Glerárskóli

Glerárskóli Þetta er fésbókarsíða Glerárskóla, sem miðlar upplýsingum af heimasíðu skólans.

Bókakassar fyrir bókasafniðNemendur í 5. og 6. bekk í sjónlistum tóku að sér skemmtilegt verkefni fyrir bókasafniðokkar ...
17/09/2026

Bókakassar fyrir bókasafnið

Nemendur í 5. og 6. bekk í sjónlistum tóku að sér skemmtilegt verkefni fyrir bókasafnið
okkar – að mála utan á bókakassa.Þemað var í anda Disney og lögðu nemendur mikinn
metnað og áhuga í verkefnið.

Afraksturinn er virkilega flottur og hefur sannarlega lífgað upp á bókasafnið.

Það er gaman að fá tækifæri til að nýta sköpunargleði nemenda til að fegra og gera umhverfi skólans okkar enn skemmtilegra.

Við erum mjög stolt af flottu bókakössunum og duglegum nemendum okkar!

Ólympíuhlaup ÍSÍÓlympíuhlaup ÍSÍ, áður Norræna skólahlaupið, hefur verið fastur liður í skólastarfi margra grunnskóla al...
15/09/2026

Ólympíuhlaup ÍSÍ
Ólympíuhlaup ÍSÍ, áður Norræna skólahlaupið, hefur verið fastur liður í skólastarfi margra grunnskóla allt frá 1984 þegar það fór fyrst fram.
Þátttaka skólanna hefur verið bæði góð og almenn í gegnum árin ognáði algjöru hámarki í fyrra þegar yfir 100 grunnskólar á landinu tóku þátt.
Með Ólympíuhlaupi ÍSÍ er fyrst og fremst verið að leitast við að hvetja nemendur skólanna til þess að hreyfa sig reglulega og stuðla þannig að
betri heilsu og líðan.

Í gær, miðvikudaginn 9. september, fór Ólympíuhlaup ÍSÍ fram í Glerárskóla.
Nemendur í 5. – 10. bekk hlupu skólahringinn sem er um 2,6 km langur og nemendur í 1. – 4. bekk hlupu styttri skólahringinn sem er um 1,7 km langur.
Veittar voru viðurkenningar á mið- og unglingastigi fyrir efstu þrjú sætin. Að þessu sinni voru eftirfarandi nemendur hlutskarpastir:

8. – 10. b. – drengir
1. Edrien Zeg (9. b.)
2. Adrien Zues (10. b.)
3. Jóel Orri (10. b.)

8. – 10. b. – stúlkur
1. Lydia Björk (9.b.)
2. Maísól Anna (9.b.)
3. Maríanna (8.b.)

5. – 7. b. – drengir
1. Nadir (6.b.)
2. Óðinn Helgi (5.b.)
3. S. Eysteinn (6.b.)

5. – 7. b. – stúlkur
1. Elísa Dagný (7.b.)
2. Bergþóra (5.b.)
3. Julietta (7.b.)

Dagur læsisDagur læsis er 8. september ár hvert og að sjálfsögðu héldum við upp á daginn í Glerárskóla.Lestur er mikilvæ...
15/09/2026

Dagur læsis
Dagur læsis er 8. september ár hvert og að sjálfsögðu héldum við upp á daginn í Glerárskóla.

Lestur er mikilvægur þáttur í námi og þroska barna á öllum aldri. Með lestri eykst orðaforði, málskilningur og færni til að tjá sig en lestur opnar líka dyr að nýjum heimum, hugmyndum og upplifunum. Hann ýtir undir ímyndunarafl, eflir gagnrýna hugsun og gefur okkur tækifæri til að kynnast ólíkum persónum og menningu.

Í tilefni að Degi læsis hittust vinabekkir, áttu góða stund saman og unnu að fjölbreyttum verkefnum tengdum læsi, allt eftir aldri og þroska nemenda.
Það var virkilega gaman að sjá nemendur á ólíkum aldri njóta lestursins saman.

Sem dæmi má nefna að nemendur í 7. bekk heimsóttu 2. bekk. Fyrst lásu nemendur í 2. bekk fyrir eldri nemendur og sýndu þeim hvað þeir hafa tekið miklum framförum í lestri. Síðan var skipt um hlutverk og nemendur í 7. bekk lásu fyrir yngri nemendurna. Þá lásu nemendur í 6. bekk fyrir nemendur í 1. bekk í smáum hópum og ræddu um söguna og það sama var upp á teningnum í samveru 3. og 8. bekkjar en þau teiknuðu einnig mynd út frá sögunni.

Virkilega ánægjulegur og skemmtilegur lestrardagur í Glerárskóla eins og myndin hér fyrir neðan sýnir. Fleiri myndir eru á heimasíðu.

Glerárskóli tekur þátt í Göngum í skólann.Verkefnið Göngum í skólann er á vegum Íþrótta- og Ólympíusambands Íslands, Emb...
04/09/2026

Glerárskóli tekur þátt í Göngum í skólann.

Verkefnið Göngum í skólann er á vegum Íþrótta- og Ólympíusambands Íslands, Embætti landlæknis, Mennta- og
menningarmálaráðuneytisins, Ríkislögreglustjóra, Samgöngustofu, Slysavarnarfélagsins Landsbjargar og Heimilis og skóla.
Glerárskóli hefur verið skráður til leiks og við hvetjum nemendur og starfsfólk til að taka virkan þátt.
Glerárskóli hefur áður tekið þátt í Göngum í skólann þar sem unnið hefur verið með ýmsa þætti er tengjast umhverfi, umferð og hreyfingu og hefur árangur okkar verið mjög góður.

Göngum í skólann verður sett mánudaginn 7. september.
Við í Glerárskóla ætlum að taka þátt með skráningum í skólanum á hverjum virkum degi frá 7. september til og með 18. september 2026. Nánari upplýsingar um verkefnið má nálgast hér http://www.gongumiskolann.is

Allir nemendur koma heim í dag með endurskinsmerki tengt átakinu og hvetjum við alla til að nota það nú þegar skammdegið tekur við. Einnig hafa forráðamenn fengi póst um lista til að skrá sig á gangbrautarvörslu á meðan átakið er.

Glerárskóli tekur þátt í Treyjudeginum.Treyjudagurinn er föstudagurinn 4. september og þann dag hvetjum við nemendur og ...
02/09/2026

Glerárskóli tekur þátt í Treyjudeginum.

Treyjudagurinn er föstudagurinn 4. september og þann dag hvetjum við nemendur og starfsfólk
Glerárskóla til að klæðast uppáhaldstreyjunni sinni til stuðnings börnum með krabbamein og fjölskyldum þeirra.
Treyjudagurinn var fyrst haldinn á Englandi árið 2013 en dagurinn eins og við þekkjum hann í dag byggist á danskri fyrirmynd Børne Cancer Fonden frá árinu 2019. Fljótlega bættust Noregur og Svíþjóð í hópinn og á örfáum árum hefur átakið sameinað þúsundir einstaklinga, fyrirtækja, skóla og íþróttafélaga í stuðningi við börn með krabbamein. Með Treyjudeginum bætist Ísland í hópinn.

Á Treyjudaginn klæðist fólk uppáhalds treyjunni sinni og sýnir þannig börnum með krabbamein og fjölskyldum þeirra stuðning í verki.
Það skiptir ekki máli hvaða liði við höldum með, á Treyjudaginn erum við öll í sama liði fyrir börn með krabbamein.
Nánari upplýsingar um Treyjudaginn má finna hér.
https://treyjudagur.is/

Vel heppnaður útivistardagur.Í dag var útivistardagur hjá nemendum og starfsfólki Glerárskóla. Þó það hafi verið dálítið...
02/09/2026

Vel heppnaður útivistardagur.

Í dag var útivistardagur hjá nemendum og starfsfólki Glerárskóla. Þó það hafi verið dálítið þungbúið
yfir í morgun létti til þegar leið á daginn og við fengum gott útivistarveður. Unglingastigið gekk upp
að Hraunsvatni, miðstigið upp í Fálkafell, Gamla og þaðan yfir í Kjarnaskóg og yngsta stigið fór m.a. í Lystigarðinn, Sílabás og Krossanesborgir auk þess sem þau nýttu nærumhverfi skólans.

Dagurinn gekk vel, var skemmtilegur og það voru ánægðir og sælir nemendur sem skiluðu sér til baka í skólann að lokinni útivist dagsins.

Fleiri myndir eru á heimasíðu skólans https://glerarskoli.is/

Útivistardagur þriðjudaginn 1. september.Á morgun, þriðjudaginn 1. september 2026, verða nemendur og starfsfólk Glerársk...
31/08/2026

Útivistardagur þriðjudaginn 1. september.

Á morgun, þriðjudaginn 1. september 2026, verða nemendur og starfsfólk Glerárskóla á ferð og flugi úti um víðan völl vegna útivistardags Glerárskóla. Skóli verður þann daginn frá 8:15 til 13:15 hjá öllum nemendum og Frístund er opin að skóla loknum fyrir skráða nemendur í 1. – 4. bekk.

Mikilvægt er að nemendur komi klæddir eftir veðri, vel útbúnir til útivistar og með gott nesti.
Allar nánari upplýsingar hafa foreldra/forráðamanna fengið í tölvupósti.

1. bekkur fær nestisbox að gjöf.Þá er skólinn okkar farinn að iða af lífi og fjöri eftir að nemendur komu aftur til star...
28/08/2026

1. bekkur fær nestisbox að gjöf.

Þá er skólinn okkar farinn að iða af lífi og fjöri eftir að nemendur komu aftur til starfa eftir sumarfrí.

Fyrsta skóladag 1. bekkinga í skólanum var þeim öllum færð nestisbox að gjöf en það er foreldrafélag Glerárskóla sem gefur nestisboxin.
Um leið og við bjóðum 1. bekkinga velkomin í Glerárskóla þökkum við foreldrafélaginu kærlega fyrir þessa gjöf.

Loksins er nýja og glæsilega skólalóðin okkar tilbúin.Í gær, á fyrsta skóladegi skólaársins 2026–2027, vígðum við nýju s...
26/08/2026

Loksins er nýja og glæsilega skólalóðin okkar tilbúin.

Í gær, á fyrsta skóladegi skólaársins 2026–2027, vígðum við nýju skólalóðina okkar formlega.
Framkvæmdir hafa staðið yfir um nokkurt skeið en nú er þeim loksins að mestu lokið og leiktækin tilbúin til notkunar.

Nemendur hafa beðið spenntir en þolinmóðir á meðan framkvæmdirnar stóðu yfir og nú er biðin loks á enda.
Afraksturinn er ein flottasta skólalóð landsins og erum við afskaplega ánægð og stolt af þessu nýja og glæsilega umhverfi. Við hlökkum til að sjá skólalóðina okkar iða af lífi, leik og gleði.

Að sjálfsögðu héldum við formlega vígsluathöfn og klipptum á borða, eins og hefð er fyrir þegar ný og stór mannvirki eru tekin formlega í notkun. Það voru yngsti og elsti nemandi skólans sem fengu það verkefni að klippa á borðann og opna skólalóðina formlega.

Við erum einstaklega stolt af nýju skólalóðinni okkar og hlökkum til að sjá hana verða að vettvangi leikja, samveru og sköpunar fyrir nemendur okkar um ókomin ár.

Sjá fleiri myndir á heimasíðu skólans https://glerarskoli.is/

19/08/2026

Skólasetning Glerárskóla.

Mánudaginn 24. ágúst verður Glerárskóli settur í íþróttasal skólans eða í austurgryfju (fer ef veðri).

Skólasetning verður sem hér segir:
2.-4. bekkur kl. 9:00
5.-7. bekkur kl. 10:00
8.-10. bekkur kl. 11:00

Að skólasetningu lokinni ganga nemendur með umsjónarkennurum í stofur þar sem þeir fá allar helstu upplýsingar um skólastarfið.

Nemendur og forráðamenn 1. bekkjar verða boðaðir til viðtals 24. ágúst 2026.
Forráðamenn fá tölvupóst um viðtalstíma.

Skólastarf hjá 1.-10. bekk hefst samkvæmt stundaskrá þriðjudaginn 25. ágúst 2026.

Address

V/Höfðahlíð
Akureyri
603

Telephone

461 2666

Website

Alerts

Be the first to know and let us send you an email when Glerárskóli posts news and promotions. Your email address will not be used for any other purpose, and you can unsubscribe at any time.

Contact The School

Send a message to Glerárskóli:

Shortcuts

Share

Category