Brekkubæjarskóli

30/09/2026

Á morgun fimmtudaginn 1. október er samtalsdagur hjá okkur í Brekkubæjarskóla.
Frístund verður opin fyrir nemendur 1. og 2. bekkjar frá kl. 12:00 fyrir þá nemendur sem skráðir eru í frístund.

29/09/2026

Kæru foreldrar, takið tímann frá fyrir þetta athyglisverða erindi 👇
Foreldrafélag Brekkubæjarskóla

28/09/2026

Í dag fengu foreldrar tölvupóst frá Foreldrafélag Brekkubæjarskóla. Í póstinum eru upplýsingar um stjórn foreldrafélagsins, markmið og áherslur vetrarins og upplýsingar um árgjald (sem er valfrjáls greiðsla).

Einnig eru upplýsingar í póstinum um fræðslukvöld foreldra sem fram fer þann 13. október nk. kl. 17:30 í Tónbergi. Nánari upplýsingar eru í póstinum og við mælum með að foreldrar taki tímann frá og mæti.

24/09/2026

Brekkubæjarskóli hefur hafið innleiðingu Heillaspora.

Brekkubæjarskóli hefur hafið innleiðingu Heillaspora (e. Nurture).
Heillaspor er heildræn og tengslamiðuð nálgun í skóla- og frístundastarfi þar sem áhersla er lögð á öryggi, tengsl, inngildingu og virka þátttöku allra barna. Fræðilegur grunnur Heillaspora leggur áherslu á að góð tengsl og tilfinningin fyrir því að tilheyra séu mikilvægar forsendur fyrir vellíðan, þroska og námi.
Innleiðingin er þróunarferli sem felur meðal annars í sér fræðslu, ígrundun og sameiginlega þróun starfshátta. Markmiðið er að tengslamiðuð og inngildandi vinnubrögð verði sýnilegur og sjálfsagður hluti af menningu og daglegu starfi í Brekkubæjarskóla.
Á næstunni munu frekari upplýsingar um Heillaspor birtast á heimasíðu skólans.

Nánar má lesa um Heillaspor:
https://island.is/s/midstod-menntunar-og-skolathjonustu/heillaspor

https://www.brekkubaejarskoli.is/is/moya/news/category/1/innleiding-heillaspora-hafin

Ísland.is er upplýsinga- og þjónustuveita opinberra aðila á Íslandi. Þar getur fólk og fyrirtæki fengið upplýsingar og notið margvíslegrar þjónustu hjá opinberum aðilum á einum stað í gegnum eina gátt.

18/09/2026

Skipulagsdagur á mánudaginn.

Á mánudaginn kemur, 21. september, er skipulagsdagur í skólanum því fellur skólahald niður. Starfsfólk frístundarinnar tekur einnig þátt í skipulagsdeginum og því verður lokað þar líka.

Skólahald hefst að nýju þriðjudaginn 22. september, sem og starfsemi frístundarinnar.

Með kveðju, skólastjórnendur.

18/09/2026

Þriðjudaginn 15. september hófst Svakalega lestrarkeppnin 2026. Keppnin er haldin á landsvísu og að þessu sinni ákváðum við í Brekkó að vera með! Í Svakalegu lestrarkeppninni keppast nemendur í 1.-7. bekk við að lesa sem flestar mínútur í þrjár vikur. Sá skóli, þar sem nemendur lesa flestar mínútur að meðaltali, vinnur keppnina og fær titilinn Svakalegasti lestrarskóli landsins!

Nánar á heimasíðu Brekkubæjarskóla.

Þriðjudaginn 15. september hófst Svakalega lestrarkeppnin 2026. Keppnin er haldin á landsvísu og að þessu sinni ákváðum við í Brekkó að vera með! Í Svakale

15/09/2026

Á meðal valgreina á unglingstigi er í boði að velja menningarferð til Reykjavíkur en farið var með hóp unglinga í strætó í höfuðborgina í góðu veðri í fylgd listgreinakennara skólans.

Á meðal valgreina á unglingastigi er menningarferð til Reykjavíkur.

08/09/2026

Alþjóðlegur dagur læsis er þann 8.september og við í Brekkubæjarskóla höldum alltaf upp á hann með lestrarstundinni ,,Öll lesa". Þá setjast öll niður með bók í hönd, jafnt nemendur sem starfsfólk, og lesa í 20 mínútur hvar sem fólk er statt. Á degi læsis er foreldrum boðið að koma líka og lesa með börnunum og eiga með þeim notalega lestrarstund.
Myndir frá lestrarstundinn má sjá með því að smella á hlekkinn hér að neðan.
https://photos.app.goo.gl/1YJLBmpFtkEqoD3S9

04/09/2026

Af gefnu tilefni minnum við á að börn undir 13 ára aldri mega ekki nota rafhlaupahjól. Virðum aldurstakmarkið og förum eftir settum reglum til að tryggja öryggi barna í umferðinni.
https://island.is/rafmagnshlaupahjol

02/09/2026

Föstudaginn 4. september er treyjudagurinn. Treyjudagurinn er á vegum styrktarfélagsins Börn með krabbamein og er fólk hvatt til að klæðast uppáhalds treyjunni sinni þennan dag og sýna þannig börnum með krabbamein stuðning og samstöðu.
Við í Brekkubæjarskóla, jafnt nemendur sem starfsfólk, ætlum að sjálfsögðu að sýna samstöðu og mæta í treyjum á föstudaginn♥️