Zakho Technical Institute

25/09/2026

https://www.facebook.com/share/p/1MYYmxCYAn/?mibextid=wwXIfr

دەستکەفتەکێ مەزن

زانکۆیا پۆلیتەکنیک دهۆک د ڕێزبەندیا جیهانی یا (UI GreenMetric) دا پلەیێن پێشەنگ ب دەستڤە ئینان

​د دەستکەفتەکێ گرنگ و بێوێنە دا، زانکۆیا پۆلیتەکنیکی دهۆک (DPU) شیا پلەیێن بەرز د ڕێزبەندیا زانکۆیێن بەردەوام یا (UI GreenMetric) بۆ سالا 2026 دا ب دەستڤە بینت.

​لدویف ئەنجامێن ڕێزبەندیێ، زانکۆیا پۆلیتەکنیک دهۆک شیایە ئەڤان پلەیان مسۆگەر بکەت:
​ڕێزا سێیێ (🥉): ل سەر ئاستێ زانکۆیێن حکومی ل هەرێما کوردستانێ.
​ڕێزا ئێکێ (🥇): ل سەر ئاستێ زانکۆیێن پارێزگەها دهۆکێ.

​ئەنجامێن ڤێ ڕێزبەندیێ دوهی ئێڤاری ب فەرمی هاتنە ڕاگەهاندن، د ڕێورەسمێن تایبەت دا کو ل زانکۆیا دەولەتێ یا نەفت و پیشەسازی یا ئازەربایجانێ (ASOIU) Azerbaijan State Oil and Industry University ل باژێرێ باکۆ هاتبوونە ڕێکخستن.

​گرنگیا ڤی دەستکەفتی د وێ چەندێ دایە کو سالا 2026 ئێکەم سالە زانکۆیا پۆلیتەکنیکی دهۆک پشکداریێ د ڕێزبەندیا (GreenMetric) دا دکەت. ئەڤ پێشکەفتنە ڕەنگڤەدانا بزاڤێن جڤاکێ زانکۆیێ یە بۆ بەرەڤ بەردەوامیێ، پاراستنا ژینگەهێ و دروستکرنا کەمپوسەکێ کەسک و ساخلەم.

​د ڤێ دەربارێ دا، پ. د. ئاری عادل سەرۆکا زانکۆیا پۆلیتەکنیک دهۆک، د پەیامەکێ دا سوپاسیا هاریکارێن سەرۆکا زانکۆیێ، ئەندامێن جڤاتا زانکۆیێ و هەمی وان ستاف و فەرمانبەران کر یێن کو ڕۆل هەبووی د ئامادەکرن، هەماهەنگی و پێشکێشکرنا داتایێن ڕێزبەندیێ دا، و گەرمترین پیرۆزباهی ئاراستەی هەمی لایەکی کرن ب هەلکەفتا ڤی دەستکەفتی.

24/09/2026

https://www.facebook.com/share/p/1CqvDExGhP/?mibextid=wwXIfr

"زانکۆلاین ٤٨ دەمژمێران هاتە درێژکرن"

​هەتا نوکە (٧٠٪)یا دەرچوویێن ئەڤساله داخازیێن خۆ بۆ زانکۆلاین پێشکێشکرینە.

​وەزارەتا خواندنا بلند و ڤەکۆلینێن زانستی د راگەهاندنەکێ دا رادگەهینیت: ژ پێخەمەت دانا دەلیڤەکا زێدەتر بۆ دەرچوویێن پۆلا دوازدێ ئامادەیی، و ئەوێن هەتا نوکە فۆڕما (زانکۆلاین) پڕنەکرى یان تمام نەکرى، بڕیار هاتە دان دەمێ زانکۆلاین (٤٨) دەمژمێرێن ئانکۆ هەتا دەمژمێر (١٢)ی شەڤا ڕۆژا شەمبی ڕێکەفتی (٢٠٢٦/٩/٢٦) بۆ دەرچوویێن قۆناغا دوازدێ ئامادەیی بێتە درێژکرن.

​وەزارەتا خواندنا بلند دیار ژی دکەت ژ پێخەمەت بەرژەوەندیا گشتی و دانا دەلیڤەکا زێدەتر بۆ دەرچوویێن ئەڤساله، ئەوێن ب هەر ئەگەرەکێ بیت نەشیاین فۆڕما زانکۆلاین پڕبکەن، د نوکە دا دشێن مفایی ژ ڤێ دەلیڤێ وەربگرن و فۆڕما زانکۆلاین تمام بکەن، هەروەسا دەرچوویێن قوتابخانەیێن نێڤدەوڵەتی و پیشەیی ژی ب هەمان شێوە دشێن مفایی ژ ڤێ دەلیڤێ وەربگرن و د ڤان ٤٨ دەمژمێران دا فۆڕما زانکۆلاین پڕبکەن.

​وەزارەتا خواندنا بلند زێدەتر دیار دکەت: ئەڤە دوماهیک دەلیڤەیە و ئێدی دەمێ زانکۆلاین ناهێتە درێژکرن، لەوڕا داخازێ ژ دەرچوویێن قۆناغا دوازدێ ئامادەیی دکەین ئەوێن هەتا نوکە فۆڕما زانکۆلاین پڕنەکرى، پێدڤی یە د ڤان ٤٨ دەمژمێران دا لەزێ بکەن و هەمی بزاڤێن خۆ بێخەنە گەڕ بۆ پڕکرن و تمامکرنا فۆڕما زانکۆلاین.

17/09/2026

https://www.facebook.com/share/p/1EZPbVgg5x/?mibextid=wwXIfr

زانکۆلاین بۆ دەرچوویێن دوازدێ ئامادەیی هاتە کاراکرن

​د نوکە دا بۆ دەمێ هەشت ڕۆژان دەرچوویێن دوازدێ ئامادەیی دشێن ب ڕێكا وێبسایتێ (regayzanko.com) و ب بکارئینانا ناڤێ بکارئینەر و پەیڤا دەربازبونێ (Username) و (Password)، بچنە ناڤ سیستمێ زانکۆلاینێ دا و داخازیا خۆ بۆ وەرگرتنێ پێشکێش بکەن.

​https://regayzanko.com/

10/09/2026

کۆمبوونا ئاسایی یا جڤاتا کۆلیژ و پەیمانگەھا تەکنیکی زاخۆ ھاتەکرن

‏‎ب سەرپەرشتیا (د. دلشیر احمد محمد) ڕاگرێ کۆلیژ و پەیمانگەھا تەکنیکی زاخۆ و ب ئامادەبوونا گشت ئەندامێن جڤاتا کۆلیژ و پەیمانگەھێ، ئەڤرۆ ڕۆژا پێنج شەمبێ ڕێکەفتی 10/09/2026ـێ، ل دەمژمێر 10:00 سپێدێ کۆمبوونا ئاسایی یا جڤاتا کۆلیژ و پەیمانگەھێ ھات بڕێڤەبرن.

د ڤێ روونشتنێ دا دانوستاندن ل سەر چەندین تەوەرێن گرنگ ھاتنە کرن، گەنگەشە ل سەر کارۆبارێن گرێدایی ڕۆژانە یێن کۆلیژ و پەیمانگەهێ هاتە کرن، و ئامادەکاری بۆ دەستپێکا سالا نووی یا خواندنێ (2026-2027) یا قوتابیان هاتنە کرن، پێگیریا مامۆستا و فەرمانبەران ب دەواما فەرمی و ژمارەکا بابەتێن گرنگ یێن دی ب درێژاهی و ب شێوەیەکێ گشتی هاتنە ئازراندن و گەنگەشەکرن.

‏‎ل دوماھییێ ڕاگرێ کۆلیژ و پەیمانگەھێ دەستخۆشی ئاراستەی جڤاتێ کر و ھیڤیا سەرکەفتنێ بۆ وان خۆاست.

✍️

08/09/2026

https://www.facebook.com/share/p/1Dt4TLLgd9/?mibextid=wwXIfr

ئـــــــاگــــــەهــــــداری
زانکۆیا پۆلیتەکنیک دهۆک بو چارا سێ یێ سەر ئێک زێدەکرنا ئاشکرا ڕادگەهینیت بۆ ب کرێدانا کافتریا قوتابیان و جهێن فوتوکوپی یێن ئەڤان کولیژ و پەیمانگەهێن دیارکری:-

- کولیژ و پەیمانگەها تەکنیکی کارگیری دهۆک/کافتریا قوتابیان
- کولیژا تەکنیکی وپەیمانگەها تەکنیکی زاخۆ/ کافتریا قوتابیان.
- کولیژا تەکنیکی تەندروستی وپزیشکی شێخان/کافتریا قوتابیان.

ئەڤجا هەر کەسێ حەزا پشکداریێ هەبیت بلا سەرەدانا سەرۆکاتیا زانکویێ رێڤەبەریا یاسایی بکەت بو وەرگرتنا مەرج و رێنمایان، هەر ژ ڕۆژا بەلاڤکرنا ڤێ ئاگەهداریێ کو دێ یا بەردەوام بیت بو دەمێ 7 ڕوژان، سەر ئێک زێدەکرن پشتی ڕوژەکێ ژ دوماھی ھاتنا ئاگەھداریێ دێ ل سەرۆکاتیا زانکۆیا پۆلیتەکنیک دهۆک هێتە ئەنجامدان.

بۆ زانین : ئەڤ ئاگەهداریە پێشتر ل روژنامەیا ئەڤرو یا هژمار 4014 یا رێکەفتى 9/7/2026 و ل روژنامەیا هەولێر یا هژمار 4572 یا رێکەفتى 9/7/2026 هاتینە بەلاڤکرن

07/09/2026

https://www.facebook.com/share/p/14n8xyVKUb3/?mibextid=wwXIfr

06/09/2026

https://www.facebook.com/share/p/1HT5bwUqqQ/?mibextid=wwXIfr

دەلیڤا پشکداریکرنێ د خولا چر و پڕ یا ئاسایشا ئەلیکترۆنی (Intensive Cybersecurity Course) دا بۆ قوتابی و دەرچوویێن زانکۆیان

​ب مەبەستا ئاشناکرنا قوتابی و دەرچویێن زانکۆیان ب وان شیان و شارەزاییێن تایبەت ب بواری ئاسایشا ئەلیکترۆنی ڤە بۆ هەر دوو کەرتێن گشتی و تایبەت، ئەکادیمیایا سیسکۆ ل زانکۆیا پۆلیتەکنیک دهۆک ب هەڤکاری دگەل دامەزراوەیا یوئێس میشن (US Mission) خولا چرو پڕ یا ئاسایشا ئەلیکترۆنی بۆ قوتابی و دەرچوویێن زانکۆیێن سنورێ پارێزگەها دهۆکێ رادگەهینیت، ب تایبەتی ئەو حەژێکەرێن بوارێ خواندنا وان کۆمپیوتەر یان ئەندازیاری بیت کو داخازیێن خۆ بۆ ڤێ خولێ پێشکەش بکەن.


​ئەڤ خولە ب شێوەکێ وەسا هاتیە دارشتن کو پێدڤییێن پراکتیکیێن بازاڕێ کاری د بواری ئاسایشا ئەلیکترۆنی دا بخۆ ڤە بگریت، ب ئاوایەکی کو پڕانیا وانەیان دێ پراکتیکی بن.

​ڕێکەفتا دەستپێکرنێ: ١٣-٩-٢٠٢٦

​جهـ: ئەکادیمیایا سیسکۆ - کەمپا كوليژا تەکنيكى ئەندازيارى دهۆک - زانکۆیا پۆلیتەکنیکی یا دهۆک

​دەمێ خولێ: ئێک حەفتی

​دوماهیک ڕێکەفت بۆ پێشکێشکرنێ: ۹-٩-٢٠٢٦

​تێبینی:
١. پێدڤییە پێشکێشکار ب تەمامی دلنیا بیت کو دشێت پشکداریێ د خولێ دا بکەت وهەمی ڕۆژان ئامادە ببت، پشتی ڤێ فۆڕمێ پڕ دکەت دا کو دەلیڤا پشکداریکرنێ بۆ وان خوازیاران بیت ئەوێن ب تەمامی ئامادەییا پشکداریکرنێ هەیی.

٢. هەر ڕۆژەکا خولێ دێ ۵ هەتا ٦ دەمژمێران بیت، لەوڕا دانێ خوارنا نیڤرۆ ژلایێ پروگرامی ڤە دێ هێتە بەرهەڤکرن.

٣. پڕکرنا فۆڕمێ و هنارتنا وێ نە ب رامانا وەرگرتنا پێشکێشکاری یە، هەتا وی دەمێ ئیمەیلا وەرگرتنێ بۆ پێشکێشکاری دهێتە هنارتن.

٤. پشکدارێن ڤێ خولێ دێ دڕۆژا دەستپێکێ و دوماهیێ دا تاقیکرنێ ئەنجام دەن، ب مەبەستا دیارکرنا ئاستێ مفا وەرگرتنێ ژ وانەیێن خولێ.

٥. دوو جۆرێن باوەرنامان دێ هێنە دان بۆ پشکداران:
أ- باوەرنامەیا پشکداریکرنێ،
ب- باوەرنامەیا دەربازبوونێ بۆ وان پشکداران ئەوێن د تاقیکرنا دوماهیێ دا دەرباز دبن.
هەروەسا ئەڤ خولا یا بێ بەرامبەرە ئانکۆ چ پارە ژ پشکداران نا هێنە وەرگرتن.

٦. ​بۆ پشکداریکرنێ سکانا وی (QR-Code)یێ سەر پۆستەری بکە یان ژی کلیکێ ل سەر ڤی لینکی بکە: https://forms.gle/LU8c1KRc3hj8J9PY6

02/09/2026

https://www.facebook.com/share/p/1bZRk6MxYJ/?mibextid=wwXIfr

سەرۆکاتیا زانکۆیا پۆلیتەکنیک یا دهۆک بڕیارا ڤەکرنا پشكا کارگێڕی گەشتیاری ل پەیمانگەها تەکنیکی یا زاخۆ دا

​دهۆک – راگەهاندنا زانکۆیێ

​ئاماژە ب نڤیسارا وەزارەتا خواندنا بلند و ڤەکۆلینێن زانستی / دەزگەهێ سەربەرپشتی و دلنیایی جۆری / بەڕێوەبەرایەتییا دلنیایی جۆری و متمانەبەخشین ژمارە (٦١٦٧) ل (٢١/٤/٢٠٢٦)، و ل سەر دەسەڵاتا پێ هاتیە دان، سەرۆکاتیا زانکۆیا پۆلیتەکنیک یا دهۆک بڕیارەک دەرکر.

​ل گۆرەی فەرمانا زانکۆیێ یا ژمارە (٢٠٨۳) ل رێکەفتی (٤/٥/٢٠٢٦) ب ئیمزایا (پ. د. ئاری عادل) سەرۆکا زانکۆیا پۆلیتەکنیکی یا دهۆک هاتیە ئیمزاکرن، بڕیار هاتە دان ب ڤەکرنا پشکا (کارگێڕی گەشتیاری - Tourism Management - الإدارة السياحية) ل پەیمانگەها تەکنیکی یا زاخۆ بۆ سالا خواندنێ (٢٠٢٦ - ٢٠٢٧).

​ئەڤ بڕیاره د چوارچۆڤێ بزاڤێن زانکۆیا پۆلیتەکنیکی یا دهۆک دا دهێن بۆ بهێزکرن و بەرفرەهکرنا ئاستێ زانستی و دابینکرنا پشکێن پێتڤی بۆ بازاڕێ کار ل دەڤەرێ.

01/09/2026

کۆمبوونەک ل گەل ستافێ گشتی یێ کۆلیژ و پەیمانگەھا تەکنیکی زاخۆ ھاتەکرن

ئەڤرۆ ل ڕێکەفتێ 01/09/2026ـێ، (د. دلشیر احمد محمد) ڕاگرێ کۆلیژ و پەیمانگەھا تەکنیکی زاخۆ کۆمبوونەک ل گەل گشت ستافێ سەرۆک بەش، و مامۆستا و فەرمانبەرێن کۆلیژ و پەیمانگەھێ بۆ سالا نوی یا خواندنێ 2026-2027ـێ کر، ب مەرەما دانوستاندنێ ل سەر کارۆبارێن گشتی یێن کارگێڕی و ئه‌کادیمی.

ل دەستپێکا کۆمبوونێ دا، جەخت ل سەر گرنگیا پێگیریکرنێ ب ڕێنما و دەمژمێرێن دەواما فەرمی هاتەکرن، گشت کارۆبارێن کۆلیژ و پەیمانگەھێ، و دا کو کارێ ئەکادیمی ب ئاستەکێ باش بەردەوام بیت و خزمەتەکا باشتر پێشکەشی قوتابیان بێتە کرن.

پاشان دەرگەهێ بیروبۆچوونان هاتە ڤەکرن تێدا گلە و گازندە، تێبینی و پێشنیازێن مامۆستا و فەرمانبەران هاتە گرتن ب مەرەما دیتنا پەیداکرنا چارەسەریان و ئاسانکرنا ڕێڤەچوونا کارێن ڕۆژانە دا، ل دەمژمێر (10:00)سپێدێ ل ھولا کونفڕانسا کۆلیژ و پەیمانگەھا تەکنیکی زاخۆ بڕێڤەچوو.

ل دوماهیێ، ڕاگرێ کۆلیژ و پەیمانگەھێ دووپات کر کو بزاڤێن بەردەوام دێ هێنە کرن بۆ بەرهەڤکرنا ژینگەھەکا کاری یا گونجای و بهێزکرنا گیانێ هەماهەنگیێ ل ناڤبەرا هەمی پشکان دا، ژ بۆ بلندکرنا ئاستێ زانستی و کارگێری یێ کۆلیژ و پەیمانگەھێ.

✍️

31/08/2026

#ئاگەھداری!
کۆلێژ و پەیمانگەها تەکنیکی یا زاخو دێ رابیت ب دابەشکرنا پشکێن نافخويى يێن (کوران و کچان) ل ڕۆژا ئێکشەمبێ ل ڕێکەفتی 06/09/2026ێ
تومار دێ ل ھۆبا بەشێن نافخویا کۆلێژ و پەیمانگەهێ بیت
هەر سێ قوتابی دێ د ژورەکێ دابن، و هەروەسان ب تنێ مافێ وان قوتابیان هەیە پشکێن نافخویی وەرگرن ئەوێن دووری باژێرێ زاخۆ ب دویراتیا (50کم).

بەلگەنامێن پێدڤی :
1- ناسناما بارێ شارستانی
2- پسولا (تأمینات)
3- باجا خواندنێ
4- پەسەندا جهێ ئاکنجیبوونێ ژ دەف موختارى.
٥-وێنەیەک

ئەگەر قوتابی پسولا تامیناتان و هەر وەسان پسولا کریێن (پارالێل و ئێڤاران) ڕادەست کر، ئێدی ماف نینە پشتی بورینا دەمی داخازا ڤەگەراندنێ بکەت، ب تنێ ئێک ئەگەر نەبیت ئەو ژی ئەگەر قوتابی بو خواندنێ خو ڤەگوهێزیت جهەکێ دی.

#تێبینی:-
1- * بهایي پسولا (تامینات) : 50,000 پێنجی هزار .
* بهایێ پسولا (کرێیا ئێڤاران) : 165,000 سەدو شێست و پێنج هزار .
* بهایێ پسولا (کرێیا پارالێل) : 165,000 سەدو شێست و پێنج هزار .
* قوتابییێن زانکو لاین : ب تنێ دێ (پسولا تامیناتان )رادەستی بەشێ نافخویی کەن.
*قوتابییێن پارالێل+ئێڤاران : دێ (پسولا تامیناتان+پسولا کریێ ) رادەستی بەشێ نافخویی کەن .

2- هەر قوتابیەک جهێ ئاکنجیبونا خو و پێزانینێن خو نە درست ڤەگوهێزیت ل وی دەمی قوتابی دێ ژ (بەشی هێتە لادان و پسولا تامیناتان لێ ناهێتە زڤراندن).

3- بەری قوتابی بهێتە هوبا بەشێن نافخویی بو تومارێ دڤێت قوتابی سەرەدانا (ھۆبا دارایی)
بکەت ژ بۆ وەرگرتنا پسولان. و ئەگەر سوزنامە چێ نەکربیت سالا پار ل هوبا (یاسایی) دڤێت وێ ژی دروست کەت. ل دویڤدا ماف یێ هەیی بهێتە تومارێ ل هوبا بەشێن نافخویی.

4- هیچ قوتابیەک بێی وەرگرتنا پسولان ناهێتە تومار کرن و نابیت بێی ئاگەهداریا مە هیچ قوتابیەک بچیتە د ناڤا ژورێن بەشی دا ، پاش ل وی دەمی قوتابی بەرپرسە ژ سەرپێچیا خو و دێ هێتە لادان ژ بەشی.

پشکا نافخویی