RHA Rannsóknamiðstöð Háskólans á Akureyri

RHA tekur þátt í inngildingarverkefni opinberra háskóla. Í gær, 19. maí, kynntu Lara Hoffmann, sérfræðingur hjá RHA, og Joanna Marcinkowska, verkefnisstjóri hjá Háskóli Íslands sem stýrir verkefninu, inngildingarverkefnið fyrir NOCIES (Nordic Comparative and International Education Society).

Frábært var að fá tækifæri til að kynna verkefnið, niðurstöður um upplifun erlendra nemenda og þau verkfæri sem þróuð hafa verið fyrir kennara og starfsfólk á alþjóðlegum vettvangi.

RHA og Jafnréttisstofa í samstarf um þróun jafnréttisvísa fyrir orkugeirann ⚧️

RHA og Jafnréttisstofa hófu nýverið samstarf vegna framkvæmdar verkefnisins Energising Nordic Equality sem Jafnréttisstofa stýrir fyrir Nordic Energy Research. Að verkefninu vinna Tryggvi Hallgrímsson, sérfræðingur og félagsfræðingur hjá Jafnréttisstofu, og Sæunn Gísladóttir, sérfræðingur hjá RHA. Nánar má lesa um málið í frétt á vef RHA 👇

Lara W. Hoffmann og Sigríður Bjarnadóttir, sérfræðingar hjá RHA, héldu erindi á ráðstefnunni „Íslenska þjóðfélaginu“ sem haldin var á Höfn í Hornafirði.

Sæunn Gísladóttir, sérfræðingur hjá RHA, hélt vel sóttan fyrirlestur hjá Nordregio í Stokkhólmi þar sem hún dvaldi í starfsmannaskiptum í vor. Hún segir frá reynslu sinni í nýrri frétt á vef RHA. Hlekkur í fyrstu athugasemd.

Fróðleg fræðsluferð til Falun!
Sæunn Gísladóttir, sérfræðingur hjá RHA, heimsótti á dögunum norræna kollega í Högskolan Dalarna. Lesa má nánar um málið í frétt á vef RHA, hlekkur í fyrstu athugasemd 👇

Sæunn Gísladóttir, sérfræðingur hjá RHA, var í viðtali hjá Rás 1 um byggðamál og byggðarannsóknir. Hún er um þessar mundir í starfsmannaskiptum hjá Nordregio í Stokkhólmi þaðan sem hún talaði við Gígju Hólmgeirsdóttur. Hlekkur á viðtalið er í fyrstu athugasemd 👇

Fjallað var um nýja samnorræna jafnréttisrannsókn sem RHA stýrði um stöðu úkraínskra kvenna á norrænum vinnumörkuðum í kvöldfréttum RÚV í gær, hlekkur í fyrstu athugasemd.

NIKK norrænni jafnréttisrannsókn lokið ✅
Sæunn Gísladóttir og Marta Einarsdóttir, sérfræðingar hjá RHA, hafa nú lokið umfangsmikilli rannsókn um stöðu úkraínskra flóttakvenna á norrænum vinnumörkuðum. Rannsóknin hófst haustið 2024.

Meðal niðurstaða er að úkraínskar konur sem flúðu til Norðurlandanna í kjölfar árasar Rússa á Úkraínu í febrúar 2022 hafa almennt átt auðvelt með að komast inn á norrænan vinnumarkað og fá vinnu. Hins vegar hefur reynst afar erfitt fyrir þær að fá störf sem samræmast menntun þeirra og starfsreynslu. Nánar má lesa um rannsóknina í frétt á vef RHA, hlekkur í fyrstu athugasemd.

RHA sendir bestu kveðjur frá sólríkum Stokkhólmi þar sem Sæunn Gísladóttir, sérfræðingur, dvelur um þessar mundir í tvo mánuði í starfsmannaskiptum hjá Nordregio. Við höfum i gegnum árin unnið náið með þessari norrænu rannsóknastofnun, stofnaðri af Norrænu ráðherranefndinni og hlökkum til frekara samstarfs ☀️

Matvælasjóður skapar ávinning ✨

Úttekt sem Rannsóknamiðstöð Háskólans á Akureyri (RHA) gerði á Matvælasjóði sýnir að á árunum 2020-2024 hafi sjóðurinn skapað umtalsverðan ávinning fyrir íslenskan matvælageira og að meginmarkmið sjóðsins (nýsköpun, sjálfbærni, verðmætasköpun og samkeppnishæfni) hafi náðst. Markmið úttektarinnar var að meta efnahagsleg og samfélagsleg áhrif sjóðsins og úthlutana ásamt áhrifum á styrkþega.

Nánar má lesa um málið í frétt á vef RHA, hlekkur í fyrstu athugasemd 👇