Brekkubæjarskóli

Skrifstofa skólans er opin frá klukkan 9:00 - 14:00 þessa vikuna. Skóladagatal næsta vetrar má sjá hér að neðan og þar má m.a. sjá að skólasetning er þriðjudaginn 25. ágúst klukkan 10:00. Við erum spennt fyrir komandi skólaári og hlökkum til að hitta nemendur eftir gott sumarfrí :)
https://www.brekkubaejarskoli.is/static/files/efni/Skoladagatal/skoladagatal-brekkubaejarskola-2026-2027.pdf

Skrifstofa skólans er nú komin í sumarfrí og opnar aftur mánudaginn 10. ágúst klukkan 10:00.

Þann 9. júní fór fram útskriftarathöfn árgangs 2010 á sal skólans. Þar áttu útskriftarnemar, foreldrar þeirra og starfsfólk skólans saman notalega og hátíðlega stund. Skólastjóri, fulltrúi foreldra og fulltrúar nemenda héldu ræður, veittar voru viðurkenningar, kveðjumyndband starfsfólk var sýnt og í lok athafnar sungu útskriftarnemarnir saman lagið ,,Leiðin okkar allra" .
Við óskum þesssum glæsilegu ungmennum innilega til hamingju með útskriftina og óskum þeim gæfu og gengis í öllum lífsins viðfangsefnum í framtíðinni ❤️
Myndir frá útskriftinni má sjá með því að smella á hlekkinn.
https://photos.app.goo.gl/GBeFE3P3BpkekYcd6

Nú styttist heldur betur í lok þessa skólaárs og hér er dagskrá næstu viku ☀️

Hér er samantekt af skólasafninu okkar eftir veturinn og það er greinilegt að krakkarnir sátu aldeilis ekki auðum höndum þegar kom að lestri í vetur!

Hvað var að gerast á skólasafninu í vetur?
Hér eru nokkrar tölur 😊

Síðasta uppskeruhátíð bókaklúbbanna var haldin á skólasafninu okkar í vikunni :)

Þriðja og síðasta uppskeruhátíð bókaklúbbanna í vetur var haldin í dag!

Við ákváðum að halda tvær hátíðir því fjöldi þátttakenda var svo mikill 🥰

Alls kláruðu 47 nemendur heila 72 bókaklúbba. Þessir 47 nemendur lásu talsvert meira en 600 bækur samtals! Jónella skólasafnskennari og umsjónarteymin hlustuðu á krakkana segja frá hverri einustu bók sem lesin var, þannig þjálfuðust nemendur í að skilja textann og segja frá honum - og kennararnir gátu verið vissir um að hver einasta bók var í raun og veru lesin 😉

Það var því kominn tími á smá klapp á öxlina eftir mikinn lestur og mikla einbeitingu 😊 Allir nemendur, sem kláruðu bókaklúbb frá síðustu uppskeruhátíð, fengu boð á skólasafnið. Elsa Lára skólastjóri afhenti öllum viðurkenningar, krakkarnir klöppuðu duglega fyrir bókaklúbbsfélögum og svo var skellt í dúndrandi tónlist, óskalög, dans, spil, spjall, lestur og eiginlega allt það sem krakkarnir vildu gera 😅

Hér má sjá fleiri myndir frá uppskeruhátíðunum:
https://photos.app.goo.gl/DDbrb1Zg5PrYfK21A

Þær Elfa Sif Ingimarsdóttir og Nanna María Elfarsdóttir, umsjónarkennarar í 3. og 4. bekk, eru nú staddar á menntaviðburðinum Science on Stage sem fer fram í Klaípeda í Litháén. Þar er samankomið skólafólk víðsvegar að úr Evrópu til að kynna og fræðast um STEAM verkefni. STEAM er skammstöfun úr ensku sem stendur fyrir fögin vísindi, tækni, verkfræði og stærðfræði þar sem samþætting þessara greina eflir gagnrýna hugsun, nýsköpun og lausnamiðaða færni.
Þær stöllur eru þar að kynna verkefnið Lestur, bókmenntir og STEAM sem er samstarfsverkefni Brekkubæjarskóla og Selásskóla í Reykjavík. Þær héldu út klyfjaðar af alls konar skemmtilegum sýnishornum úr verkefnavinnunni og eru búnar að koma sér vel fyrir í kynningarbásnum sínum eins og sjá má á myndinni :)

Hér á heimasíðu verkefnisins má kynna sér nánar út á hvað það gengur https://sites.google.com/gskolar.is/bokmenntastream/heim og hér er slóð á heimasíðu Science on Stage https://sons2026.eu/.

Sævar Helgi Bragason, betur þekktur sem Stjörnu - Sævar, heimsótti Brekkubæjarskóla í dag og ræddi við nemendur um sólmyrkva í tilefni þess að þann 12. ágúst fáum við einmitt tækifæri til að upplifa það magnaða fyrirbæri. Krakkarnir ættu því að vera vel undirbúin fyrir sólmyrkvann og áður en haldið er í sumarfrí ætlar Akraneskaupstaður að gefa öllum nemendum sólmyrkvagleraugu svo þau geti litið dýrðina augum á öruggan hátt :)

Nemendur 8. bekkjar buðu öðrum nemendum og starfsfólki í ,,fræðslusmakk" í dag. Þar sýndu þau og kynntu verkefni sem þau hafa unnið ötullega að síðustu vikur. Það kenndi ýmissa grasa á fræðslusmakkinu en þar mátti m.a. fræðast um hesta, víkinga, leikföng barna fyrr á öldum, eldvirkni og margt fleira. Krakkarnir svöruðu spurningum gesta og höfðu greinilega undirbúið sig vel - frábær vinna hjá þeim :)
Myndir má sjá með því að smella á hlekkinn https://photos.app.goo.gl/qJCNK2mrndmL5N4V6.

Krakkarnir í 9.bekk lærðu heilmargt um sveitastjórnarkosningar fyrir helgina og tóku viðtöl við fulltrúa framboða hér á Akranesi.
Nánar í þessari frétt á heimasíðu skólans.

Skuggakosningar í 9.bekk Miðvikudaginn 13. maí tóku nemendur í 9. BS viðtöl við frambjóðendur frá öllum framboðum á Akranesi. Nemendur voru að gera fréttir um sveitastjórnakosningarnar og voru búin að kynna sér stefnur flokkanna og undirbúa góðar spurningar fyrir viðmælendur sína.