Technical College Of Zakho

23/08/2026

12/08/2026

تاقیگەهێن ئاست بڵندتر و وانەیێن سەردەمیانەتر؛ هەڤپشکیا ئەکادیمی یا کۆلیژ و پەیمانگەها تەکنیکی زاخۆ و DNO بهێزتر دبێت

​ئەڤڕۆ ب ئامادەبوونا د.دلشیر احمد محمد ڕاگرێ کۆلیژ و پەیمانگەها تەکنیکی زاخۆ، و سەرۆک پشک، و کۆمەکا مامۆستا و فەرمانبەران، و ب ئامادەبوونا هەردوو بەڕێزان:
​بەڕێز حکمت عبدالصمد احمد – ڕێڤەبەرێ CSR یێ کۆمپانیا DNO Iraq AS "نوێنەری کۆمپانیا DNO"

​بەڕێز مجید عبدالرحمن مجید – ڕاوێژکارێ CSR یێ وەزارەتا سامانێن سروشتی "نوێنەری وەزارەتا سامانێن سروشتی"

​د چالاکیەکا فەرمی دا، ڕاگریا کۆلیژ و پەیمانگەها تەکنیکی زاخۆ پشتی وەرگرتنا کۆمپیوتەر و لابتوپان،سوپاسی و دەستخۆشیێن خو ئاڕاستەی کۆمپانیا DNO کرن ب نونەراتیا بەڕێز (حکمت عبدالصمد)، هەمبەری پشتیڤانیکرن و بەخشینا ڤان لابتۆپێن مۆدێرن بۆ کۆلیژ و پەیمانگەهێ.

​ئەڤ پێنگاڤە د چوارچۆڤێ هەماهەنگی و پەیوەندیێن موکۆم و بەردەوام ێین دناڤبەرا کۆلیژ و پەیمانگەها تەکنیکی زاخۆ و کۆمپانیا DNO دا دهێت، د بوارێن وورکشۆپ و ڕاهێنانێن پیشەیی دا.

هەروەسا ​د پەیڤەکێ دا دەربارەی گرنگیا ڤێ پشتەڤانیێ،
"د.دلشێر احمد"ڕاگرێ کۆلیژ و پەیمانگەها تەکنیکی زاخۆ گوت :
​"ئەم گەلەک د سوپاسگوزارین بۆ ڤێ پشتەڤانیا ژلایێ کۆمپانیا DNOڤە ، بو دابینکرنا ڤان لابتۆپ و مینی کەیسێن مۆدێرن کو دێ بیتە ئەگەرێ بلندکرنا تایبەتمەندی و ئاستێ تاقیگەهێن مە ب شێوەیەکێ بەرچاڤ. ئەڤ ئامێرە دێ هاریکار بن کو وانەیێن پراکتیکی ب شێوەیەکێ باشتر و سەردەمیانەتر بهێنە پێشکەشکرن، و کوالیتیا فێربوونێ د تاقیگەهێن مە دا دێ بەرەڤ ئاستەکێ بڵندتر جیت، کو ئەڤە هەمی د خزمەتا بەرەڤ پێشبرنا شیانێن قوتابییێن مە دایە."

ژ لایێ خۆ ڤە، سەرۆکاتیا زانکۆیا پۆلیتەکنیکی یا دهۆک و ڕاگریا کۆلیژ و پەیمانگەها تەکنیکی زاخۆ، سوپاسی و ڕێز و پێزانینێن خۆ ئاڕاستەی کۆمپانیا DNO دکەن بۆ بزاڤ و هەوڵێن وان ێن بەردەوام د پشەیڤانیکرنا کۆلیژ و پەیمانگەهێ هەر ژ دەمێ دامەزراندنا هەردوو پشکێن پەترۆڵێ و جیۆلۆجیا پەترۆڵێ و هەتا ئەڤڕۆ.

هەژی گۆتنێ یە، ئەڤ جۆرە هەماهەنگی و پشتەڤانیە دێ بەردەوام بن ب مەبەستا بەرەڤ پێشبرنا کەرتێ خواندنا تەکنیکی و بوهێزکرنا ژێرخانا ئەکادیمی، چونکی کۆلیژ و پەیمانگەها تەکنیکی زاخۆ بەردەوام هەوڵان ددەت باشترین ژینگەها خواندنێ و نووترین تەکنەلۆجیا بۆ قوتابییێن خۆ دابین بکەت دا کو پاشەڕۆژەکا گەشتر بۆ کادرێن تەکنیکی یێن دەڤەرێ مسۆگەر بکەت.

✍🏻 دلشاد وصفي
📸 دلشاد وصفي
ڕاگریا کۆلێژا تەکنیکی زاخۆ
ڕاگەهاندنا کۆلیژا تەکنیکی زاخۆ
١٢ـی تەباخا ٢٠٢٦ـێ

04/08/2026

پلەیا زانستی یا مامۆستایەکێ کۆلیژامەهاتە بەرزکرن

بناڤێ ​ڕاگریا کۆلێژا تەکنیکی زاخۆ، گەرمترین و جوانترین پیرۆزباهییان ئاڕاستەی مامۆستایێ هێژا (هونەر حاجی حسن) دکەین ب هەلکەفتا بلندکرنا پلەیا وی یا زانستی ژ پلەیا (مامۆستایێ هاریکار) بۆ پلەیا (مامۆستا) د پپسپۆڕیا گشتی (ژمێریاری) و پپسپۆڕیا ورد (ژمێریارییا تێچوون و کارگێڕی) دا.

​ئەم وەک کۆلێژا تەکنیکی زاخۆ هیڤیا بەردەوامی، گەشەکرن و سەرکەفتنەکا مەزنتر بۆ وی دخوازین د کار و خەباتا وی یا ئەکادیمی و زانستی دا، ژ بۆ پتر خزمەتکرنا قوتابییان، کۆلێژێ و زانکۆیا مە.

​جارەکا دی پیرۆز بیت و هەر سەرکەفتی و بەردەوام بن!
ڕاگریا کۆلێژا تەکنیکی زاخۆ
٥ـی تەباخا ٢٠٢٦ـێ

03/08/2026

ڤەکولینەکا زانستی یا مامۆستایەکا کۆلیژا مە ل گۆڤارەکا نێڤدەوڵەتی یا سەر ب سەکۆیا (Scopus) ڤە هاتە بەلاڤکرن

​ل چوارچۆڤێ پێشخستنا ئاستێ ڤەکولینێن زانستی و پێگەهاندنا ناڤودەنگێ ئەکادیمی یێ دامەزراوەیا مە، ڤەکولینەکا زانستی یا هەڤبەش ل دور کەرتێ ساخلەمیێ ژ لایێ (م. وفاء إدريس علي) مامۆستا ل کۆلیژا تەکنیکی زاخۆ / زانکۆیا پۆلیتەکنیکی یا دهۆک، ب هەڤپشکی دگەل (د. علي جبار أحمد) ژ کۆلیژا پزیشکی / زانکۆیا زاخۆ، ل گۆڤارەکا زانستی یا ئاستبەرز و ل سەر سەکۆیا جیهانی یا(Scopus) هاتە بەلاڤکرن.

​ڤەکولین ل ژێر ناڤونیشانێ:
​"تقييم الفعالية السريرية للعلاج الثلاثي القياسي للقضاء على جرثومة المعدة (Helicobacter pylori) في مدينة زاخو، إقليم كردستان العراق"

​ ژ دەرئەنجامێن ڤەکولینێ و رێژەیا سەرکەفتنا چارەسەریێ: تاقیکرن ل سەر (100) نەخۆشان ل ئیدارا سەربەخو یا زاخۆ زاخۆ هاتینە کرن، دەرئەنجامان دیارکریە کو رێژەیا سەرکەفتنا چارەسەریا سێ قۆناغی (Triple Therapy) 89% بوویە د ژناڤبرنا بەکتریایا گەدەی دا.

​جینا تەمەنی یا هەرە پتر تووشبووی: دیاربوویە کو جینا تەمەنی د ناڤبەرا (21 بۆ 30) ساڵیدا ب رێژەیا 30% پتریا تووشبوویان پێکئینایە.

​ڤەکولینێ سەلماندیە کو پەیوەندیەکا ئاماری یا پێکڤە گرێدای د ناڤبەرا بەرسڤدانا لەشی بۆ چارەسەریێ دگەل تەمەن، رەگەز، و جۆرێ نیشانێن کلینیکی دا هەیە، کو نەخۆشێن تووشبووی ب ئێشانا پشکا سەری یاگەدەی جۆداتر وباشتر بەرسڤا چارەسەریێ داینە.

​ئەڤ ڤەکولینە سەلماندنا وێ چەندێ دکەت کو چارەسەریا سێ پێنگاڤی وەک هێلا ئێکێ یا کاریگەر ل دەڤەرێ بۆ تێکۆشین بەرامبەر ڤێ بەکتریایێ بمینتەڤە، ب بەرچاڤ وەرگرتنا تایبەتمەندیێن دیمۆگرافی و کلینیکیێن نەخۆشان دا ئەنجامێن چارەسەریێ بەرەڤ باشتر بچن.

​ڕاگریا کۆلیژا تەکنیکی زاخۆ پیرۆزباهی ودەست خۆشیێ ئاراستەی(م. وفاء إدریس علي)و هەڤکارێ وێ دکەت ،

​و هیڤیا سەرکەفتنێن مەزنتر و بەردەوامیا خزمەتا وان یا زانستی بۆ پێشخستنا کەرتێ ساخلەمیێ ل دەڤەرێ دخازیت.

ڕاگریا کۆلێژا تەکنیکی زاخۆ
٣ـی تەباخا ٢٠٢٦ـێ

31/07/2026

کۆلیژا تەکنیکی زاخۆ بەردەوامە د پێشخستنا ئاستێ ستافێ خۆ د هەمی بیاڤان دا

​د چارچۆڤێ گرنگیدانێ ب بلندکرنا ئاستێ زانستی و پرۆفیشناڵی یێ ستافێ زانکۆیێ، (دلشاد وصفي سلیمان) بەرپرسێ هۆبەیا ڕاگەهاندنێ ل کۆلیژا تەکنیکی زاخۆ، باوەرنامەیا پشکداریکرنێ و ڕێزلێنانێ وەرگرت ل سەر ب دوماهی ئینانا سەرکەفتیانە یا خولا ڕاگەهاندنێ یا ئەکادیمی.

​ئەڤ خولە کو ل ژێر ناڤونیشانێ "پڕۆژێ بەرهەمئینانا ناڤەڕۆکا ڕاگەهاندنا زانکۆیێ" ژلایێ ئۆفیسا ڕاوێژکاری یا زانکۆیا پۆلیتەکنیک یا دهۆک ب هەماهەنگی دگەل زانکۆیا زاخۆ هاتبوو ڕێکخستن، بۆ ماوێ ٣ ڕۆژان (ژ ١٥ هەتا ١٧ـی شوباتا ٢٠٢٦) بەردەوام بوو و کۆمکرنا ١٥ دەمژمێرێن ڕاهێنانێن تیۆری و کرداری بخۆ ڤەگرتبوو.

ڕێوڕەسمێن بەخشینا باوەرنامەیان ل پێنجشەمبی، ٣٠ـی تەمموزا ٢٠٢٦ـێ ل ژێر چاڤدێری و ب ئامادەبوونا بەرێزان (د. یمان سامی شریف) هاریکارێ سەرۆکا زانکۆیا پۆلیتەکنیک یا دهۆک بۆ کاروبارێن زانستی و (پ.هـ.د. جاسم محمد عبدو) هاریکارێ سەرۆکێ زانکۆیا زاخۆ بۆ کاروبارێن زانستی و خواندنا بلند، هاتنە ئەنجامدان.

​د ئەڤێ خولێ دا، ئارمانج ئەڤە بوو کو شارەزایی و شیانێن ستافێ ڕاگەهاندنێ د بوارێ پێشکێشکرنا سەرکەفتیانە یا بەرهەمێ ڕاگەهاندنا پرۆفیشناڵ دا بهێنە زێدەکرن، ئەو تەوەر و بابەتێن ڕاهێنان لسەر هاتین کرن:

ـ بەرهەمهێنانا ناڤەرۆکی"، "چاوانیا نڤیسینا نوچەیان"، و گهۆڕینا چالاکیان بۆ چیرۆکان (Storytelling).

ـ بابه‌تێ "مارکێتینکا دیجیتاڵی" و ڕێبەرێ پلاتفۆرمێن کۆمەڵایەتی بۆ گەهشتنا دروست ب جەماوەری.

ـ تەکەزی کرن ل سەر "ڕۆژنامەڤانییا دیجیتاڵی"، "وێنەگرتن" و "مۆنتاژ".

ـ ڕاهێنان ل سەر "چاوانیا بڕێڤەبرنا ستۆدیۆیا پۆدکاستێ" و تەکنیکێن "پێشکەشکرنا پۆدکاستێ".

​ڕاگریا کۆلیژا تەکنیکی زاخۆ تەکەزیێ ل سەر پشتەڤانیا خۆ یا بەردەوام دکەت بۆ بەرەڤ پێشبرنا شیان و ئاستێ ستافێ خۆ د هەمی بەش و هۆبەیان دا، و پیرۆزباهیێ ل (دلشاد وصفي سلیمان) دکەت و هیڤیا سەرکەفتن و پێشەکەفتنا بەردەوام بۆ دخوازێت د خزمەتکرنا ڕاگەهاندنا کۆلیژێ دا.

ڕاگریا کۆلێژا تەکنیکی زاخۆ

4: Quality Education
8: Decent Work and Economic Growth
9: Industry, Innovation and Infrastructure
17: Partnerships for the Goals

22/07/2026

ئاگەهداریەکا گرنگ ژ تۆمارا کۆلیژێ دەربارەی پرۆسەیا ڤەگوهاستنا (گواستنەوە) قوتابیان.

ئاگەهدارییا هەمی قوتابیێن هێژا دکەین کو ل پێخەمەت ڕێکخستنا پرۆسەیا ڤەگوهاستنێ و لدیف ڕێنماییێن نووی یێن وەزارەتا خوێندنی باڵا و توێژینەوەی زانستی و نڤیسارا فەرمی، پرۆسەیا ڤەگوهاستنێ ب ڤی ڕەنگێ خوارێ دێ دەستپێدکەت:

ڕاگرتنا ڤەگوهاستنێ بۆ زانکۆیێن نەپۆلیتەکنیک: هەر داخوازیا ڤەگوهاستنێ ژ لایێ قوتابیان ڤە ژ زانکۆیێن پۆلیتەکنیک بۆ هەر زانکۆیەکا دیتر کو نە پۆلیتەکنیک بیت، ناهێتە پەسەندکرن هەتاکو ئاریشا وێ د ناڤ سیستەمی دا ب تەمامی دهێتە چارەسەرکرن.

هیڤیدارین ژ هەمی قوتابیان کو پابەند ب ڤان ڕێنماییان ببن هەتا پرۆسەیا وە ب دروستی بڕێڤە بچێت.

ڕاگریا کۆلێژا تەکنیکی زاخۆ
تۆمارا کۆلیژا تەکنیکی زاخۆ
ڕاگەھاندنا کۆلیژا تەکنیکی زاخۆ
٢٣ـی تەمموزا ٢٠٢٦ـێ

20/07/2026

📢 ئاگەهداری بۆ قوتابیێن کۆلیژا تەکنیکی زاخۆ

ل دیڤ ڕێنماییێن وەزارەتا خواندنا بلند و توێژینەوەیێن زانستی، تایبەت ب ڕێنماییێن ڤەگوهاستنێ بۆ سالا خواندنێ (٢٠٢٦-٢٠٢٧):

ئەم بو هەمی قوتابیێن کۆلیژا خۆ ڕادگەهینین یێن داخازا ڤەگوهاستنێ (نقل) دناڤ زانکۆیێ دا کرین، ئەگەر ل دەمێ ڤەگوهاستنێ هندەک بابەتێن هەوە ڤەمابن، پێدڤی یە ل جهێ نوی ئەو بابەتە ب شێوازێ (Retake) دووبارە بێنە وەرگرتن.

هیڤییا سەرکەفتنێ بۆ هەمی لایەکی دخازین.

ڕاگریا کۆلێژا تەکنیکی زاخۆ
تۆمارا کۆلیژا تەکنیکی زاخۆ
ڕاگەھاندنا کۆلیژا تەکنیکی زاخۆ
٢٠ـی تەمموزا ٢٠٢٦

#ئاگەهداری

19/07/2026

https://www.facebook.com/share/p/1Bs3KUtLcY/

قارەمانیا (RISE Start Cup 2026) بۆ قوتابیێن زانکۆیان دەستپێکڕ

​پڕۆژێ RISE بۆ بهێزکرنا تێکەڵبوونا کارامەییان ژ پێخەمەت دەلیڤەیێن کاری و نێڤدەولەتیبوونا هەرێما کوردستانا عیراقێ ب دلخۆشی ڤە دەستپێکرنا خولا ئێکێ ژ هەڤرکیا RISE Start Cup Competition 2026 رادگەهینیت.

​🎯 ئارمانجێن هەڤرکیێ:
​پەرەپێدان ب داهێنان، کارسازی، خۆشکرنا دەلیڤەیێن کاری، و هەڤکاریا نێڤدەولەتی د ناڤبەرا قوتابیێن زانکۆیێن پشکدار د پڕۆژێ RISE دا (ژ وڵاتێن ئیتالیا، ئیسپانیا، و هەرێما کوردستانا عیراقێ).

​رەخساندنا دەلیڤەیەکێ بۆ قوتابیان کو هزرێن خۆ یێن داهێنەرانە بگوهرن بۆ چارەسەریێن پراکتیکی بۆ بەرەهنگاربوونا تەحەدیاتێن جڤاکی، ئابووری، ژینگەهی، و پەروەردەیی یێن نوکە.

​پشتەڤانیکرنا گەشەپێدانا بەردەوام و پالدانا قوتابیان بۆ دەستپێکرنا پڕۆژەیێن کارسازی یێن کو کارامەییێن کاری و هەڤکاریا د ناڤبەرا زانکۆ و بازاری دا.

​💡 دەلیڤەیا تەیە بۆ گۆهرینا هزرێن تە بۆ پڕۆژەیەکێ ڕاستەقینە! پشکدار ببن و ببنە پشکەک ژ گۆهرینێ.

بۆ پێزانینێن زێدەتر، لینکێ ل خوارێ کلیک بکەن:
https://dpu.edu.krd/top-stories/announcements/rise-start-cup-2026/



#2026

15/07/2026

نووچەیەکێ گرنگ بۆ قوتابیان…

​ئەڤرۆ دێ پرۆسەیا ڤەگوهاستن و دابەزینا قوتابیان د ناڤبەرا زانکۆیان دا ب شێوازێ ئەلیکترۆنی دەستپێکەت

​وەزارەتا خواندنا بلند و ڤەکۆلینێن زانستی پرۆسەیا ڤەگوهاستن و دابەزینا قوتابیان بۆ سالا نوو یا خواندنێ (2026-2027) ب شێوازێ ئەلیکترۆنی رادگەهینیت.
پرۆسە ژ ئەڤرۆ رێکەوتی (2026/7/15) تاوەکو (2026/8/15) دێ بەردەوام بیت. مەرجە فەرمانا دەرچوونا زانکۆیی یا تایبەت ب ڤەگوهاستن یان دابەزینێ د ناڤبەرا (2026/8/31) دا دەرباز نەبیت.

​ب مەبەستا رۆنکرنێ بۆ وان قوتابیێن دڤێت پرۆسەیا ڤەگوهاستن و دابەزاندنێ ئەنجام بدەن، پێدڤییە دەقێ رێنماییان ب هووری بخوینن، هەروەسا دشێن پرسیارێن خۆ ئاراستەی تۆمارا هەر ئێک ژ زانکۆیان بکەن و دێ بەرسڤا وان هێتە دان.

​تێبینی:

​1/ ئەگەر قوتابی (یوزەرنەیم و پاسۆرد) نەبیت یان ژ بیر کربیت بۆ چوونە د ناڤ سیستەمێ ڤەگوهاستن و دابەزینێ دا، ئەڤجا دێ ب رێیا ژمارا ئەزموونێن پۆلا دوازدێ ئامادەیی ل تۆمارا زانکۆیا خۆ پرۆسەیێ ئەنجام دەت.

​2/ بۆ ئەنجامدانا پرۆسەیا ڤەگوهاستن و دابەزینێ پێدڤی ناکەت چ قوتابی سەرەدانا وەزارەتێ بکەن، چونکی پرۆسە ب شێوازێ ئەلیکترۆنی دهێتە ئەنجامدان.

​3/ پێدڤییە د وێ ماوەیا دیارکری دا قوتابی مەمەلەیێن خۆ ب دوماهی بینن، چونکی د دەرڤەی ڤێ ماوەیێ دا مەمەلەیا وان ناهێتە راپەڕاندن.

​بۆ ئەنجامدانا پرۆسەیا ڤەگوهاستن و دابەزینێ کلیکێ ل سەر ڤی لینکی یێ خوارێ بکەن:
https://regayzanko.com/

​بۆ خواندنا رێنمایی و مەرج و پیڤەرێن ڤەگوهاستن و دابەزینێ کلیکێ ل سەر ڤی لینکی یێ خوارێ بکەن:

https://drive.google.com/file/d/1o09tKFS3NtIcdNDYA622Xiz9FgZea5VG/view?usp=sharing

14/07/2026

ئاگەهداری ژ سەنتەرێ زمان
پشکدارێت بەرێز ئاگەهدار دکەین کو خولەکا نوی دێ ڤەبیت و ناڤ نڤیسین دێ ل ڕوژا چوار شەمبی ١٥/٧/٢٠٢٦ دێ دەست پێکەت و دێ بەردەوام بیت هەتا ڕوژا دوو شەمبی ٢٠/٧/٢٠٢٦

جهـ: سەنتەرێ زمان - کولێژا تەکنیکی کاڕگێری ل تاخێ زڕکا
دەمژمێر ٤:٠٠ هەتا ٧:٠٠ ئێڤاری