðan svip á umræðuna. Fundurinn fagnaði þeim árangri sem náðst hafði í virkjunar- og álversmálum en lagði jafnframt áherslu á að atvinnuuppbyggingin færi fram í sem mestri sátt við samfélagið. Sérstaklega var kallað eftir rannsóknum á því hvaða áhrif framkvæmdirnar á Mið-Austurlandi hefðu á norður- og suðursvæði fjórðungsins og hvernig íbúar og fyrirtæki þar gætu nýtt sér uppbygginguna.

Samgöngumál voru að sjálfsögðu ofarlega á baugi. SSA fagnaði framkvæmdum við Fáskrúðsfjarðargöng og undirbúningi ganga undir Almannaskarð en kallaði jafnframt eftir rannsóknum og undirbúningi næstu jarðganga, milli Vopnafjarðar og Héraðs annars vegar og Eskifjarðar og Norðfjarðar hins vegar. Þá var lögð áhersla á að bundið slitlag yrði komið á allan þjóðveg 1 á Austurlandi í síðasta lagi árið 2005.

Þá var ýmislegt annað sem enn hljómar kunnuglega til umræðu. Fundurinn fagnaði áformum um uppbyggingu háskólaseturs á Austurlandi, hvatti sveitarfélögin til áframhaldandi samstarfs um sameiginlega markaðssetningu landshlutans og ítrekaði stuðning við stofnun Vatnajökulsþjóðgarðs. Einnig var kallað eftir skýrari verkaskiptingu ríkis og sveitarfélaga og því að tekjustofnar sveitarfélaganna væru í samræmi við verkefni þeirra.

Þá urðu formannsskipti á fundinum. Smári Geirsson lét af formennsku eftir fimm ár og Soffía Lárusdóttir, þá forseti bæjarstjórnar Austur-Héraðs, tók við. Menningarverðlaun SSA féllu í hlut Djasshátíðar Egilsstaða og Árna Ísleifssonar.

Meðfylgjandi myndir voru teknar á aðalfundinum og í tengslum við hann á Breiðdalsvík fyrir 23 árum. Eins og áður þiggjum við með þökkum allar upplýsingar um fólkið á myndunum og ekki síður sögurnar sem þeim fylgja!

Gleðilega Hinsegin daga!

Í tilefni Hinsegin daga er Jódís Skúladóttir, talskona Hinsegin Austurlands, gestur í nýjasta þætti Austurlands hlaðvarps. Rætt er um Regnbogahátíð Austurlands, starf félagsins, sýnileika og samfélag hinsegin fólks á landsbyggðinni og mikilvægi þess að standa stöðugt vörð um mannréttindi.

Tengill á þátt í athugasemd.

📸 Úr myndasafni SSA

Í tilefni af 60 ára afmæli SSA rifjum við upp augnablik úr sögu sambandsins.

Þessar myndir voru teknar á aðalfundi SSA á Seyðisfirði dagana 23. og 24. ágúst 2002. Á fundinum var meðal annars lýst yfir stuðningi við uppbyggingu fiskeldis á Austurlandi og fagnað samstarfi um fyrirhugaða Kárahnjúkavirkjun og álver Alcoa. Jafnframt fagnaði fundurinn því að Vegagerðin hefði mælt með jarðgöngum milli Fáskrúðsfjarðar og Reyðarfjarðar sem næstu jarðgangaframkvæmdum og lagði áherslu á áframhaldandi undirbúning ganga milli Norðfjarðar og Eskifjarðar og milli Vopnafjarðar og Héraðs. Þá hvatti fundurinn einnig til þess að Vatnajökulsþjóðgarður yrði stofnaður fyrir árslok 2002.

Ýmislegt af því sem rætt var á fundinum varð síðar að veruleika, annað ekki eins og gengur, en það er áhugavert að líta um öxl og rifja upp umræðurnar eins og þær voru fyrir rúmum tveimur áratugum.

Kannist þið við einhvern á myndunum? Eða munið þið eftir fundinum?

Endilega segið okkur frá í athugasemdum eða sendið okkur skilaboð.

..

Athugasemd 7. ágúst: Við fengum þá ábendingu í gær að hluti myndanna séu teknar í félagsheimilinu Miklagarði á Vopnafirði. Ritstjóri vill ekki fjarlægja myndirnar, enda skemmtilegar, en þetta verður fært til bókar í skjalasafni Austurbrúar!

📸 Úr myndasafni SSA

Í tilefni af 60 ára afmæli SSA í haust erum við farin að fara í gegnum gamlar myndir úr safni sambandsins.

Þessar myndir voru teknar í Egilsbúð í Neskaupstað, líklega í kringum aldamótin, en svo skemmtilega vill til að afmælinu í haust verður einmitt fagnað í þessu sögufræga félagsheimili á haustþingi SSA 18. og 19. september.

Kannist þið við einhvern á myndunum? Munið þið við hvaða tilefni þær voru teknar?

Endilega segið okkur frá í athugasemdum eða sendið okkur skilaboð!

„Við vildum nýta viðskiptahraðalinn til að spegla okkur í öðrum og fá nýja sýn á verkefnið,“ segir Margrét Sigfúsdóttir hjá ferðaþjónustunni Sólbrekku í Mjóafirði.

Margrét og Guðjón Halldórsson tóku þátt í Startup Landinu 2025 og segja mentorafundina og leiðsögnina hafa hjálpað þeim að skerpa sýnina á verkefnið og staðfesta að þau væru á réttri leið.

Nú er komið að næstu frumkvöðlum. 💡

Ef þú ert með hugmynd sem þú vilt þróa áfram eru umsóknir í Startup Landið 2026 opnar til 1. september.

Frekari upplýsingar á heimasíðu Startup Landið: https://startuplandid.is/

Frekari upplýsingar á austurbru.is:
https://austurbru.is/opnad-fyrir-umsoknir-i-startup-landid-2026/

..

"We wanted to use the accelerator to gain fresh perspectives and test our ideas against the experience of others," says Margrét Sigfúsdóttir from Sólbrekka in Mjóifjörður.

Margrét and Guðjón Halldórsson took part in Startup Landið 2025. They say the mentoring sessions and expert guidance helped them refine their business idea and confirmed they were on the right track.

Now it's your turn. 💡

Applications for Startup Landið 2026 are now open until 1 September. If you have an idea you want to develop, this could be the opportunity you've been looking for.

Í sumar hefur Austurbrú lagt sérstaka áherslu á að efla myndabanka sinn með nýju og vönduðu myndefni. Ljósmyndari okkar, Esther Ösp Gunnarsdóttir, hefur ferðast vítt og breitt um fjórðunginn og myndað stórbrotna náttúru, kennileiti, áhugaverða áfangastaði, bæjarlíf, veitinga- og gististaði, afþreyingu og margt fleira. Verkefnið er vel á veg komið en ljósmyndarinn verður á ferðinni um Austurland eitthvað fram í ágúst.

Allir samstarfsaðilar Austurbrúar hafa aðgang að myndabankanum og geta nýtt myndir þaðan sér að kostnaðarlausu. Er þitt fyrirtæki samstarfsaðil?

- Frekari upplýsingar í fyrstu athugasemd.

Sveitarfélög um allt land krefjast svara um framtíð heilbrigðiseftirlitsins

Alþingi hefur samþykkt umfangsmiklar breytingar á fyrirkomulagi eftirlits með hollustuháttum, mengunarvörnum og matvælum. Landshlutasamtök sveitarfélaga um allt land telja brýnt að ráðuneytin svari því án tafar hvernig staðið verður að framkvæmd breytinganna.

- Hlekkur greinina í heild sinni í fyrstu athugasemd.

Borðað við bryggjukantinn 🌊

Það er fátt sem jafnast á við góða máltíð með útsýni yfir hafið. Á Austurlandi má finna nokkra matsölustaði þar sem hægt er að setjast niður á eða við bryggjukantinn og njóta matar, drykkjar og stórbrotins landslags. Á sólríkum sumardegi er sérstaklega notalegt að sitja úti á bryggju, fylgjast með bátunum koma og fara og njóta þess sem svæðið hefur upp á að bjóða. Næst þegar þú leggur leið þína um Austurland gæti verið tilvalið að gera matarhlé við bryggjuna.

Hér eru nokkrir frábærir valkostir:
- Randulffs sjóhús, Eskifirði
- L'abri á Fáskrúðsfirði
- Beituskúrinn, Neskaupstað

Á Mjóeyri býr þessa dagana tófan Stjarna.

Á hverju vori í rúman áratug hafa yrðlingar komið til Mjóeyrar á Eskifirði þar sem þeir alast upp í návist fólks og annarra dýra, ekki síst tíkarinnar Skottu, áður en þeir halda aftur út í náttúruna þegar haustar.

Að sögn Antons Bergs Sævarssonar hjá ferðaþjónustunni á Mjóeyri hefur Stjörnu tekist óvenju vel að aðlagast lífinu á eyrinni og virðist hún hafa ákveðið að hún sé að minnsta kosti að hluta til hundur.

Á meðfylgjandi myndum, sem Esther Ösp Gunnarsdóttir tók fyrir markaðsteymi Austurbrúar (Visit Austurland), má sjá Stjörnu leika sér við Skottu sem hefur tekið nýja félaganum opnum örmum þrátt fyrir töluverðan stærðar- og aldursmun. Að sögn Antons er þetta sjón sem gestir og heimamenn fá seint leið á. Myndir og myndbönd af Stjörnu hafa vakið mikla athygli og margir gera sér ferð á Mjóeyri til að fylgjast með henni.

Þegar hausta tekur verður refurinn smám saman sjálfstæðari, fer í lengri leiðangra upp til fjalla og einn daginn kemur hann einfaldlega ekki aftur. „Þá er hann orðinn fullorðinn og fer bara að heiman, eins og við mannfólkið,“ segir Anton.

Sumir refir frá Mjóeyri hafa reyndar náð lengra en flestir. Þar má nefna refinn Jarl sem ólst upp á Mjóeyri áður en hann flutti síðar í Húsdýragarðinn í Reykjavík. Þar varð hann landsfrægur sem „Spádómsrefurinn Jarl“ þegar hann spáði fyrir um úrslit leikja á Evrópumótinu í handknattleik fyrir nokkrum árum með býsna góðum árangri.

Hvort Stjarna búi yfir sambærilegri spádómsgáfu á eftir að koma í ljós. Ef svo reynist gæti hún ef til vill lagt sitt af mörkum við að spá fyrir um úrslit leikja á heimsmeistaramótinu í knattspyrnu sem nú stendur sem hæst.

En þangað til það kemur í ljós eru allir velkomnir á Mjóeyri að heilsa upp á Stjörnu.