Háskólinn á Akureyri

📣 Opið er fyrir umsóknir í eftirtaldar námsleiðir til og með 13. ágúst:
▫ Fjölmiðlafræði BA
▫ Nútímafræði BA

🎓 Sótt er um á umsóknarvef HA!
ℹ️ Ítarlegri upplýsingar má nálgast í meðfylgjandi frétt í athugasemd.

☀ Háskólinn á Akureyri verður lokaður frá mánudeginum 6. júlí til og með mánudagsins 3. ágúst

📞Svarað verður í síma á skiptiborði alla virka daga milli kl. 10 og 14 frá 6. júlí til og með 3. ágúst

📩Erindum og beiðnum um vottorð eða námsferla sem berast á [email protected] og [email protected] verður ekki svarað fyrr en eftir 3. ágúst

🏫Byggingar háskólans verða lokaðar frá 6. júlí til og með 3. ágúst. Starfsfólk hefur aðgang að byggingum með sínu aðgangskorti. Stúdentar munu ekki hafa aðgang á meðan sumarlokun stendur nema þeir séu í sumarstörfum.

❤ Háskólinn opnar aftur þriðjudaginn 4. ágúst

👇Frekari upplýsingar í hlekk í fyrstu ummælum

„Miðað við almenna þróun hjúkrunar á Íslandi og sterka stöðu hennar hér á landi erum við furðulega stutt komin með víkkað starfssvið, en þróun þess og fjarheilbrigðisþjónustu eru lykilþættir í að jafna gæði, öryggi og aðgengi að heilbrigðisþjónustu fyrir alla Íslendinga óháð búsetu,“ segir Gísli Kort Kristófersson sérfræðingur í geðhjúkrun og prófessor við Hjúkrunarfræðideild.

👏 Háskólinn á Akureyri hefur hlotið um 200 þúsund evrur, jafnvirði um 30 milljóna króna, í alþjóðlegt rannsóknarverkefni innan Northern Periphery and Arctic (NPA) áætlunarinnar.

Verkefnið, PRESAFE, sameinar rannsakendur frá Íslandi, Finnlandi og Írlandi sem vinna að þróun nýrra lausna til að bæta aðgengi að heilbrigðisþjónustu í dreifbýli og á norðurslóðum.

Við óskum Gísla og samstarfsfólki hans innilega til hamingju með styrkinn og hlökkum til að fylgjast með framvindu þessa mikilvæga verkefnis.

🔗 Nánar í fréttinni – hlekkur í athugasemd.

Hreiðar Þór Valtýsson dósent við Auðlindadeild er handhafi Grænu kennsluverðlaunanna 2026 👏🏻

Umhverfisráð Háskólans á Akureyri veitir í fimmta sinn viðurkenningu fyrir kennslu sem leggur áherslu á sjálfbærni og umhverfismeðvitund. Viðurkenninguna í ár hlýtur Hreiðar fyrir námskeiðið sjávarlíffræði sem kennt er við Auðlindadeild.

🌊 „Það er mikilvægt fyrir mig að fá þessi verðlaun og hvetur mig áfram í starfi. Ég tel afar mikilvægt að sem flestir Íslendingar, auðvitað sérstaklega þeir sem starfa í sjávarútvegi, skilji náttúruna sem er að gefa okkur þessa mikilvægu auðlind. Skilningurinn gerir okkur kleift að ganga um hana af virðingu,“ segir Hreiðar.

🔗 Meira í meðfylgjandi frétt í athugasemd

🥳 Níu hljóta framgang í starfi frá 1. júlí. Tvö í stöðu prófessors og sjö í stöðu dósents

Á Heilbrigðis-, viðskipta- og raunvísindasviði:
🔹 Dr. Cynthia Thúy Ðinh hlýtur framgang í stöðu dósents við Viðskiptadeild
🔹 Dr. Kjartan Sigurðsson hlýtur framgang í stöðu dósents við Viðskiptadeild
🔹 Dr. Nanna Ýr Arnardóttir hlýtur framgang í stöðu dósents við Hjúkrunarfræðideild
🔹 Dr. Sigríður Sía Jónsdóttir hlýtur framgang í stöðu prófessors við Hjúkrunarfræðideild
🔹 Dr. Than Viet Nguyen hlýtur framgang í stöðu prófessors við Auðlindadeild

Á Hug- og félagsvísindasviði:
🔸 Dr. Andrea Hjálmsdóttir hlýtur framgang í stöðu dósents við Félagsvísindadeild
🔸 Dr. Eyrún Eyþórsdóttir hlýtur framgang í stöðu dósents við Félagsvísindadeild
🔸 Dr. Guðmundur T. Heimisson hlýtur framgang í stöðu dósents við Sálfræðideild
🔸 Dr. Kristinn Már Ársælsson framgangur við nýráðningu í stöðu dósents við Félagsvísindadeild

❤️ Við óskum þessu samstarfsfólki okkar innilega til hamingju með framganginn og árangur í starfi!

🌞Það er alltaf jafn gaman þegar háskólinn okkar fyllist af ungu og fróðleiksfúsu fólki

🔬 Vísindaskóli unga fóksins fór fram í tólfta sinn vikuna 22.-26. júní. Eftir fjöruga og fróðlega viku útskrifuðust nemendurnir við hátíðlega athöfn í Hátíðarsalnum okkar. Við þökkum öllum þátttakendum fyrir að hafa lífgað upp á háskólasvæðið okkar.

📸Axel Darri Þórhallsson fangaði stemminguna. Hlekk á fleiri myndir má finna í fyrstu athugasemd.

🤫Vísindaskóli unga fólksins verður haldinn næst dagana 21.-25. júní 2027

Fimm nýskipaðir deildarforsetar taka til starfa í dag:

▫️ Markus Meckl deildarforseti Félagsvísindadeildar
▫️ Sara Stefánsdóttir deildarforseti Iðjuþjálfunarfræðideildar
▫️ Sigríður Margrét Sigurðardóttir deildarforseti Kennaradeildar
▫️ Valgerður Guðmundsdóttir deildarforseti Lagadeildar
▫️ Mehmet Harma deildarforseti Sálfræðideildar

Forseti fræðasviðs skipar deildarforseta til tveggja ára í senn samkvæmt tilnefningu deildarfundar.

❤ Við óskum nýjum deildarforsetum velfarnaðar í störfum sínum og þökkum um leið fráfarandi deildarforsetum fyrir þeirra mikilvæga framlag til háskólans!

✨Einar Magnús Einarsson, tæknimaður og kerfisstjóri, er næsti viðmælandi í samstarfi Kaffið.is og Háskólans á Akureyri þar sem við fáum að kynnast mannlífinu í skólanum.

💻Það er að verða kominn áratugur síðan ég hóf fyrst störf hjá HA, þá í hlutastarfi sem aðstoðarkennari í tölvunarfræði. Síðustu þrjú árin hef ég starfað hér í fullu starfi sem tæknimaður og kerfisstjóri.

🥰Það sem einkennir háskólalífið á Akureyri er nálægðin. Hér þekkist fólk betur en á mörgum stærri stöðum og það myndast sterk tengsl milli nemenda og starfsfólks.

⚓Þegar ég var lítill strákur dreymdi mig um að verða flugmaður eða jarðýtustjóri, enda var pabbi skipstjóri og ekki langt að sækja áhugan á að stjórna stórum tækjum

🤝Það er alltaf ánægjulegt að sjá hvað fólk getur áorkað þegar öll leggja sitt af mörkum að sameiginlegu markmiði. Slík augnablik minna á hvers vegna háskólasamfélagið er svona skemmtilegur vinnustaður.

👇Meira í meðfylgjandi frétt í athugasemd!

❤ Til hamingju enn og aftur kandídatar! Það er virkilega gaman að skoða myndirnar frá Háskólahátíð þar sem gleðin var svo sannarlega allsráðandi

📸 Sindri Swan & Hilmar Friðjónsson fönguðu gleðina og eru myndirnar nú aðgengilegar í myndasafni háskólans, sjá hlekk í athugasemd

❤ Kærar þakkir til Baldvins M. Hermannssonar og Sylvíu Briem Friðjónsdóttur fyrir að vera heiðursgestir okkar á Háskólahátíð 2026 og fyrir að veita kandídötum okkar innblástur á þessum stóru tímamótum.

🎓 Háskólahátíð er fyrst og fremst hátíð kandídata. Hátíð þar sem árangri þeirra er fagnað og horft með tilhlökkun til framtíðarinnar.

Baldvin minnti á að lífið fer sjaldnast eftir fyrirfram ákveðnu plani og hvatti kandídata til að segja oftar já en nei þegar tækifærin banka upp á. „Þið vitið aldrei hvert eitt lítið „já“ getur leitt ykkur.“

Sylvía hvatti kandídata til að finna hvar ástríðan liggur og þora að fara eigin leiðir: „Heimurinn þarf ekki fleiri útgáfur af sama einstaklingnum. Hann þarf fólk sem þorir að hugsa sjálfstætt, skapa og vera það sjálft.“

Takk, Baldvin og Sylvía, fyrir hlý, einlæg og hvetjandi orð sem voru verðugt veganesti fyrir kandídata okkar á þessum stóra degi.