Menntaskólinn á Egilsstöðum

24/09/2026

Nemendur og starfsfólk sem sóttu líflega Starfamessu Austurlands í dag voru komin heim síðdegis. Takk fyrir okkur, Neskaupstaður! 🥰Sjá nánari upplýsingar í hlekk í frétt á vefsíðu ME, hér í athugasemd.

24/09/2026

Kíkið á nýjustu Ókindina á me.is
https://www.me.is/is/frettir/okindin-2025-2026-komin-a-meis

Menntaskólinn á Egilsstöðum er góður kostur fyrir þá sem vilja stunda nám á spönnum í verkefnamiðuðu námi

16/09/2026

Í dag, á Degi íslenskrar náttúru, fékk skólinn Grænfánann afhentan í annað sinn. Sjá nánari upplýsingar í fyrstu athugasemd hér fyrir neðan.

15/09/2026

🏠 ‼️ HEIMAVISTARBÚAR ATHUGIÐ! Það verður heimavistarfundur í dag, þriðjudag í 6. blokk kl: 15:15 á sal skólans í vistarhúsi.

Farið verður yfir ýmis praktísk heimavistarmál eins og umgengni og samskipti ásamt áætlanum um brunavarnir og flóttaleiðir.

Kosið verður einnig í heimavistarráð fyrir skólaárið - Tveir nemendur af hverjum gangi. Áhugasamir hafi samband við skólameistara en einnig má bjóða sig fram á fundinum.

Mjög mikilvægt að allir nemendur á heimavist mæti! 💙💛

10/09/2026

Í dag mættu nemendur og starfsfólk ME í gulu en með því sýndum við saman stuðning við mikilvægan málstað og minntum hvert annað á að það skiptir máli að tala um líðan og vera til staðar fyrir hvert annað.

Það á enginn að þurfa að takast á við erfiða líðan einn. Ef þér líður illa, eða þú hefur áhyggjur af einhverjum öðrum, er mikilvægt að tala við einhvern sem þú treystir – foreldri, ættingja, vin, kennara, leita til aðila í nemendaþjónustu svo sem eins og námsráðgjafa, félagsráðgjafa eða til annars fullorðins.💛

Hægt er að fá aðstoð og ráðgjöf allan sólarhringinn hjá:

Hjálparsíma Rauða krossins – 1717. Einnig er hægt að nota netspjall 1717.

og

Píeta samtökunum – 1799
Stuðningur fyrir fólk í sjálfsvígshættu, með sjálfsskaða eða sjálfsvígshugsanir og aðstandendur þeirra.

Það er alltaf í lagi að biðja um hjálp! It’s OK to not be OK! 💛

04/09/2026

Við erum öll í sama liði 🫶 Í tilefni Treyjudagsins mættu nemendur og starfsfólk í uppáhalds treyjunum sínum til stuðnings börnum með krabbamein. Dagurinn hefur verið haldinn í Svíþjóð, Noregi og Danmörku um árabil en í ár hefur Börn með krabbamein, styrktarfélag einnig hvatt Íslendinga til þátttöku. Á vefsíðu þeirra er jafnframt hægt að lesa meira um þeirra frábæra starf og styðja við félagið, bæði með stöku framlagi eða mánaðarlegri upphæð. 👕

03/09/2026

Á morgun, 4. september er árlegi TREYJUDAGURINN! Við hvetjum ykkur öll til að mæta í ykkar uppáhalds treyju til að vekja athygli á málefnum barna með krabbamein og styrkja félagið. 👕

03/09/2026

Nemendur sem eiga rétt á jöfnunarstyrk geta nú sótt um með rafrænum skilríkjum í gegnum Menntasjóð námsmanna. Allar nánari upplýsingar í frétt í athugasemd.

01/09/2026

Í dag er göngudagur í ME, fyrsti af þremur opnum dögum yfir skólaárið. Mæting rétt fyrir kl. 10:00 fyrir utan skólann. Komið klædd eftir veðri. Nánari upplýsingar í tengli á frétt í athugasemd.

28/08/2026

💡Vissir þú að dagskólanemum í ME stendur til boða að sækja um AFS skiptinám á 85% styrk til Evrópu 2x á hverju skólaári? 🌍 🍂Haustdvöl🍂 í 3 mánuði eða ❄️vetrardvöl❄️ í 5 mánuði.

🫵 Ef þig langar að eiga möguleika á vetrardvöld frá janúar/febrúar 2027 þá er fyrsta skrefið að sækja um fyrir 10. september 2026, kl.23:59.

🤝 Samstarf ME og AFS og Erasmus+ skólastyrkurinn veitir ómetanleg tækifæri fyrir ME-inga á aldrinum 16-18 ára. Þú ættir að sækja um ef þig langar til að prófa að búa í öðru landi í Evrópu og upplifa hvernig það er að vera unglingur þar, læra nýtt tungumál, upplifa nýja menningu, verða hluti af fósturfjölskyldu og fara í nýjan skóla. Þú getur sótt um ef þú ert dagskólanemandi í ME á aldrinum 16-18 ára og hefur áhuga á skiptinámi.

🗓️❄️ Skiptinámið með vetrarbrottför hefst í janúar/febrúar 2027 og stendur yfir í 5 mánuði.

Styrkurinn greiðir fyrir 85% af heildarkostnaði vegna skiptinámsins. Til upplýsingar er 15% kostnaðarhluti tæpar 300.000 kr.

Það eru mörg lönd í Evrópu sem taka á móti nemendum í Erasmus + skiptinám, t.d. Belgía, Ungverjaland, Slóvakía, Tékkland, Tyrkland, Þýskaland og fleiri lönd. Það er EKKI hægt að velja sér land og þeir nemendur sem að vilja fara “hvert sem er” ganga fyrir.

Athugið að sérstök áhersla er lögð á að veita nemum með færri tækifæri á að fara í skiptinám pláss. Búseta í strjálbýli eða takmörkuð fjárráð falla meðal annars þar undir, en tekið er á móti öllum umsóknum, svo ekki hika við að sækja um.

Umsóknir, þar sem fjölskyldur umsækjenda geta hýst erlendan skiptinema á meðan á skiptinámi umsækjanda stendur, ganga fyrir öðrum umsóknum.

Allar nánari upplýsingar veitir Nanna náms- og starfsráðgjafi

Umsóknartengil má finna í frétt um skiptinámið á www.me.is