Gamli barnaskólinn í Skógum

Hvað er betra á sumardaginn fyrsta, fimmtudaginn 23. apríl milli klukkan 14:00 og 17:00 en ilmurinn og bragðið af nýbökuðum vöfflum, og vor í lofti í Fnjóskadal.
Kvenfélag Fnjóskdæla verður með Vöfflukaffi í Skógum, til styrktar endurnýjun á þaki hússins.
Sama góða verðið, fullorðnir 1000 kr/ börn 500 kr, vafflan, ábót 500 krónur, kaffi 500 kr. Enginn posi.

Minnum á samverustund í Skógum næsta mánudagskvöld 13.apríl kl 19:30 til 21:30.
Síðasta samverustundin um sinn. Sjáumst og með1000 kr. að venju.
Alltaf eitthvað gott og gaman þegar við komum saman.
Þökkum frábæra samveru og góða aðsókn til þessa. Skoðum stöðuna aftur í haust.
Stjórnin

Við sem sitjum í stjórn Gamla barnaskólans þökkum ykkur öllum sem komuð í súpu til okkar í gærkvöldi kærlega fyrir komuna. Kvöldið var að okkar dómi einstaklega ánægjulegt og þetta virtust svo sannarlega samfélagslegar súpur. Maður er manns gaman og þegar fók nær að hittast í góðu tómi gerist eitthvað gott.
Vonandi fóru súpurnar vel í ykkur en fyrir ykkar tilstilli færumst við nær því að geta gert lagfæringar á þaki hússins, sem er mjög brýnt.

Bestu kveðjur
Stjórnin

Minnum á súpukvöldið laugardaginn 14.mars kl 18:00 til 21.
Sjáumst

Veturinn ætlar að fara hratt hjá því nú er næst síðasta samverustund vetrarins framundan í Skógum. Hittumst 16.mars kl. 19:30 til 21:30 og eigum saman ánægjulega samveru að vanda með prjóna, spil, spjall og annað. Kaffi og te verður á sínum stað og væntanlega 1000 kr í vösum.
Sjáumst

Súpukvöld í Skógum
Góðir hálsar, takið eftir!
Laugardagskvöldið 14. mars nk. verða ljúffengar súpur seldar í Skógum til fjáröflunar fyrir húsnæði gamla skólans. Opið verður frá kl 18:00 til 21:00.
Í boði verða brauðsúpa með rjóma og mexíkósk hakksúpa með tilheyrandi.
Verð 3500 kr, innifalið kaffi og sætur biti.
Í leiðinni er tilvalið að kíkja í myndasafnið “Fólkið í dalnum” og grúska í bókahillum. Allar bækur til sölu, 500 kr kg.
Hlökkum til að sjá ykkur.
Stjórnin

Gamli barnaskólinn Skógum
Nú er húsnæði gamla skólans til útleigu fyrir alla þá sem hafa hug á hvers kyns viðburðum. Um er að ræða gömlu kennslustofuna sem býður upp á aðstöðu fyrir veislur og minni samkomur, fundi eða námskeið. Einnig er annað rými sem nýta má með ýmsum hætti og þar eru listar svo hægt er að hengja upp myndir fyrir sýningu. Í húsnæðinu er vottað eldhús fyrir veitingarekstur. Hægt er að leigja dagstund, eina helgi eða vikur, lengri eða skemmri tíma. Áhugasamir hafi samband í síma 848-3547 (Birna) eða 899-1010 (Sigrún)

Nú líður að annarri samverustund í Skógum þetta árið en samverustundir verða að jafnaði 3. mánudag í mánuði kl 19:30 – 21.30. Næst samverustund verður því 16. febrúar (bolludag), svo 16. mars og að síðustu 13. apríl sem yrði síðasta samverustund þessa vetrar.
Sjáumst næsta mánudag hress að vanda, til í flest með litlar 1000 kr í vasanaum.

Komið þið sæl. Þá er árið 2026 runnið upp og komið að fyrstu samverustund á nýja árinu.
Opið verður í Skógum næsta mánudag, 26.janúar, kl 19:30 til 21:30 eins og vant er.
Sama snið og áður, sami 1000 karlinn og kvöldhressing. Allir velkomnir.
Sjáumst.

Síðasta samverustundin í Skógum 2025
Næsta mánudagskvöld, 8. des er komið að síðustu samverustund ársins í Skógum. Að þessu sinni verður hægt að skoða og blaða í nýútkomnum bókum frá bókasafninu í Stórutjarnaskóla auk fyrri viðfangsefna. Jafnvel verður hægt að krækja í eldri bækur í Skógum á góðu verði.
Síðast en ekki síst verður boðið upp á heitt kakó og með því. Alltaf eitthvað gott og gaman.
Opið frá kl 19:30 til 21.30. Munið eftir “þúsundkarlinum”.
Stjórnin