Menntaskólinn á Akureyri

Menntaskólinn á Akureyri Menntaskólinn á Akureyri er bóknámsskóli sem byggir á fornri hefð en leitast við að vera í fremstu röð framhaldsskóla á Íslandi.

Stúdentar úr MA eiga að vera gjaldgengir í hvaða háskólanám sem er hvar sem er í veröldinni. Hluti af hefð MA er afar öflugt félagsstarf, sem stýrt er og skipulagt af nemendum sjálfum. Metnaðarfullt og heilbrigt félagsstarf er ásamt traustu bóknámi gott veganesti á lífsins braut. Allt um skólann og skólahúsin, starfsfólk og stjórnun skólans:
http://www.ma.is/is/skolinn

Allt um námið, námsleiðir, reglur o.fl.:
http://www.ma.is/is/namid

Um þjónustu skólans, námsráðgjöf, skrifstofur, gjaldskrár o.fl.:
http://www.ma.is/is/thjonusta

Á Skólatorginu er ýmislegt gagnlegt, tilkynningar, vefmyndavél, dagatal og samantekt frétta:
http://www.ma.is/is/skolatorg

Ari Brynjólfsson (1926–2013) varð stúdent frá MA árið 1948. Hann var eðlisfræðingur og átti langan og fjölbreyttan vísin...
26/09/2026

Ari Brynjólfsson (1926–2013) varð stúdent frá MA árið 1948. Hann var eðlisfræðingur og átti langan og fjölbreyttan vísindaferil, einkum á sviði kjarn- og geislaeðlisfræði og hagnýtingar geislunar. Áhugi hans á eðlisfræði og raungreinum kviknaði í MA og tengsl hans við Akureyri og skólann voru alla tíð sterk.
Færri vita að Ari var líka efnilegur frjálsíþróttamaður á skólaárunum í MA. Hann setti t.a.m. skólamet í 3000 metra hlaupi árið 1947 þegar hann hljóp vegalengdina á 11:17,0 mínútum. Tólf árum síðar voru bestu frjálsíþróttaafrek skólans rifjuð upp í skólablaðinu. Metið hans Ara stóð enn árið 1959. Næstbesti tíminn var nokkuð langt frá tímanum hans Ara eða 11:39,2 mínútur. Íslandsmetið í greininni sumarið 1947 átti Óskar Jónsson í ÍR. Metið var 8:52,4 mínútur. Til gamans má geta þess að Ari setur skólametið á þeim tíma sem gjarnan hefur verið vísað til sem íslenska vorsins í frjálsum íþróttum. Nú er spurning hvort metið hans Ara frá árinu 1947 standi óhaggað árið 2026.
Aravaka – minningarmálþing um eðlisfræðinginn Ara Brynjólfsson fer fram á morgun sunnudaginn 27. september í Menntaskólanum á Akureyri í tilefni af 100 ára fæðingarafmæli hans. Málþingið er opið öllum áhugasömum. Nánari upplýsingar um dagskrá og tímasetningar má finna á heimasíðu skólans.

Náms- og starfsráðgjafarnir Lena og Sandra eru hluti af stoðteymi MA og leggja áherslu á að nemendur viti að þeir geti a...
24/09/2026

Náms- og starfsráðgjafarnir Lena og Sandra eru hluti af stoðteymi MA og leggja áherslu á að nemendur viti að þeir geti alltaf leitað til þeirra.

Lena og Sandra eru fyrstu viðmælendurnir í nýjum lið þar sem við kynnumst fólkinu í MA nánar.

Lena er Akureyringur og gamall MA-ingur og hefur starfað við skólann í 20 ár og þannig verið í MA meira og minna hálfa ævina. Sandra er fædd og uppalin á Eskifirði en hefur búið á Akureyri í 15 ár og starfað við MA í tæp fjögur ár.

Starf þeirra er fjölbreytt og snýr bæði að námi og líðan nemenda. „Við erum talsmenn nemenda, stöndum vörð um velferð þeirra og erum bundnar þagnarskyldu. Nemendur geta leitað til okkar út af líðan, vegna persónulegra mála eða einhvers sem hefur áhrif á námið.“

Þær aðstoða meðal annars við skipulag, tímastjórnun og námstækni og veita ráðgjöf vegna prófkvíða, lesblindu, ADHD og annarra áskorana í námi. Þær hjálpa nemendum við val á námsbrautum og valgreinum og við að átta sig á áhugasviðum sínum og möguleikum að loknu stúdentsprófi.

Lena og Sandra leggja áherslu á að ekki þurfi að vera eitthvað mikið að svo nemendur geti leitað til þeirra. „Það þarf ekki stórt vandamál til þess að koma til okkar, eða vandamál yfir höfuðið. Það er alltaf hægt að kíkja við og koma í spjall.“

Dagskrá Íþróttaviku Evrópu í MA🏃🏀🧗‍♂️
23/09/2026

Dagskrá Íþróttaviku Evrópu í MA🏃🏀🧗‍♂️

Föstudaginn 25. september er námsmatsdagur í MA. Kennsla samkvæmt stundaskrá fellur niður en próf verða lögð fyrir í ákv...
23/09/2026

Föstudaginn 25. september er námsmatsdagur í MA. Kennsla samkvæmt stundaskrá fellur niður en próf verða lögð fyrir í ákveðnum námsgreinum og hefjast þau klukkan 9:00. Próftöflu má nálgast á heimasíðu skólans.

Inga Sæland, ráðherra mennta- og barnamála, heimsótti skólann í dag. Hún heimsótti einnig Síðuskóla og Verkmenntaskólann...
18/09/2026

Inga Sæland, ráðherra mennta- og barnamála, heimsótti skólann í dag. Hún heimsótti einnig Síðuskóla og Verkmenntaskólann. Skólastjórnendur tóku á móti henni ásamt stjórn skólafélagsins Hugins. Gengið var um skólann, nemendur í 1G fengu að spyrja hana spurninga sem lið í verkefni í menningarlæsi og að lokum afhenti skólameistari henni gullugluna, heiðursmerki skólans.

Við þökkum ráðherra fyrir heimsóknina.

Í ársbyrjun greindum við frá fagurlega skreyttri glósubók í ensku sem fannst á lofti Gamla skóla. Við vitum ekki hversu ...
15/09/2026

Í ársbyrjun greindum við frá fagurlega skreyttri glósubók í ensku sem fannst á lofti Gamla skóla. Við vitum ekki hversu gömul bókin er og okkur hefur ekki tekist að hafa upp á eiganda hennar. Við teljum þó að rekja megi bókina til miðbiks 20. aldar. Við lumum á fleiri dularfullum stílabókum frá fornu fari sem innihalda teikningar nemenda eða starfsfólks skólans. Meðfylgjandi mynd sýnir blaðsíðu úr annarri bók sem fannst við tiltekt og geymd er á vísum stað í skólanum. Henni svipar til hinnar fyrri að útliti og inniheldur handskrifaðan texta og teiknaða mynd með litum. Bókin geymir nöfn fimmtán einstaklinga og svo virðist sem þar séu komin nöfn eigenda hennar. Ártöl fylgja hverjum og einum. Ólíkt glósubókinni, vitum við hverjir áttu bókina og hvenær. En þegar kemur að raunverulegu notagildi bókarinnar, hvaða hlutverki henni var ætlað, stöndum við á gati. Efst á blaðsíðunni má greina orðasamband: „Eigendur bókar þessarar“. Þar undir eru nöfnin og ártölin sem spanna u.þ.b. fimmtán ár, frá þriðja áratugnum til ársins 1942. Sumir af þeim sem skráðir eru eigendur voru nemendur við skólann, aðrir ekki. Fyrstu tveir eigendur bókarinnar, samkvæmt upptalningunni, voru bræðurnir Pétur Benediktsson og Bjarni Benediktsson. Svo virðist sem starfsheitum hafi á seinni stigum verið bætt við nöfnin: „Pétr Benediktsson chargé d'affaire í London, Bjarni Benediktsson borgarstjóri Rvík forsætisráðherra“ o.s.frv. Síðast en ekki síst er andlitsmynd af manni, teiknuð með blýanti og penna sem gædd er lífi með daufum litum. Við vitum ekki hver maðurinn á myndinni er. Undir myndinni er nafn, líklega þess sem myndin er af eða listamannsins. Eins og sjá má vitum við lítið um þessa dularfullu bók sem fannst í geymslu skólans. Kannski var bókin í eigu leynifélags. Kannski er þetta allt saman tilbúningur, létt grín hjá nemanda sem leiddist í tíma á fyrri hluta 20. aldar. Mynd: Sitt hvoru megin við umrædda blaðsíðu eru Pétur Benediktsson (tv) og Bjarni Benediktsson (th).

Núna á dögunum fengum við góða heimsókn frá Sylva skólanum í Montélimar í Frakklandi. Þrír kennarar, þau Rachel, Brice &...
10/09/2026

Núna á dögunum fengum við góða heimsókn frá Sylva skólanum í Montélimar í Frakklandi. Þrír kennarar, þau Rachel, Brice & Gilles, komu sem hluti af Erasmus + verkefni sem gefur kennurum kost á að heimsækja skóla í öðrum löndum til að efla tengsl ásamt því að skoða kennsluhætti & skólastarf. Kennararnir eyddu fjórum dögum í að heimsækja kennslustundir í ólíkum fögum og kíkja á skóla- og félagsstarf í MA. Einnig tóku þau þátt í söngsal, fóru í sögugöngu um bæinn og kíktu á markverða staði á norðurlandi. Heimsóknin hefur því verið áhugaverð og skemmtileg fyrir bæði gestina og gestgjafana. Móttöku gestanna var stýrt í samstarfi ensku- og frönskukennara skólans. Takk fyrir komuna Rachel, Brice og Gilles!

Skyldi þessi gamli gripur, sem rataði inn á ljósmynd sem tekin var í Gagnfræðaskólanum veturinn 1922-1923, hafa varðveis...
10/09/2026

Skyldi þessi gamli gripur, sem rataði inn á ljósmynd sem tekin var í Gagnfræðaskólanum veturinn 1922-1923, hafa varðveist? Já, svo sannarlega. Á svarthvítu myndinni má sjá nemendur í 3A ásamt Jónasi Snæbjörnssyni. Yfir hópnum gnæfir Johann Heinrich Pestalozzi eða öllu heldur skúlptúr af honum. Pestalozzi (1746–1827) var svissneskur uppeldisfrömuður og umbótamaður í menntamálum. Hann lagði grunn að nútíma grunnskólakennslu. Hann taldi að menntun ætti að miðast við náttúrulegt þroskaferli barnsins og lagði áherslu á reynslunám og skynjun frekar en utanbókarlærdóm. Pestalozzi barðist fyrir því að fátæk börn fengju tækifæri til menntunar því hann trúði því að menntun væri lykillinn að félagslegum umbótum. Höfundur skúlptúrsins er svissneski myndhöggvarinn Heinrich Maximilian Imhof (1795/98-1869). Hann var einn af athyglisverðari myndhöggvurum Sviss á 19. öld og var þekktur fyrir vandaðar marmarastyttur og brjóstlíkön. Meðal kunnustu verka hans eru marmarastyttan Davíð með höfuð Golíats (gerð fyrir Friðrik Vilhjálm 4. Prússakonung), stytturnar af Rut og Mirjam auk verka sem rússneski keisarinn Nikulás 1. pantaði hjá honum. Okkur er ekki kunnugt um söguna á bak við Pestalozzi hér í skólanum, hvenær hann kom til okkar og hvaðan. Kannski lumar einhver þarna úti á sögum. Myndin staðfestir þó að hann er kominn til starfa skólaárið 1922-1923. Hann hefur um nokkuð langt skeið dvalist í góðu yfirlæti í geymslu á háaloftinu þar sem hann fylgist með ferðum þeirra sem þar eiga leið um. Nöfn nemenda á myndinni má finna í fyrstu athugasemd hér að neðan.

Anna Katrín Emilsdóttir var nemandi við MA í ársbyrjun 1956 þegar hún vann ritgerðasamkeppni á vegum bandaríska dagblaðs...
08/09/2026

Anna Katrín Emilsdóttir var nemandi við MA í ársbyrjun 1956 þegar hún vann ritgerðasamkeppni á vegum bandaríska dagblaðsins New York Herald Tribune. Verðlaunin voru fjöggurra mánaða námsdvöl í Bandaríkjunum þá um vorið. Stuttu eftir heimkomuna birti skólablaðið í MA ferðasögu hennar. Þar lýsir hún á skemmtilegan hátt þegar hún, klædd íslenskum þjóðbúningi, og skólafélagar hennar hittu forsetann sjálfan Dwight D. Eisenhower sem steig út úr bíl sínum til að heilsa upp á hópinn. Minna um lífverði í þá daga. Anna Katrín útskrifaðist frá MA vorið 1957. Hún útskrifaðist úr læknisfræði frá Háskóla Íslands árið 1964. Hún var ein af fyrstu konum Íslands til að ljúka læknanámi, sú 24. í röðinni. Anna Katrín var heiðruð af Læknafélagi Íslands sem einn af frumkvöðlum kvenna í stéttinni árið 2018. Við rifjum upp frásögn Önnu Katrínar af Ameríkudvölinni 1956 í heild sinni á heimasíðu okkar. Hlekkinn má finna í fyrstu athugasemd. Einnig er hægt að slá inn ma.is.

Address

Eyrarlandsvegur 28
Akureyri
600

Telephone

+3544551555

Website

Alerts

Be the first to know and let us send you an email when Menntaskólinn á Akureyri posts news and promotions. Your email address will not be used for any other purpose, and you can unsubscribe at any time.

Contact The School

Send a message to Menntaskólinn á Akureyri:

Shortcuts

Share

Category