Menntaskólinn á Ísafirði

29/09/2026

Íslenskumót – tenging, tungumál og tækifæri 💛

Nemendur á íslenskubrautum MÍ og Tækniskólans hittust á Laugum í Sælingsdal og áttu saman tvo viðburðaríka daga. Hópefli með KVAN, heimsókn á Hóla Petting Farm og fjölbreytt samvera efldu tengsl, íslenskukunnáttu og sjálfstraust nemenda. 🤝

Ferðin gekk vonum framar og sýndi hversu dýrmætt er að hitta jafnaldra í svipuðum sporum, læra saman og finna að maður tilheyrir hópnum.

Lesið fréttina í heild á misa.is

09/09/2026

Í dag mynduðum við MÍ-hjartað á fótboltavellinum við upphaf MÍ-leika. Haukur Sigurðsson tók myndirnar.

18/08/2026

Skólasetning Menntaskólans á Ísafirði fór fram í Gryfjunni dag og voru nemendur boðnir velkomnir til starfa á nýju skólaári.

Heiðrún skólameistari ávarpaði nemendur og bauð þá hjartanlega velkomna í skólann. Dóróthea aðstoðarskólameistari fór því næst yfir ýmis praktísk atriði varðandi upphaf skólaársins og skólastarfið fram undan.

Erna náms- og starfsráðgjafi ræddi við nemendur um hvernig best væri að hefja skólaárið svo námið gengi sem auðveldast fyrir sig. Hún fór jafnframt yfir þá ráðgjöf og aðstoð sem nemendum stendur til boða á meðan á náminu stendur.

Við bjóðum alla nemendur velkomna til starfa og óskum þeim góðs gengis á skólaárinu.

17/08/2026

06/08/2026

📍 Við verðum á Patreksfirði í dag!
Komdu við í Skor, Aðalstræti 53, milli kl. 17–18 og kynntu þér nám í boði hjá MÍ.
Sjáumst í dag! 🎓

31/07/2026

Allir bóknámsáfangar sem kenndir eru í MÍ eru einnig í boði í fjarnámi. Í fjarnámi er notað fjarkennslukerfið Moodle en þar setja kennarar inn námsáætlanir og verkefni. Nemendur geta skilað inn úrlausnum verkefna sinna þar sem og tekið gagnvirk próf. Munnleg próf með kennara ...

09/07/2026

Guðbjörg Ósk Halldórsdóttir nýstúdent hlaut Menntaverðlaun Háskóla Íslands við brautskráningu í vor.

Tuttugu og fimm nemendur úr jafnmörgum framhaldsskólum úti um allt land tóku við Menntaverðlaunum Háskóla Íslands en þau voru veitt við útskriftir úr skólunum í vor. Með verðlaununum vill Háskóli Íslands verðlauna framhaldskólanema sem hafa náð framúrskarandi árangri í námi til stúdentsprófs auk þess að hafa sýnt eftirtektarverða frammistöðu á sviði lista eða íþrótta, átt mikilvægt framlag til skólafélaga eða skólans eða sýnt þrautseigju við erfiðar aðstæður.

Háskóli Íslands sendir verðlaunahöfunum innilegustu hamingjuóskir með útskriftina og verðlaunin en lista yfir verðlaunahafa má finna á vef skólans, sjá athugasemdir.