Tónlistarskóli Ísafjarðar

Nú styttist óðum í hátíðina.

Það styttist í tónlistarhátíðina á Ísafirði og Morgunblaðið gerir dagskránni góð skil í blaði dagsins. Hlekk á hátíðarpassana má finna í athugasemd.

Innritun 🎶💫🎵
Innritun er hafin fyrir næsta skólaár 2026-2027
https://www.abler.io/shop/tonis
Ef einhverjar spurningar vakna ekki hika við að hafa samband á [email protected]

Þessa dagana er starfsfólk Tónlistarskólans í námsferð í Prag. Á dagskrá eru tvær skólaheimsóknir, leiðsögn um tónlistarsafn og almenn gleði.
Matur spilar stórt hlutverk og höfum við m.a. farið á Japanskt, Ítalskt, Eþíópískt og Mexikanskt veitingahús. Kaffið á morgunverðinum er vont en herbergin fín og rúmgóð og veðrið yndislegt.

Þær Sunna Karen og Björg kunna sitt lítið af hvoru í tónlist með börnum og ungmennum. Skemmtilegt, fræðandi og skapandi námskeið fyrir alla krakka🥳🥳 skráning Við Djúpið Music Festival

Skólaslit fóru fram þann 29. maí sl. og hlutu nokkrir nemendur verðlaun fyrir góðan árangur í tónfræðagreinum og þeir nemendur sem þreyttu áfangapróf; 1 framhaldspróf á píanó, 1 miðpróf á píanó, 1 grunnpróf á fiðlu og 5 grunnpróf á píanó fengu bókaverðlaun fyrir frábæran árangur.
Kristín Þóra Henrysdóttir mikilvægur meðlimur lúðrasveitar skólans fékk heiðursverðlaun fyrir yrir ómetanlegt framlag og óþrjótandi elju en með samviskusemi og kærleika til tónlistarinnar hefur hún verið sveitinni sannur styrkur og öðrum innblástur. Kristín Þóra fær kærar kveðjur og hjartans þakkir fyrir ósérhlífni, gleði og ótrúlegan dugnað sem hefur sett mark sitt á starfið í skólanum.
Skólalokum fylgja breytingar en Ágústa Þórólfsdóttir píanókennari hefur lokið störfum eftir 43 ára kennsluferill. Ágústa er traustur kennari og kær samstarfsfélagi og vinkona sem við í skólanum eigum eftir að sakna mikið. Matilda H. Mäekalle píanókennari mun hefja nám við Listaháskólann næsta vetur og mun láta ljós sitt skína þar eins og hún hefur gert hér. Skúli Þórðarson gítarkennari hyggur á flutninga til höfuðborgarinnar næsta vetur og er það með með miklum trega sem við vinnufélar kveðjum hann Skúla og vonum að hann rati til fljótt tilbaka.
Það verður hægt að nálgast námsskírteini næstu daga á skrifstofu skólans. 2. júní kl. 11-14 // 4. júní 14-16
Innritun verður auglýst fljótlega og mun hún fara fram á Abler

Heil og sæl - minnum á skólaslit í Ísafjarðarkirkju klukkan 18:00 í dag. Tónlistardagskrá og afhending vitnisburða og viðurkenningar veittar fyrir góðan árangur.
Innritun fyrir skólaárið 2026-2027 verður auglýst innan tíðar en hún mun fara fram á Abler.

Á morgun miðvikudag, verður líf og fjör í skólanum þegar hingað mæta nemendur til að taka þátt í þemadegi. Mæting er kl. 14:15 í Hamra og hefst gleðin kl. 14:30. Eftir að liðin hafa leyst sínar þrautir ætlum við að grilla pylsur og afhenda verðlaun. Hvetjum alla nemendur til að mæta 🥰🥳

Ps. vegna slæmrar veðurspár verða leikar færðir inn í skólann.

Og gleðin heldur áfram. Fleiri svipmyndir frá vortónleikum skólans.

Hér eru svipmyndir frà vortónleikum Skólans. Þetta eru nemendur Söru Hrundar á Suðureyri, nemendur Beu og nemendur Januszar og Iwonu.

Vortónleikar skólans hófust með nemendatónleikum Beötu Joó, svo fylgdu tónleikar nemenda Söru Hrundar á Suðureyri í kjölfarið og núna þessa viku verða tónleikar á hverjum degi.