ڕ.گ. پەروەردا ئیدارا سەربەخۆ یا زاخۆ

18/08/2026

سەرەدانا هەرێمدارێ قەزا باتیفا بۆ ڕێڤەبەرییا گشتیا پەروەردا زاخۆ

ل ڕۆژا سێشەمبی ڕێكکەڤتی ١٨ێ ئابا ٢٠٢٦ێ،
هەرێمدارێ قەزا باتیفا بەرێز (فەرهاد مەحمود) سەرەدانا ڕێڤەبەرییا گشتیا پەروەردا زاخۆ کر و ژ لایێ بەرێز (م. سەلام حسۆ پیرۆ) ڕێڤەبەرێ گشتی یێ پەروەردا ئیدارا سەربەخۆیا زاخۆ ب گەرمی پێشوازی لێ هاتەکرن، پاشان د کۆمبوونەکا هەڤپشک دا ب ئامادەبوونا بەرێز (م. شڤان سالم حسن) هاریکارێ ڕێڤەبەرێ گشتی بۆ کاروبارێن تەکنیکی و بەرێز (م. سگڤان ئیبراهیم محۆ) ڕێڤەبەرێ دڵنیایی جۆری و سەرپەرشتیکرنا پەروەردەیی، بەحس ل چەندین بابەتێن پەروەردەیی یێن گرنگ هاتەکرن، د هەمان جڤین دا ب هووربینی گفتوگۆ ل سەر کێشە و ئاریشەیێن پەروەردەیی یێن سنۆرێ قەزا باتیفا هاتەکرن، ب مەرەما دیتنا چارەسەریێن گونجای بۆ پێشئێخستنا پرۆسەیا خوێندنێ و دابینکرنا ژینگەیەکا پەروەردەییا شایستە بۆ قوتابی و مامۆستایێن دەڤەرێ.

ڕاگەهاندنا ڕێڤەبەرییا گشتییا پەروەردا زاخۆ⁩⁩

17/08/2026

سەرکەفتنەکا گرنگ بوو، و ل هەمی جەماوەری پیرۆز بت

پر ژدل پیرۆزباھییان ئاراستەیی سەرۆک و دەستەیا یانا زاخۆ یا وەرزشی بتایبەت یاریکەرێن وێ یێن خودان شیان وحەز ژێکەر و پشتەڤانێن وێ دکین، ب ھەلکەڤتا سەرکەفتنا وان لسەر یانا الدفاع الجوي ب (٩٠-٧٦) یاریا سێیێ ژ زنجیرەیێن یاریێن دووماهیێ د خۆلا پیشەکارێن عیراقێدا یا باسکێت بوولێ، بھێڤییا سەرکەڤتنێن بەردەوام.

گوهدار شیخۆ
سەرپەرشتێ ئیدارا سەربەخۆ یا زاخۆ
١٧ی تەباخا ٢٠٢٦

17/08/2026

‏بەپێی لێکۆڵینەوە و زانیارییە پشتڕاستکراوەکانی دژەتیرۆری کوردستان، ئەمڕۆ ئۆفیسی تایبەتی من و شوێنی حەوانەوەی بەڕێوەبەری ئاژانسی پاراستن، لە هێرشێکی درۆنیی ئێرانیدا کراونەتە ئامانج.

‏بە توندترین شێوە، ئەم هێرشە ناڕەوا و قبوڵنەکراوانە سەرکۆنە و شەرمەزار دەکەم. ئەمە هەنگاوێکی مەترسیدارە و هەڕەشەیەکی ڕاستەوخۆیە بۆ سەر ئاسایش و سەقامگیریی هەرێمی کوردستان.

‏ئەم هێرشانە هەرگیز ناتوانن بمانوەستێنن لە بەردەوامبوونمان لە ئەنجامدانی ئەرکەکانمان و پاراستنی هاووڵاتییانمان.

مەسرور بارزانی
سەرۆکی حکومەتی هەرێمی کوردستان

17/08/2026

16/08/2026

بەشداریکرنا شاندەکێ ڕێڤەبەرییا پەروەردا زاخۆ ل ڕێوڕەسمێن ساڵیادا ١٦ی تەباخێ

‎ب هەلکەفتا ٧٦ ساڵڤەگەرا دامەزراندنا پارتی دیموکراتی کوردستان و ڕۆژبوونا جەنابی سەڕۆک و لێڤەگەر “مسعود بارزانی”، شاندەکێ باڵایێ ڕێڤەبەرییا گشتییا پەروەردا ئیدارا سەربەخۆیا زاخۆ سەرەدانا لقا هەشت یا پارتی دیموکراتی کوردستان کر.
شاندێ پەروەردێ ب ئامادەبوونا بەرێز (م. سەلام حسۆ پیرۆ) ڕێڤەبەرێ گشتی یێ پەروەردا ئیدارا سەربەخۆیا زاخۆ، و بەرێز (م. سگڤان ئیبراهیم محۆ) ڕێڤەبەرێ دڵنیایییا جۆری و سەرپەرشتیکرنا پەروەردەیی، دگەل کۆمەکا فەرمانبەرێن ڕێڤەبەریێ و سەرپەرشتیارێن پەرووەدەیی، ژ لایێ بەرێز “عمر ئورەی” بەرپرسێ لقا هەشت و کارگێڕێن لقێ ب گەرمی ڤە هاتنە پێشوازیکرن.
د ڤێ سەرەدانێ دا، شاندێ پەروەردێ پیرۆزباهیێن گەرم ئاڕاستەی بەرپرس و کارگێڕێن لقێ و تەمامیا ئەندام و لایەنگران کرن، و تەئکید ل سەر ڕۆڵێ دیار و مێژوویی یێ پارتی دیموکراتی کوردستان و سەرکردایەتیا جەنابی سەڕۆک بارزانی د ئاڤەدانکرن و پپشتەڤانیکرنا کەرتێ پەروەردە و فێرکرنێ دا هاتە کرن.

ڕاگەهاندنا ڕێڤەبەرییا گشتی یا پەروەردا زاخۆ⁩⁩

15/08/2026

ب هەلکەفتا سەرکەفتنا یانا زاخۆ لسەر یانا غاز الشمال ب (1 - 0) د خۆلا ستێرێن عیراقێ دا ل وەرزێ نوی ٢٠٢٦-٢٠٢٧، ل یاریگەها ناڤدەولەتییا زاخۆ ،پیرۆزباهییان ئاراستەی یاریزان و سەرۆکێ یانێ و دەستەیا کارگێری و جەماوەرێ دلسۆز دکین و ب هێڤییا سەرکەفتنێن بەردەوام.

گوهدار شێخۆ
سەرپەرشتێ ئیدارا سەربەخۆ یا زاخۆ
٢٠٢٦/٨/١٥

11/08/2026

د چوارچۆڤێ ئامادەکاریێن بۆ سالا نوی یا خواندنێ،
بەرێز (م. سەلام حسۆ پیرۆ) ڕێڤەبەرێ گشتی یێ پەروەردا ئیدارا سەربەخۆیا زاخۆ،
د لێدوانەکا تایبەت دا بۆ کەناڵێ دەلال تیڤی، تیشک ئێخستە سەر دووماهیک پێنگاڤ و بەرهەڤیێن ڕێڤەبەریێ.

09/08/2026

ڕێڤەبە‌رییا گشتی یا په‌روه‌ردا زاخۆ دگه‌ل رێڤه‌به‌رێن بنگه‌هێن ئه‌زموونێن گشتی یێن قۆناغێن ١٢ێ ئامادەیی کۆمبوو.

ب مه‌ره‌ما خوبه‌رهه‌ڤکرنێ بۆ ئه‌نجامدانا ئه‌زموونێن گشتی یێن قوناغێن دوازدێ ئاماده‌یی و خولا دوویێ یێن سالا خواندنێ 2025-2026ێ، ئه‌ڤرۆ رێکه‌فتی 9-8-2026 ب ئامادەبوونا بەرێز (م. سەلام حسۆ پیرۆ)، ڕێڤەبەرێ گشتی یێ پەروەردا ئیدارا سەربەخۆیا زاخۆ، و بەرێز (م. شڤان سالم حسن) هاریکارێ ڕێڤەبەرێ گشتی یێ پەروەردا زاخۆ بۆ کاروبارێن تەکنیکی و بەرێز (م. محمود سلیم صالح)، بەرپرسێ پشکا ئەزموونان، کۆمبوونەک ل گه‌ل رێڤه‌به‌رێن بنگه‌هێن ئه‌زموونێن گشتی یێن قوناغا 12ێ ئاماده‌یی ل سنورێ ڕێڤەبەریێ ل هۆلا پەڕوەردێ هاتە ئەنجامدان .

‏ ل ده‌ستپێكێ رێڤەبەرێ گشتی سۆپاسی و ده‌ستخۆشی ئاراسته‌یی هه‌موو رێڤه‌به‌رێن بنگه‌ها و مامۆستایێن چاڤدێر کر و روولێ وان بەرزنرخاند و پاشان چه‌ندین رێنمایێن گرێدايى رێڤه‌چوونا ئه‌زموونان پێشكێشی ئاماده‌بوویان كر و رۆناهی ئێخسته‌ سه‌ر هنده‌ك خالێن گرنگ بۆ ئه‌نجامدانا پرۆسا ئه‌زموونێن گشتی و بیرئینانا رێنمایێن وه‌زاره‌تا په‌روه‌ردێ و گوت ژی هه‌مى ئاماده‌كارى وكارێ پێدڤى بو سه‌رئێخستنا پروسا ئه‌زموونان هاتینه‌ کرن .
لدۆماهیێ هاریکارێ ڕێڤەبەرێ گشتی یێ پەروەردا زاخۆ بۆ کاروبارێن تەکنیکی و به‌رپرسێ ئه‌زموونان ل سه‌ر پرۆسا ئه‌زموونا چه‌ندین رێنمایێن تایبه‌ت پێشكێشی رێڤه‌به‌رێن بنگه‌هێن ئه‌زموونان كرن و پاشی ده‌رگه‌هێ دانوستاندنێ هاته‌ ڤه‌كرن و كه‌لوپه‌لێن ئه‌زموونان ل سه‌ر رێڤه‌به‌رێن بنگه‌هان هاتنه‌ پارڤه‌کرن.

ڕاگەهاندنا ڕێڤەبەرییا گشتی یا پەروەردا زاخۆ⁩⁩